Page Text
________________
४३५
श्रुतस्कन्धः-२, चूडा-३, बहुपडिपुत्राणं अट्ठमाणराइंदियाणं वीइक्कंताणंजे से गिम्हाणं पढमे मासे दुच्चे पक्खे चित्तसुद्धे तस्सणं चित्तसुद्धस्स तेरसीपक्खेणं हत्यु० जोग० समणं भगवं महावीरं अरोग्गा अरोग्गं पसूया
जण्णं राइं तिसलाख० समणं० महावीरं अरोया अरोयं पसूया तण्णं राइंभवणवइवाणमंतरजोइसियविमाणवासिदेवेहिं देवीहि य उवयंतेहिं उप्पयंतेहि य एगे महं दिव्वे देवुञ्जोए देवसनिवाए देवकहक्कहए उपिंजलगभूए यावि हुत्था।
जण्णं रयणिं० तिसलाख० समणं० पसूया तण्णं रयणिं बहवे देवा य देवीओ य एगं महं अमयवासंच १ गंधवासंच २ चुन्नवासंच ३ पुप्फवा संच ४ हिरन्नवासंच ५ रयणवासंच ६ वासिंसु, जण्णं रयणिंतिसलाख० समणं० पसूयातण्णं रयणिंभवणवइवाणमंतरजोइसियविमाणवासिणो देवा य देवीओ य समणस्स भगवओ महावीरस्ससूइकम्माइं तित्थयराभिसेयं च करिंसु
जओ णं पमिइ भगवं महावीरे तिसलाए ख० कुञ्छिसि गब्भं आगए तओ णं पमिइ तं कुलं विपुलेणं हिरन्नेणं सुवनेणं धणेणं धन्नेणं माणिक्केणं मुत्तिएणं संखसिलप्पवालेणं अईव २ परिवड्ढइ,
तओणं समणस्स भगवओ महावीरस्स अम्मापियरो एयमटुंजाणित्ता निव्वत्तदसाहसि वुक्कंतंसि सुइभूयंसिविपुलं असणपाणखाइमसाइमंउवक्खडाविंति२ तामित्तनाइसयणसंबंधिवग्गं उवनिमंतंति मित्त० उवनिमंतित्ता बहवे समणमाहणकिवणवणीमगाहिं भिछुडगपंडरगाईण विच्छडंति विग्गोविंति विस्साणिंति दायारेसु दाणं पजभाइंति विच्छड्डित्ता विग्गो० विस्साणित्ता दाया० पज्जभाइत्ता मित्तनाइ० भुंजाविंति मित्त० भुंजावित्ता मित्त० वग्गेण इममेयारूवं नामधिज्ज कारविंति।
जओ णं पभिइ इमे कुमारे ति० ख० कुच्छिसि गन्भे आहूए तओ णं पभिइ इमं कुलं विपुलेणं हिरन्नेणं० संखसिलप्पवालेणं अतीव २ परिवड्डइ ता होउ णं कुमारे वद्धमाणे,
तओ णं समणे भगवं महावीरे पंचधाइपरिवुडे, तं०-खीरधाईए १ मजणधाईए २ मंडणधा०३ खेलावणधाइए४ अंकधाइए ५अंकाओ अंकं साहरिज्जमाणे रम्मे मणिकुट्टिमतले गिरिकंदरसमुल्लीणेविव चंपयपायवे अहाणुपुबीए संवड्ढइ,
तओणंसमणेभगवं० विन्नायपरिणयविणियत्तबालभावे अप्पुस्सुयाइंउरालाइंमाणुस्सगाई पंचलक्खणाई कामभोगाइं सद्दफरिसरसरूवगंधाइं परियारेमाणे एवं चणं विहरइ।
मू. (५११) समणे भगवंमहावीरे कासवगुत्ते तस्सणं इमे तिन्निनामधिज्जा एवमाहिजंति, तंजहा-अम्मापिउसंति वद्धमाणे १ सहसंमुइए समणे २ भीमं भयभेरवं उरालं अवेलयं परीसह सहत्तिकट्ठ देवेहिं से नामं कयं समणे भगवं महावीरे ३,
समणस्सणंभगवओ महावीरस्स पिया कासवगुत्तेणं तस्सणं तिनि नाम० तं०-सिद्धत्थे इवा सिजंसे इ वा जसंसे इवा,
समणसणं० अम्मा वासिहस्सगुत्ता तीसेणं तिन्नि ना०, तं-तिसला इ वा विदेहदिन्नाइ वा पियकारिणी इवा,
-समणस्स णंभ० पित्तिअएसुपासे कासवगुत्तेणं, समण० जिढे भाया नंदिवद्धणे कासवगुत्तेणं,
Jain Education International
For Private & Personal Use Only
www.jainelibrary.org
| SR No. | 003305 |
| Book Title | Agam Suttani Satikam Part 01 Aacharang |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 468 |
| Language | Prakrit, Sanskrit |
| Classification | Book_Devnagari, Agam, Canon, & agam_acharang |
| File Size | 10 MB |