Page Text
________________
(१३) रायपसेणिय [ (२) उवंगसुत्तं ]
[३२]
धानविया जीवा नवएणं इसुणा पभू पंचकंडगं निसिरित्तए ?, हंता पभू, सो चेव णं पुरिसे तरूणे जाव निउणसिप्पोवगते कोरिल्लिएणं धणुणा कोरिल्लियाए जीवा कोरिल्लिए उसुणा पभू पंचकंडगं निसिरित्तए ?, णो तिणट्टे समट्ठे, कम्हाणं ?, भंते! तस्स पुरिसस्स अपज्जत्ताइं उवगरणाई हवंति, एवामेव पएसी ! सो चेव पुरिसे बाले जाव मंदविन्नाणे अपज्जत्तोवगरणे णो पभू पंचकंडयं निसिरित्तए तं सद्दहाहि णं तुमं पएसी ! जहा अन्नो जीवो तं चेव ५ । ६८ । तए णं पएसी राया सीकुमारसमणं एवं व० अत्थि णं भंते! एस पण्णा उवमा० इमेणं पुण कारणेणं नो उवागच्छइ अत्थि णं भंते! से जहानामए केई पुरिसे तरूणे जाव सिप्पोवगते भूगं महं अयभारगं वा तउयभारगं वा सीसगभारगं वा परिवहित्तए ?, हंता पभू, सो चेव णं भंते ! पुरिसे जुन्ने जराजज्जरियदेहे सिढिलवलितयाविणट्टगत्ते दंडपरिग्गहियग्गहत्थे पबिरलपरिसडियदंतसेढी आउरे किसिए पिवासिए दुब्बले किलंते नो पभू एगं महं अयभारं वा जाव परिवहित्तए, जति णं भंते! सच्चेव पुरिसे जुने राजनरियदे जाव परिकिलंते पभू एगं महं अयभारं वा जाव परिवहित्तए तो णं सद्दहेज्ना० तहेव जम्हा णं भंते ! से चेव पुरिसे जुन्ने जाव किलंते नो पभू एगं महं अयभारं वा जाव परिवहित्तए तम्हा सुपतिट्ठिता मे पण्णा० तहेव, तए णं केसीकुमारसमणे पएसिं रायं एवं व० से जहाणामए केई पुरिसे तरूणे जाव सिप्पोवगए • विया विहंगियाए णवएहिं सिक्कएहिं णवएहिं पच्छियपिडएहिं पहू एवं महं अयभारं जाव परिवहित्तए ?, हंता पभू, पएसी ! से चेव णं पुरिसे तरूणे जाव सिप्पोवगए जुन्या दुलिया घुणक्खइयाए विहंगियाए जुण्णएहिं दुब्बलएहिं घुणक्खइएहिं सिढिलतयापिणद्धएहिं सिक्कएहिं (१४९) जुण्णएहिं दुब्बलिएहिं घुणखइएहिं पच्छिपिडएहिं पभू एगं महं अयभारं वा जाव परिवहित्तए ?, णो तिण०, कम्हा णं ?. भंते ! तस्स पुरिसस्स जुन्नाई उवगरणाइं भवंति, पएसी ! से चेव से पुरिसे जुन्ने जाव किलंते जुन्नोवगरणे नो पभू एगं महं अयभारं वा जाव परिवहित्तए तं सद्दहाहि णं तुमं पएसी ! जहा अन्नो जीवो अन्नं सरीरं ६ |६९| तए णं से पएसी केसिकुमारसमणं एवं व०-अत्थि णं भंते ! जाव नो उवागच्छइ एवं खलु भंते! जाव विहरामि तए णं मम णगरगुत्तिया चोरं उवर्णेति तए णं अहं तं पुस्सिं जीवंतगं चेव तुलेमि तुलेत्ता छविच्छेयं अकुव्वमाणे जीवियाओ ववरोवेमि त्ता मयं तुलेमि णो चेव णं तस्स पुरिसस्स जीवंतस्स वा तुलियस्स मुयस्स वा तुलियस्स केई आणत्ते वा नाणत्ते वा ओमत्ते वा तुच्छत्ते वा गरूयत्ते वा लहुयत्ते वा, जति णं भंते! तस्स पुरिसस्स जीवंतस्स वा तुलियस्स मुयस्स वा तुलियस्स केई अन्नत्ते वा जाव लहुयत्ते वा तो णं अहं सद्दहेज्जा तं चेव, जम्हा णं भंते ! तस्स पुरिसस्स जीवंतस्स वा तुलियस्स मुयस्स वा तुलियस्स नत्थि केई अन्नत्ते वा० लहुयते वा म्हा सुपतिट्ठिया मे पन्ना जहा तंजीवो तंचेव, तए णं केसीकुमारसमणे पएसिं रायं एवं व० अत्थि णं पएसी ! तुमे कयाई वत्थी धंतपुव्वे वा धमावियपुव्वे वा ?, हंता अत्थि, अत्थि णं पएसी ! तस्स वत्थिस्स पुण्णस्स वा तुलियस्स अपुण्णस्स वा तुलियस्स केई आणत्ते वा जाव लहुयत्ते वा ?, णो तिणट्ठे समट्ठे, एवामेव पएसी ! जीव अगुरुलहुयत्तं पडुच्च जीवंतस्स वा तुलियस्स मुयस्स वा तुलियस्स नत्थि केई आणत्ते वा जाव लहुयत्ते वा, तं सद्दहाहि णं तुमं पएसी ! तं चेव ७ । ७० । तए णं पएसी राया केसिं कुमारसमणं एवं व० अत्थि णं भंते ! एसा जाव नो उवागच्छइ, एवं खलु भंते! अहं अन्नया जाव चोरं उवणेति तए णं अहं तं पुरिसं सव्वतो समंता समभिलोएमि नो चेव णं तत्थ जीवं पासामि तए णं अहं तं पुरिसं दुहाफालियं करेमि त्ता सव्वतो समंता समभिलोएमि नो चेव णं तत्थ जीवं पासामि एवं तिहा चउहा संखेज्जफालियं करेमि णो चेव णं तत्थ जीवं पासामि, जइ णं भंते! अहं तं पुरिसं दुहा वा तिहा वा चउहा वा संखेज्जहा वा फालियंमि वा जीवं पासंतो तो णं अहं सज्जनो तं चेव, जहा णं भंते! अहं तंसि दुहा वा तिहा वा चउहा वा संखेज्जहा वा फालियंमि जीवं न पासामि तम्हा सुपतिट्ठिया मे पण्णा जहा तंजीवो तंसरीरं तं चेव, तए णं केसिकुमारसमणे पएसिं रायं एवं व- मूढतराए णं तुमं पएसी ! ताओ तुच्छतराओ, के णं भंते! तुच्छतराए ?, पएसी ! से जहाणामए केई पुरिसे वणत्थी वणोवजीवी वणगवेसणयाए जोइं च जोइभायणं च गहाय कट्ठाणं अडविं अणुपविट्ठा, तए णं ते पुरिसा तीसे अगामियाए जाव किचिदेसं अणुप्पत्ता समाणा एवं पुरिसं एवं व०-अम्हे णं देवाणुप्पिया ! कट्ठाणं अडविं पविसामो एत्तो णं तुमं जोइभायणाओ जोई गहाय अम्ह असणं० साहेज्नासि अह तंमि जोइभायणे जोई विज्झवेज्ना तो णं तुमं कट्ठाओ जोइं गहाय अम्हं असणं० साहेज्जासित्तिकट्टु कट्ठाणं अडविं अणुपविट्ठ तए णं से पुरिसे तओ मुहुत्तन्तरस्स तेसिं पुरिसाणं असणं० साहेमित्तिकट्टु
BOKYOH श्री आगमगुणमंजूषा ८३६
(
五五五五五五五五五五五已
| SR No. | 003263 |
| Book Title | Agam 13 Upang 02 Rajprashniya Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 46 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 5 MB |