Page Text
________________
शतकं-२, वर्ग:-, उद्देशकः-१
१२३
ताव रहस्सकडे हव्वमक्खाए जओणं अहं जाणामि खंदया! तएणं से खंदए कच्चायणस्सगोत्ते भगवं गोयमं एवं वयासी
गच्छामोणंगोयमा! तवधम्मायरियं धम्मोवदेसयंसमणंभगवंमहावीरं वंदामोनमंसामो जाव पञ्जुवासामो, अहासुहं देवाणुप्पिया! मा पडिबंधं, तएणं से भगवंगोयमे खंदएणं कच्चायणस्सगोत्तेणं सद्धिं जेणेव समणे भगवं महावीरे तेणेव पहारेत्थ गमणयाए ! तेणं कालेणं२ समणे भगवं महावीरे वियडमोतीयावि होत्था, तएणं समणस्स भगवओ महावीरस्स वियट्टभोगियस्स सरीरं ओरालं सिंगारंकल्लाणं सिवंधन्नं मंगलं सस्सिरीयं अणलंकियविभूसियं लक्खणवंजणघउणोववेयं सिरीए अतीव २ उवसोभमाणे चिठ्ठाइ।
तएणं से खंदए कच्चायणस्सगोत्ते समणस्स भगवओ महावीरस्स वियट्टभोगिस्स सरीरं ओरालं जाव अतीव २ उवसोभेमाणं पासइ त्ता हतुठ्ठचित्तमाणंदिए पीइमणे परमसोमणस्सिए हरिसवसविसप्पमाणहियए जेणेव समणे भगवं महावीरे तेणेव उवागच्छइ २त्ता समणं भगवं महावीरं तिक्खुत्तो आयाहिणप्पयाहिणं करेइ जाव पञ्जुवासइ । खंदयाति समणे भगवं महावीरे खंदयं कच्चाय० एवंवयासी-सेनूणंतुमंखंदया! सावत्थीए नयरीए पिंगलएणं नियंठेणं वेसालियसावएणं इणमक्खेवं पुच्छिए मागहा ! किं सअंते लोए अनंते लोए एवं तं चेव जाव जेणेव मम अंतिए तेणेव हव्वमागए, से नूणं खंदया! अयमढे समढे?, हंता अस्थि
जेवियते खंदया! अयमेयारूवे अब्भत्थिए चितिए पत्थिए मणोगए संकप्पे समुप्पज्जित्थाकिं सअंते लोए अणंते लोए? तस्सवियणं अयमढ़े-एवं खलु मए खंदया! चउव्विहे लोए पन्नते, तंजहा-दव्वओ खेत्तओ कालओ भावओ । दव्वओ णं एगे लोए सअंते ?, खेत्तओ णं लोए असंखेज्जाओ जोयणकोडाकोडीओ आयामविक्खंभेणं असंखेज्जाओ जोयणकोडाकोडीओ परिक्खेवेणं प० अत्थि पुण सअंते २, कालओ णं लोए न कयाविन आसी न कयाविन भवति न कयाविन भविस्सति प० अस्थिपुण सअंते २, कालओणं लोएण कयाविनआसीन कयावि न भवति न कयावि न भविस्सति भविंसु य भवति य भविस्सइ य धुवे नितिए सासते अक्खए अव्वए अवठ्ठिए निच्चे, नत्थि पुण से अंते ३।
भावओणं लोएअनंता वन्न पज्जवा गंध० रस० फासपज्जवा अनंता संठाणपज्जवा अनंता गुरुयलहुयपज्जवा अनंता अगुरुयलहुयपज्जवा, नस्थिपुण से अंते ४, सेत्तं खंदगा! दव्वओ लोए सअंते खेत्तओ लोए सअंते कालतो लोए अनंते भावओ लोए अनंते । जेवि य ते खंदया! जाव सअंते जीवे अनंते जीवे, तस्सवि य णं अयमढ़े-एवं खलु जाव दव्वओ णं एगे जीवे सअंते, खेत्तओ णं जीवे असंखेञ्जपएसिए असंखेजपदेसोगाढे अस्थि पुण से अंते, कालओ णं जीवे न कयाविन आसिजाव निच्चेनस्थिपुण से अंते, भावओणंजीवेअनंता नाणपज्जवा अनंता दंसणप० अनंता चरित्तप० अनंता गुरुलहुयप० अनंता अगुरुलहुयप० नत्थि पुण से अंते, सेत्त दव्वओ जीवे सअंते खेत्तओ जीवे सअंते कालओ जीवे अनंते भावओ जीवे अनंते ।
जेवियते खंदया पुच्छ (इमेयारूवेचिंतिएजावसअंता सिद्धी अनंता सिद्धी, तस्सविय णं अयमढे खंदया !-मए एवं खलु चउब्बिहा सिद्धी प०, तं० -दव्वओ ४, दव्वओ णं एगा सिद्धी) खेत्तओ णं सिद्धी पणयालीसं जोयणसहस्साइं दोन्नि य अउणापन्नजोयणसए किंचि
Jain Education International
For Private & Personal Use Only
www.jainelibrary.org
| SR No. | 003309 |
| Book Title | Agam Suttani Satikam Part 05 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 564 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |