Agam Suttani Satikam Part 05 Bhagvati

SR No.: 003309
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 564
Language: Prakrit, Sanskrit
Classification: Book_Devnagari, Agam, Canon, & agam_bhagwati
File Size: 12 MB

Page 222

शतकं - ५, वर्ग:-, उद्देशक:-9
प्रविश्य पातालेन गत्वा पुनः पूर्वसमुद्रमुदेतीत्यादि तन्मतं निषिद्धमिति ।
इह च सूर्यस्य सर्वतो गमनेऽपि प्रतिनियतत्वात्तत्प्रकाशस्य रात्रिदिवसविभागोऽस्तीतितं क्षेत्रभेदेन दर्शयन्नाह
२१९
मू. (२१७) जयाणं भंते ! जंबूद्दीवे २ दाहिणड्ढे दिवसे भवति तदा णं उत्तरडे दिवसे भवति जदा णं उत्तरड्डेवि दिवसे भवति तदा णं जंबूद्दीवे २ मंदरस्स पव्वयस्स पुरच्छिपञ्च्चत्थिमेणं राती भवति ?, हंता गोयमा ! जया णं जंबूद्दीवे २ दाहिणड्ढेवि दिवसे जाव राती भवति ।
जदा णं भंते ! जंबू० मंदरस्स पव्वयस्स पुरच्छिमेणं दिवसे भवति तदा णं पञ्चत्थिमेणवि दिवसे भवति जया णं पञ्च्चत्थिमेणं दिवसे भवति तदा णं जंबूद्दीवे २ मंदरस्स पव्वयस्स उत्तरदाहिणेणं राती भवति ?, हंता गोयमा ! जदा णं जंबू ० मंदरपुरच्छिमेणं दिवसे जाव राती भवति, जदा जं भंते ! जंबूद्दीवे २ दाहिणड्डे उक्कोसए अट्ठारसमुहुत्ते दिवसे भवति तदा णं उत्तरदेवि उक्कोसए अट्ठारसमुहुत्ते दिवसे भवति जदा णं उत्तरद्धे उक्कोसए अट्ठारसमुहुत्ते दिवसे भवति तदा णं जंबूद्दीवे २ मंदरस्स पुरच्छिमपच्चत्थिमेणं जहन्निया दुवालसमुहुत्ता राती भवति ?, हंता गोयमा जदा णं जंबू० जाव दुवालसमुहुत्ता राती भवति ।
जदा णंजंबू० मंदरस्स पुरच्छिमेणं उक्कोसए अट्ठारस जाव तदा णं जंबूद्दीवे २ पञ्च्चत्थिमेणवि उक्को० अट्ठारसमुहुत्ते दिवसे भवति जया णं पञ्चत्थिमेणं उक्कोसए अट्ठारसमुहुत्ते दिवसे भवति तदा णं भंते! जंबूद्दीवे २ उत्तर० दुवालसमुहुत्ता जाव राती भवति ?, हंता गोयमा ! जाव भवति जया णं भंते ! जंबू० दाहिणड्डे अट्ठारसमुहुत्तानंतरे दिवसे भवति तदा णं उत्तरे अट्ठारसमुहुत्तानंतरे दिवसे भवति जदा णं उत्तरे अट्टारसमुहुत्तानंतरे दिवसे भवति तदा णं जंबू ० मंदरस्स पव्वयस्स पुरच्छिमपञ्च्चत्थिमेणं सातिरेगा दुवालस मुहुत्ता राती भवति ?, हंता गोयमा ! जाणं जंबू ० जाव राती भवति । जदा णं भंते! जंबूद्दीवे २ पुरच्छिमेणं अट्ठारमुहुत्ताणंतरे दिवसे भवति तदा णं पञ्चत्थिमेणं अट्ठारसमुहुत्तानंतरे दिवसे भवति जदा णं पञ्चत्थिमेणं अट्ठारसमुहुत्तानंतरे दिवसे भवति तदा णं जंबू० २ मंदरस्स पव्वयस्स दाहिणेणं साइरेगा दुवालसमुहुत्ता राती भवति हंता गोयमा ! जाव भवति ।
एवं एते कमेणं ओसारे यव्वं सत्तरसमुहुत्ते दिवसे तेरसमुहुत्ता राती भवति सत्तरमुहुत्तानंतरे दिवसे सातिरेगा तेरसमुहुत्ता राती सोलसमुहुत्ते दिवसे चोद्दसमुहुत्ता राई सोलसमुहुत्तानंतरे दिवसे सातिरेगचोद्दसमुहुत्ता राती पन्नरसमुहुत्ते दिवसे पन्नरसमुहुत्ता राती भवति पन्नरसमुहुत्तानंतरे दिवसे सातिरेगा पन्नरसमुहुत्ता राती चोद्दसमुहुत्ते दिवसे सोलसमुहुत्ता राती चोद्दसमुहुत्तानंतरे दिवसे सातिरेगा सोलसमुहुत्ता राती तेरसमुहुत्ते दिवसे सत्तरसमुहुत्ता राती तेरसमुहुत्तानंतरे दिवसे सातिरेगा सोलसमुहुत्ता राती तेरसमुहुत्ते दिवसे सत्तरसमुहुत्ता राती तेरसमुहुत्तानंतरे दिवसे सातिरेगा सत्तरसमुहुत्ता राती ।
जया णं जंबू० दाहिणड्ढे जहन्नए दुवालसमुहुत्ते दिवसे भवति तया णं उत्तरड्ढेवि, जया णं उत्तरड्ढे तया णं जंबूद्दीवे २ मंदरस्स पव्वयस्स पुरच्छिमेणं उक्कोसिया अट्ठारसमुहुत्ता राती भवति हंता गोयमा ! एवं चेव उच्चारेयव्वं जाव राई भवति ।
जया णं भंते ! जंबू० मंदरस्स पव्वयस्स पुरच्छिमेणं जहन्नए दुवालसमुहुत्ते दिवसे भवति