________________
धर्माभ्युदयम् ।
सत्यप्रतिज्ञस्त्वं जातो निर्जितोऽहं पुरन्दरः । ग्रहीतुमपि चारित्रं यन्नाहं त्वमिव क्षमः ||३८|| ( इति जिनवन्दनप्रतिस्पर्धानिबन्धनं स्वापराधं क्षामयति । लेपमयमूर्तित्वेन प्रतिवचनं धर्मलाभमात्रमप्यलभमानः संमुखमवलोक्य मन्त्रिणं प्रति ) कथमद्यापि प्रतिप्रभावनावलोकनकन्दलितं कालुष्यमिव कलयत्येष महर्षिः । किं वाऽस्मदाश्रितकुसुमायुधापराधप्रतिबद्धविरोधमिव कमपि हृदये निधत्ते ।
मन्त्री प्रधानपरिजनश्च – स्वामिन् ! एष महात्मा गृहीतव्रत एव समशत्रुमित्रः परिणामप्रणयिप्रशमपवित्रः सकलजीवलोकवात्सल्यमधुरचरित्रः । भवन्तोऽपि प्रततमतिबन्धबन्धुराः साधर्मिकबान्धवाः सततमुपासकलोकस्य । मदनोऽपि नामास्य यशस्वितपस्वितपस्तेजसैव दुस्थावस्थामापादितो न पुनः प्रकोपतेजसा । केवलं दीक्षाक्षणादारभ्य केनापि साकमनाभाषमाणः समुज्ज्वलगुणकाष्ठतामास्थितः प्रतिपनमौनध्यान इवोपलक्ष्यते ।
पुरन्दरः - ( साश्चर्यमिव सामानिकसुरान् प्रति ) पश्यत तत्कालमेव विलीनसकलमनः परीणाममवस्थान्तरमस्य महामुनेः कियद्विधां कलाकोटिमापन्नम् ? । ( अन्यतोऽवलोक्य ) कथ१ मद्यापि नात्र प्रस्तावे किमप्यात्मानं ज्ञापयति यथाकामरूपः क्रीडापात्रमस्माकं कुतूहल: ? ।
(ततः प्रविशति चलच्चूलिकां श्मश्रुभागं च परामृशन् कपर्दघर्घराद्याभरणः कौतुकवेषधारी यथानिर्दिष्टः पुरुषः । )
Jain Education International
For Private & Personal Use Only
२१
www.jainelibrary.org
