________________
श्रीमन्मेघप्रभाचार्यविरचितं
समुचितानां सिद्धिहेतुत्वं प्रतिपादयता कुशलवैतालिकेनानेन दिष्ट्या ममापि शुभोपश्रुतिलाभ इव श्रवणपथप्रणयीकृतः । तदेहि आवामप्यनन्तरकार्यकरणाय सज्जीभवावः ।
( इति निष्क्रान्तौ । )
|| प्रस्तावना |
8
( ततः प्रविशति निजप्रासादसभामण्डपस्थसिंहासनाध्यासीनस्त्रिदशाङ्गनानुकारवारविलासिनी करकमलसंचार्यमाणचारुतरचामरयुगलवीज्यमानो राजा दशार्णभद्रो विभवतश्च परिवारः । )
राजा - ( सुमतिनामानं निजममात्यरत्नं प्रति ) महत्तम ! कदा मुदाश्रुभिः प्राव्यो मिथ्यादर्शनकश्मलः । देवदेवं नमस्कृत्य वीरं मम शुभोदये ! ॥ ७ ॥ अमात्यः — देव ! एवमेतत्,
चिन्तारत्नं कल्पद्रुमश्च सौवर्णपुरुषसिद्धिश्च । जिनवन्दनं सुभक्त्या पृथुपुण्यैर्भवति कस्यापि ॥ ८ ॥
राजा-
पुण्यप्रबन्धसुलभांहिसरोरुहस्य
तस्यागमात्समभिनन्दति मां जनो यः । तस्मै सुवर्णरसनादिकतोषदानं
किं किं ददामि नहि कामितवस्तु यद्वा ? ॥ ९॥
Jain Education International
For Private & Personal Use Only
www.jainelibrary.org
