Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 79

GRO
(५) भगवई ५ मतं नं. ४ (६०] ***** भगवं महावीरे अम्हेहिं मणसा पुट्ठे अम्हं मणसा चेव इमं एतारूवं वागरणं वागरेति एवं खलु देवाणुप्पिया ! मम सत्त अंतेवासि० जाव अंतं करेहिति । तए णं अम्हे समणेण भगवया महावीरेणं मणसा पुट्टेणं मणसा चेव इमं एतारूवं वागरणं वागरिया समाणा मसणं भगवं महावीरं वंदामो नमसामो, २ जाव पज्जुवासामो त्ति कट्टु भगव गोतमं वंदंति नमसंति, २ जामेव दिसिं पाउन्भूता तामेव दिसिं पडिगया । ।सु. २०-२३. गोयमस्स देवपच्चइयाए संजय - असंजय- संजयासंजयत्तपुच्छाए भगवओ समाहाणं] २०. 'भंते' त्ति भगवं गोतमे समणं जाव एवं वदासी देवा णं भंते! 'संजया' ति वत्तव्वं सिया ? गोतमा ! णो इमट्ठे समट्ठे | अभक्खाणमेयं देवाणं । २१. भंते ! ‘असंजता' ति वत्तव्वं सिया ? गोयमा ! णो इमट्ठे समट्ठे । णिङ्कुरवयणमेयं देवाणं । २२ भंते! 'संजयासंजया' ति वत्तव्वं सिया ? गोयमा ! णो इमट्ठे समट्ठे । असन्भूयमेयं देवाणं । २३. से किं खाति णं भंते! देवा ति वत्तव्वं सिया ? गोयमा ! देवा णं 'नो संजया' ति वत्तव्वं सिया । [ सु. २४. देवाणं अद्धमागइभासाभासित्तं) २४. देवा णं भंते ! कयराए भासाए भासंति ? कतरा वा भासा भासिज्जमाणी विसिस्सति ? गोयमा ! देवा णं अन्द्रमागहाए भासाए भासंति, सावि य णं अद्धमागहा भासा भासिज्जमाणी विसिस्सति । [ सु. २५-२८. केवलि - छउमत्थे पडुच्च अंतकरजाणणा-चरमकम्मचरमनिज्जरजाणणावत्तव्वया] २५. केवली भंते! अंतकरं वा अंतिमसरीरियं वा जाणति पासइ ? हंता, गोयमा ! जाणति पासति । २६. (१) जहा णं भंते! केवली अंतकरं वा अंतिमसरीरियं वा जाणति पासति तथा णं छउमत्थे वि अंतकरं वा अंतिमसरीरियं वा जाणति पासति ? गोयमा ! णो इमट्ठे समट्ठे, सोच्चा जाणति पासति पमाणतो वा । (२) से किं तं सोच्चा ? सोच्चा णं केवलिस्स वा, केवलिसावयस्स वा, केवलिउवासियाए वा, केवलिउवासगस्स वा, केवलिउवासियाए वा, तप्पक्खियस्स वा, तप्पक्खियसावगस्स वा, तप्पक्खियसावियाए वा, तप्पक्खियउवासगस्स वा तप्पक्खियउवासियाए वा। से तं सोच्चा। (३) से किं तं पमाणे ? पमाणे चउव्विहे पण्णत्ते, तं जहा पच्चक्खे, अणुमाणे, ओवम्मे, आगमे । जहा अणुयोगद्दारे तहा णेयव्वं पमाणं जाव तेणं परं नो अत्तागमे, नो अणंतरागमे, परंपरागमे । २७. केवली णं भंते! चरमकम्मं वा चरमनिज्जरं वा जाणति, पासति ? हंता, गोयमा ! जाणति, पासति । २८. जहा णं भंते! केवली चरमकम्मं वा०, जहा णं अंतकरेणं आलावगोतहा चरमकम्मेण वि अपरिसेसितो णेयव्वो । [ सु. २९-३०. केवलि-वेमाणियदेवे पडुच्च पणीयमण-वइधारणवत्तव्वया ] २९. केवली णं भंते! पणीतं मणं वा, वरं वा धारेज्जा ? हंता, धारेज्जा । ३०. (१) जे णं भंते! केवली पणीयं मणं वा वई वा धारेज्जा तं णं वेमाणिया देवा जाणंति, पासंति ? गोयमा ! अत्थेगइया जाणंति पासंति, अत्थेगइया न जाणंति न पासंति । (२) से केणट्टेणं जाव न जाणंति न पासंति ? गोयमा ! वेमाणिया देवा दुविहा पण्णत्ता, तं जहा मायिमिच्छादिट्टिउववन्नगा य, अमायिसम्मद्दिउिववन्नगा य। एवं अनंतर परंपर- पज्जत्ताऽपज्जत्ता य उवउत्ता अणुवउत्ता । तत्थ णं जे ते उवउत्ता ते जाणंति पासंति । से तेणट्टेणं०, तं चेव । [सु. ३१-३२. सद्वाणट्ठियअणुत्तरदेवाणं केवलिणा सह आलावाइवत्तव्वया] ३१. (१) पभू णं भंते! अणुत्तरोववातिया देवा तत्थगया चेव समाणा इहगतेणं केवलिणा सद्धिं आलावं वा संलावं वा करेत्तए ? हंता, पभू । (२) से केणद्वेणं जाव पभू णं अणुत्तरोववातिया देवा जाव करेत्तए ? गोयमा ! जं जं
त्ववातिया देवा तत्थगता चेव समाणा अहं वा हेउं वा पसिणं वा कारणं वा वागरणं वा पुच्छंति, तं णं इहगते केवलि अहं वा जाव वागरणं वा वागरेति । से तेणट्टेणं० । ३२. (१) जं णं भंते! इहगए चेव केवली अहं वा जाव वागरेति तं णं अणुत्तरोववातिया देवा तत्थगता चेव समाणा जाणंति, पासंति ? हंता, जाणंति पासंति । (२) से केणद्वेणं जाव पासंति ? गोतमा ! तेसिं णं देवाणं अणंताओ मणोदव्ववग्गणाओ लद्धाओ पत्ताओ अभिसमन्नागताओ भवंति। से तेणद्वेणं जंणं
ते केवली जाव पा० । [सु. ३३. अणुत्तरदेवाणमुवसंतमोहणीयत्तं । ३३. अणुत्तरोववातिया णं भंते! देवा किं उदिण्णमोहा उवसंतमोहा खीणमोहा ? गोयमा ! नो उदिण्णमोहा, उवसंतमोहा, नो खीणमोहा । [ सु. ३४. केवलिस्स इंदियपच्चइयजाणणा-पासणाणं पडिसेहो ] ३४. (१) केवली णं भंते ! आयणेहिं जाणइ, पास ? गोयमा ! णो इमट्ठे समट्टे । (२) से केणट्टेणं जाव केवली णं आयाणेहिं न जाणति, न पासति ? गोयमा ! केवली णं पुरत्थिमेणं मियं पि जाणति, अमियं पि जा जाव निव्वुडे दंसणे केवलिस्स । से तेणट्टेणं० । (सु. ३५. केवलिस्स हत्थ- पायाईणं आगासपएसावगाहणं पडुच्च वट्टमाणकाल एस्सकालवत्तव्वया) ३५.
ॐ
श्री आगमगुणमंजूषा - २०५
200