Page Text
________________
३३०
भगवती अङ्गसूत्रं ७/-/६/३६० 'खोद्दाहार' त्ति मधुभोजिनः भूक्षोदेन वाऽऽहारो येषां ते क्षोदाहाराः 'कुनिमाहारे 'ति कुणपःशबस्तद्रसोऽपि वसादि कुणपस्तदाहाराः ।
'ते णं' ति ये तदानी क्षीणावशेषाश्चतुष्पदाः केचन भविष्यन्ति ' अच्छ' त्ति ऋक्षाः 'तरच्छ' त्ति व्याघ्रविशेषाः 'परस्सर'त्ति शरभाः, 'ढंक' त्ति काका: 'महुग' त्ति मद्गवो जलवायसाः 'सिहि' त्ति मयूराः ॥ शतकं -७ उद्देशकः-६ समाप्तः
-: शतकं -७ उद्देशकः - ७ :
वृ. अनन्तरोद्देशके नरकादावुत्पत्तिरुक्ता, साचासंवृतानाम्, अथैतद्विपर्ययभूतस्यं संवृतस्य यद्भवति तत्सप्तमोद्देशके आह
मू. (३६१) संवुडस्स णं भंते! अणगारस्स आउत्तं गच्छमाणस्स जाव आउत्तं तुयट्टमाणस्स आउत्तं वत्थं पडिग्गहं कंबलं पायपुंछणं गेण्हमाणस्स वा निक्खिवमाणस्स वा तस्स णं भंते! किं ईरियावहिया किरिया कजइ संपराइया किरिया कज्जइ ?, गोयमा ! संवुडस्स णं अनगारस्स जाव तस्स णं ईरियावहिया करिया कज्जइ नो संपराइया किरिया कज्जइत्ति ।
सेकेणणं भंते! एवं वुच्चइ-संवुडस्स णं जाव नो संपराइया किरिया कज्जइ ?, गोयमा ! जस्स णं कोहमाणमायालोभा वोच्छिन्ना भवंति तस्स णं इरियावहिया किरिया कज्जइ, तहेव जाव उस्सुत्तं रीयमाणस्स संपराइया किरिया कज्जइ, से णं अहासुत्तमेव रीयइ, से तेणट्टेणं गोयमा ! जाव नो संपराईया किरिया कज्जइ ॥
वृ. 'संवुडे' त्यादि ।। संवृतश्च कामभोगानाश्रित्य भवतीति कामभोगप्ररूपणाय ।
मू. (३६२) रूवी भंते! कामा अरूवी कामा ?, गोयमा ! रूवी कामा समणाउसो ! नो अरूवी कामा । सचित्ता भंते! कामा अचित्ता कामा?, गोयमा ! सचित्तावि कामा अचित्ताविकामा । जीवा भंते ! कामा अजीवा कामा?, गोयमा ! जीवावि कामा अजीवावि कामा ।
जीवाणं भंते! कामा अजीवाणं कामा?, गोयमा ! जीवाणं कामा नो अजीवाणं कामा, कतिविहा णं भंते! कामा पन्त्रत्ता ?, दुविहा कामा पन्नत्ता, तंजहा सद्दा य रूवा य,
रूवी भंते! भोगा अरूवी भोगा ?, गोयमा ! रूवी भोगा नो अरूवी भोगा, सचित्ता भंते भोगा अचित्ता भोगा ?, गोयमा ! सचित्तावि भोगा अचित्तावि भोगा, जीवा णं भंते! भोगा ? पुच्छा, गोयमा ! जीवावि भोगा अजीवावि भोगा, जीवाणं भंते! भोगा अवीजाणं भोगा ?, गोयमा ! जीवाणं भोगा नो अजीवाणं भोगा, कतिविहा णं भंते ! भोगा पन्नत्ता ?, गोयमा ! तिविहा भोगा पन्नत्ता तंजहा- गंधा रसा फासा ।
कतिविहाणं भंते! कामभोगा पन्नत्ता ?, गोयमा ! पंचविहा कामभोगा पन्नत्ता, तंजहासद्दा रूवा गंधा रसा फासा ।
जीवाणं भंते! किं कामी भोगी ?, गोयमा ! जीवा कामीवि भोगीवि । से केणट्टेणं भंते ! एवं वुच्चइ जीवा कामीवि भोगीवि ?, गोयमा ! सोइंदियचक्खिदियाइं पडुच्च कामी घाणिंदियजिब्भिदियफासिंदियाइं पडुच्च भोगी, से तेणट्टेणं गोयमा ! जाव भोगीवि ।
नेरइया णं भंते! किं कामी भोगी ?, एवं चेव एवं जाव थनियकुमारा ।
पुढविकाइयाणं पुच्छा, गोयमा ! पुढविकाइया नो कामी भोगी, से केणट्टेणं जाव भोगी
For Private & Personal Use Only
www.jainelibrary.org
Jain Education International
| SR No. | 003309 |
| Book Title | Agam Suttani Satikam Part 05 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 564 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |