________________
सप्तमस्तरमा
यस्तं नमामि विहितावमहानिशान्त,
शान्तिं जिनं परमशान्तिमहानिशान्तम् ॥ १ ॥ यद्वाहवो वरपुरीपरमार्गलाभाः,
प्राप्ता यतश्च जगता परमार्गलाभाः । नत्वा च यस्तुिलितवैबुधराजि नाऽऽस्ते,
सिद्धौ जयन्त्यघदवाम्बुधरा जिनास्ते ॥२॥ यच्छृण्वतोऽत्र जगतोऽपि समाऽधिकारं,
बुद्धिर्भवत्यनुपतापि समाधिकारम् । तत् पावकं जयति जैनवचो रसादि
भोगातिलोलकरणानवचोरसादि ॥३॥ धत्ते गदाक्षमिह दृपतिताञ्जनस्य,
कान्ति च या गतवती पतितां जनस्य । आमोदलोलमुखरोपरिपातुकाली,
पद्मो यदासनमसौ परिपातु काली ॥४॥
अथ श्रीकुन्थुजिनस्तुतिः ।
१ ( इन्द्रवज्रावृत्तम् ) हन्तुं महामोहतमोऽक्षमाणा-मोजो नृणां योऽकृत मोक्षमाणा । यं चार्तिकृच्छ्राज्जनताऽऽप देवः, स्थाप्यात् स कुन्थुः शिवतापदे वः ॥१॥
संसाररूपः सुबृहन्नुदन्वा-नलचि पीडानिवहं नुदन् वा । यदर्शनात् प्रापि जनेन नाकः, स्तूयाजिनांस्तान भुवने न ना कः ? ॥२॥ वाशनी दुष्कृतपर्वताना, निर्वाणदानात् कृतपर्वतानाम् । जिनेन्द्रवाणीमवदातनिष्ठां, समाश्रयध्वं स्ववदातनिष्ठाम् ॥३॥
१ इमे त्रयः श्लोकाः उपजातिवृत्तौ ।
-
Jain Education International
For Private & Personal Use Only
www.jainelibrary.org
