Agam 13 Upang 02 Rajprashniya Sutra Shwetambar Agam Guna Manjusha

SR No.: 003263
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 46
Language: Prakrit
Classification: Book_Devnagari, Agam, Canon, & agam_rajprashniya
File Size: 5 MB

Page 39

फुफ
(१३) रायपसेणियं [ (२) उवंगसुतं ] गच्छं जाव इह अप्पाउया णरा कालधम्मुणा संजुत्ता भवंति से णं इच्छेज्जा माणुस्सं० णो चेव णं संचाएइ०, अहुणोववण्णे देवे दिव्वेहिं जाव अज्झोववण्णे तस्स माणुस्सए उराले दुग्गंधे पडिकूले पडिलोमे भवइ उड्ढपिय णं चत्तारि पंच जोयणसयाइं असुभे माणुस्सए गंधे अभिसमागच्छइ से णं इच्छेज्ना माणुसं० णो चेवणं संचाइज्जा, इच्चेएहिं ठाणेहिं पएसी ! अहुणोववण्णे देवे देवलोएस इच्छेज्ज माणुसं लोगं हव्वमागच्छित्तए णो चेव णं संचाएइ हव्वमागच्छित्तए, तं सद्दहाहि णं तुमं पएसी ! जहा अन्नो जीवो अन्नं सरीरं नो तंजीवो तंसरीरं २ । ६६ । तए णं से पएसी राया केसि कुमारसमणं एवं व०- अत्थि णं भंते! एस पण्णा उवमा० इमेणं पुण कारणेणं णो उवागच्छति, एवं खलु भंते! अहं अन्नया कयाई बाहिरियाए उवट्टाणसालाए अणेगगणणायगदंडणायगईसरतलवरमाडंबियकोडुंबियइब्भसेट्ठिसेणाव. इसत्थवाहमंतिमहामंतिगणगदोवारिय अमच्चचेडपीढमद्दनगरनिगमदूयसंधिवालेहिं सद्धि संपरिवुडे विहरामि तए णं मम जगरगुत्तिया ससक्खं सलोद्धं सगेवेज्जं अवउडगबंधणबद्धं चोरं उवणेंति, तए णं अहं तं पुरिसं जीवंतं चेव अओकुंभीए पक्खिवावेमि अओमएणं पिहाणएणं पिहावेमि अएण य तउएण य आयावे म आयपच्चइएहिं पुरिसेहिं रक्खावेमि, तए णं अहं अण्णया कयाई जेणामेव सा अओकुंभी तेणामेव उवागच्छामि त्ता तं अओकुंभीं उग्गलच्छा. वेमि त्ता तं पुरिसं सयमेव पासामिणो चेवणं तीसे अयकुंभीए केई छिड्डेइ वा विवरेइ वा अंतरेइ वा राई वा जओ णं से जीवे अंतोहितो बहिया णिग्गए जइ णं भंते! तीसे अओकुभीए नई छिड्डे वा जाव राई वा जओ णं से जीवे अंतोहिंतो बहिया णिग्गए तो णं अहं सद्दहेज्जा पत्तिएज्ना रोएज्जा जहा अन्नो जीवो अन्नं सरीरं नो तंजीवो तंसरीरं, म्हाणं भंते! तीसे अओकुभीए णत्थि केई छिड्डे वा जाव निग्गए तम्हा सुपतिट्ठिया मे पन्ना जहा तंजीवो तसरीरं नो अन्नो सरीरं, तए णं केसी कुमारसमणे पएसिं रायं एवं व०-पएसी ! से जहानामए कूडागारसाला सिया दुहओलित्ता गुत्ता गुत्तदुवारा णिवाया णिवायगंभीरा, अहणं केई पुरिसे भेरिं च दंडं च गहाय कूडागारसालाए अंतो २ अणुप्पविसइ त्ता तीसे कूडागारसालाए सव्वतो समंता घणनिचियनिरंतरणिच्छिड्डाई दुवारवयणाई पिहेइ, तीसे कूडागारसालाए बहुमज्झदेसभाए ठिच्चा तं भेरिं दंडएणं महया २ सद्देणं तालेज्जा से णूणं पएसी ! से सद्दे णं अंतोहिंतो बहिया निग्गच्छइ ?, हंता णिग्गच्छइ, अत्थि णं पएसी ! तीसे कूडागारसालाए केई छिड्डे वा जाव राई वा जओ णं से सद्दे अंतोहिंतो बहिया णिग्गए ?, नो तिणट्ठे समट्ठे, एवामेव पएसी जीवेवि अप्पडिहयगई पुढविं भिच्चा सिलं भेच्चा पव्वयं भिच्चा अंतोहिंतो बहिया णिग्गच्छइ तं सद्दहाहि णं तुमं पएसी ! अण्णो जीवो तं चेव ३ । तए णं पएसी राया केसिकुमारसमणं एवं व० अत्थि णं भंते! एस पण्णा उवमा० इमेण पुण कारणेणं णो उवागच्छइ, एवं खलु भंते! अहं अन्नया कयाई बाहिरियाए उवट्ठाणसालाए जाव विहरामि, तए णं ममं णगरगुत्तिया ससक्खं जाव उवर्णेति, तए णं अहं (तं) पुरिसं जीवियाओ ववरोवेमि त्ता अयोकुंभीए पक्खिवामि त्ता अओमएणं पिहावेमि जाव पच्चइएहिं पुरिसेहिं रक्खावेमि, तए णं अहं अन्नया कयाई जेणेव सा कुंभी तेणेव उवागच्छामि त्ता तं अओकुंभि उग्गलच्छावेमि त्ता तं अउकुंभिं किमिकुम्भिपिव पासामि णो चेव णं तीसे अओकुंभीए केई छिड्डेइ वा जाव राई वा जतो ते जीवा बहियाहिंतो अणुपविट्ठा, जति णं तीसे अओकुंभीए होज्ज केई छिड्डेइ वा जाव अणुपविट्ठा तेणं अहं सद्दहेज्ना जहा अन्नो जीवो तं चेव, जम्हा णं तीसे अओकुभीए नत्थि कोई छिड्डेइ वा जाव अणुपविट्ठा तम्हा सुपतिट्ठिया मे पण्णा० जहा तंजीवो तंसरीरं तं चेव, तए णं केसीकुमारसमणे पएसी राय एवं व० अत्थि सी! या धंतपुव्वे वा धमावियपुव्वे वा ?, हंता अत्थि, से णूणं पएसी ! अए धंते समाणे सव्वे अगणिपरिणए भवति ?, हंता भवति, अत्थि णं पएसी ! तस्स अयस्स केई छिड्डेइ वा जेणं जोई बहियाहिंतो अंतो अणुपविट्ठे ?, नो इणमट्ठे समट्ठे, एवामेव पएसी ! जीवोऽवि अप्पडिहयगई पुढविं भिच्चा सिलं भिच्चा बहियाहिंतो अणुपविसद्दै तं सद्दहाहि णं तुमं पएसी ! तहेव ४ । ६७। तए णं पएसी राया केसीकुमारसमणं एवं व०-अत्थि णं भंते ! एस पण्णा उवमा० इमेण पुण मे कारणेणं नो उवागच्छइ, अत्थि णं भुते ! से जहानामए केई पुरिसे तरूणे जाव सिप्पोवगए पभू पंचकंडगं निसिरित्तए ?, हंता पभू, जति णं भंते! सोच्चेव पुरिसे बाले जाव मंदविन्नाणे पभू होज्जा पंचकंडगं निसिरित्तए तो णं अहं सहेज्जा० जहा अन्नो जीवो तं चेव, जम्हा णं भंते! से चेव से पुरिसे जाव मंदविन्नाणे णो पभू पंचकंडयं निसिरित्तए तम्हा सुपइट्ठिया मे पण्णा० जहा तंजीवो तं चेव, तए णं केसीकुमारसमणे पएसिं रायं एवं व० से जहानामए केई पुरिसे तरूणे जाव सिप्पोवगए णवएणं
ॐॐॐॐॐॐ श्री आगमगुणमंजूषा - ८३५ULLLLLL
NRO 5 5 5 5 5 5 5 5 5 5 5 5
[३१]