________________
श्रीपद्मप्रभजिनस्तुतिः
:: ३६७ :+[९०५] श्रीपद्मप्रभजिनस्तुतिः।।
१ ( वसन्ततिलका ) पद्मप्रभः प्रतिदिनं प्रददातु पद्मां,
प्रौढप्रमादपवनाशनपन्नगारिः । श्रीमद्धरशितिपतेः कुलमेरुकल्पो,
रक्ताङ्कभूधनरुची रुचिरप्रभावः ॥ १ ॥ संसारनीरनिधिपीतसरिद्धदीशा
स्तीर्थङ्कराः शुभभरं मम ते दिशन्तु । सन्त्यज्य ये नृपरमां गजवाजियुक्तां,
मुक्तिश्रिये तृणमिवाऽऽददिरे तपस्याम् ॥२॥ मू| वहे जिनवराऽऽगमपुण्डरीकं,
सद्भङ्गजालदलसञ्चयपूरिताङ्गम् । सप्तप्रधाननयनालविराजमानं,
विद्वत्षडशिसुखदं पदवारिसंस्थम् ॥ ३ ॥ गौरी सुरी मम सदा विदधातु भद्रं,
कुन्देन्दुशङ्करजताचलचारुकान्तिः । प्रध्वस्तदोषनिचया निचिता गुणौघैः,
सारङ्गशावनयना जयदायिनीयम् ॥४॥
-
* पू. आ. श्रीविजयानन्दसूरीश्वरागां पट्टशिष्यपू.मुनिशेखरश्रीलक्ष्मीविजयाणां विनेयमुनिराजश्रीहंसविजयस्य कृतिरियम् ।
Jain Education International
For Private & Personal Use Only
www.jainelibrary.org
