Agam 13 Upang 02 Rajprashniya Sutra Shwetambar Agam Guna Manjusha

SR No.: 003263
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 46
Language: Prakrit
Classification: Book_Devnagari, Agam, Canon, & agam_rajprashniya
File Size: 5 MB

Page 38

(१३) रायपसेणियं [ (२) उवंगसुतं ]
तुमं एसी ! तं सूरियतं देवि ण्हायं कयबलिकम्मं कयकोउयमंगलपायच्छित्तं सव्वालंकारविभूसियं केणई पुरिसेणं ण्हाएणं जाव सव्वालंकारविभूसिएणं सद्धिं इट्टे सद्दफरिसरसरूवगंधे पंचविहे माणुस्सते कामभोगे पच्चणुभवमाणि पासिज्जसि तस्स णं तुमं पएसी ! पुरिसस्स कं डंडं निव्वत्तेज्जासि ?, अहण्णं भंते! तं पुरिसं हत्थच्छिण्णगं वा पायच्छिन्नगं वा सूलाइयगं वा सूलभिन्नगं वा एगाहच्चं कूडाहच्चं जीवियाओ ववरोवएज्जा, अह णं पएसी ! से पुरिसे तुमं एवं व० मा ताव मे सामी ! मुहुत्तगंहत्थच्छिण्णगं वा जाव जीवियाओ ववरोवेहि जावतावाहं मित्तणाइणियगसयणसंबंधिपरिजणं एवं वयामि एवं खलु देवाणुप्पिया ! पावाई कम्माई समायरेत्ता इमेयारूवं आवई पाविज्जामि तं माणं देवाणुप्पिया ! तुब्भेहिं केई पावाइं कम्माई समायरउ मा णं सेऽवि एवं आवई पाविज्जिहिइ जहा णं अहं, तस्स णं तुमं पएसी ! पुरिसस्स खणमवि एयमट्टं पडिसुणेज्जासि ?, णो तिणट्टे समट्ठे, जम्हा णं भंते! अवराही णं से पुरिसे, एवामेव पएसी ! तववि अज्जए होत्था इहेव सेयवियाए णयरीए अधम्मिएव सम्मं करभरवित्तिं पवत्तेइ से णं अम्ह वत्तव्वयाए सुबहुं जाव उववन्नो तस्स णं अज्जगस्स तुमं णत्तुए होत्था इट्ठे कंते जाव पासणयाए, से णं इच्छइ माणुसं लोगं हव्वमागच्छित्तए णो चेव णं संचाएति हव्वमागच्छित्तए, चउहिं ठाणेहिं पएसी ! अहुणोववण्णए नरएस नेरइए इच्छेज्ज माणुसं लोगं हव्वमागच्छित्तए नो चेवणं संचाएइ, अहुणोववन्ने नरएसु नेरइए से णं तत्थ सुमहब्भूयं वेयणं वेदेमाणे माणुस्सं लोगं हव्व० णो चेव णं संचाएइ, अहुणोववन्नए नरएसु नेरइए नरयपालेहिं भुज्ज समहिट्ठिज्नमाणे इच्छइ माणुसं लोगं हव्वमागच्छित्तए नो चेव णं संचाएइ, अहुणोववन्नए नरएसु नेरइए निरयवेयणिज्जंसि कम्मंसि अक्खीणंसि अवेइयंसि अनिज्जिन्नंसि इच्छइ माणुसं लोगं० नो चेव णं संचाएइ, एवं णेरइए निरयाउयंसि कम्मंसि अक्खीणंसि अवेइयंसि अणिज्जिन्नंसि इच्छइ माणुसं लोगं० नो चेव णं संचाएड़ हव्वमागच्छित्तए, , इच्चेएहिं चउहिं ठाणेहिं पएसी अहुणोववन्ने नरएस नेरइए इच्छइ माणुसं लोगं० णो चेव णं संचाएइ०, तं सद्दहाहि णं पएसी ! जहा अन्नो जीवो अन्नं सरीरं नो तंजीवो तंसरीरं १ । ६५ । तए णं से पएसी राया केसिं कुमारसमणं एवं व० अत्थि णं भंते! एसा पण्णा उवमा० इमेण पुण कारणेण नो उवागच्छइ एवं खलु भंते! मम अज्जिया होत्था इहेव सेयवियाए नगरीए धम्मिया जाव वित्तिं कप्पेमाणी समणोवासिया अभिगयजीवाजीवा सव्वो वण्णओ जाव अप्पाणं भावेमाणी विहरइ साणं तुझं वत्तव्वयाए सुबहुं पुन्नोवचयं समज्जिणित्ता कालमासे कालं किच्चा अण्णयरेसु देवलोएस देवत्ताए उववण्णा तीसे णं अज्जियाए अहं नत्तुए होत्था इट्ठे कंते जाव पासणयाए तं जइ णं सा अज्जिया मम आगंतुं एवं वएज्जा एवं खलु नत्तुया ! अहं तव अज्जिया होत्या इहेव सेयवियाए नयरीए धम्मिया जाव वित्तिं कप्पेमाणी समणोवासिया जाव विहरामि तए णं अहं सुबहुं पुण्णोवचयं समज्जिणित्ता जाव देवलोएस उववण्णा तं तुमंपि णत्तुया ! भवाहि धम्मिए जाव विहराहि तए णं तुमंपि एवं चेव सुबहुं पुण्णोवचयं सम जाव उववज्जिहिसि तं जइ णं अज्जिया मम आगंतुं एवं वएज्जा तो णं अहं सहेज्ना पत्तिएज्जा रोइज्जा जहा अण्णो जीवो अण्णं सरीरं णो तंजीवो तंसरीरं, जम्हा सा अज्जिया ममं आगंतुं णो एवं वयति तम्हा सुपइट्टिया मे पइण्णा० जहा तंजीवो तंसरीरं नो अन्नो जीवो अन्नं सरीरं, तए णं केसीकुमारसमणे पएसीरायं एवं व० जति णं तुमं पएसी ! ण्हायं कयबलिकम्मं कयकोउयमंगलपायच्छित्तं उल्लपडसाडगं भिंगारकडुच्छ्रयहत्थगयं देवकुलमणुपविसमाणं केई य पुरिसे वच्चघरंसि ठिच्चा एवं वदेज्जा-इ (ए) ह ताव सामी ! इह मुहुत्तगं आसयह वा चिट्ठह वा निसीयह वा तुयगृह वा, तस्स णं तुमं पएसी ! पुरिसस्स खणमवि एयमद्वं पडिणिज्जासि ?, णो ति०, कम्हा णं ?, भंते ! असुई वा असुइसामंतो वा, एवामेव पएसी ! तववि अज्जिया सेयवियाए णयरीए धम्मिया जाव विहरति सा णं अम्हं वत्तव्वयाए सुबहुं जाव उववन्ना तीसे णं अज्जियाए तुमं णत्तुए होत्था इट्ठे० किमंग पुण पासणयाए ?, साणं इच्छइ माणुसं लोगं हव्वमागच्छित्तए णो चेव णं संचाएइ हव्वमागच्छित्तए, चउहिं ठाणेहिं पएसी ! अहुणोववन्ने देवे देवलोएस इच्छेज्जा माणुसं लोगं० णो चेवणं संचाएइ०, अहुणोववण्णे देवे देवलोएस दिव्वेहिं कामभोगेहिं मुच्छिए गिद्धे गढिए अज्झोववण्णे से णं माणुसे भोगे नो आढाति नो परिजानाति से णं इच्छिन्न माणुसं० नो चेवणं संचाएति०, अहुणोववण्णए देवे देवलोएस दिव्वेहिं कामभोगेहिं मुच्छिए जाव अज्झोववण्णे तस्स णं माणुस्से पेम्मे वोच्छिन्ने भवति दिव्वे पिम्मे संकते भवति से णं इच्छेज्जा माणुसं० णो चेव णं संचाएइ, अहुणोववण्णे देवे दिव्वेहिं कामभोगेहिं मुच्छिए जाव अज्झोववण्णे तस्स णं एवं भवइ-इयाणिं गच्छं मुहुत्तं
ॐ श्री आगमगुणमंजूषा - ८३४
NORO
[३०]
5 5 5 5 5 5 5 5 5 5 5 5 5