________________
धर्माभ्युदयम् ।
अमात्यः – देव !
-
अन्योऽपि कोsपि विफलो न भवति परितोष्य देवकीयमनः । श्रीवीरागमकथनात्तोषयिता किमुत यस्तस्य १ ॥ १० ॥ ( ततः प्रविशति प्रकृत्या सदाचारः पुरुषोत्तमो नाम प्रतीहारः । )
प्रतीहारः -- ( राजानं प्रति ) देव ! देवकीयोद्यानस्योद्यानपालकः प्रियंवदः कुतोऽपि निष्यन्दमान इवामन्दानन्दरसेन देवदर्शनमिच्छुः सिंहद्वारमधितिष्ठति ।
राजा - ( साक्षेपं) अकालक्षेपमेव प्रवेशय ।
प्रतीहारः - यदादिशति देवः । ( इति निष्क्रम्य प्रियंवदेन समं प्रविशति । )
प्रियंवदः - ( क ) जयदु जयदु देवो । ( इति राजानं प्रणम्य विज्ञपयति । ) देव ! पणयजणकल्लाणकंदुट्टविसट्टणुरगंतमिहराणुगारिणो सिरिखद्धमाणसामिणो समागमणमंगलेण वद्धाविज्जदु देवो ।
राजा - ( समाकर्ण्यानन्द रोमाञ्चमभिनीय ) प्रियंवदक ! त्रिभुवनजनसंस्तूयमानपदपङ्केरुहमहिमा निष्पतिमनैर्मल्य कैवल्यलक्ष्मीविलासरसप्रसृतः समवसृतः कस्मिन्नगण्यपुण्यसंभारसुभगम्भावुके भूभागे भगवान् ? ।
( क ) जयतु जयतु देवः । देव ! प्रणतजनकल्याणनीलोत्पलदलनोद्गतमिहरानुकारिणः श्रीवर्धमानस्वामिनः समागमनमङ्गलेन वर्धाप्यतां देवः ।
Jain Education International
For Private & Personal Use Only
www.jainelibrary.org
