Page Text
________________
(५) भगवई २ सतं उद्देसक ५ [२६]
जितपरीसहा जीवियासा-मरणभयविप्पमुक्का जाव कुत्तयावणभूता बहुस्सुया बहुपरिवारा, पंचहिं अणगारसतेहिं सद्धिं संपरिवुडा, अहाणुपुव्विं चरमाणा, गामानुगाम दूइज्जमाणा, सुहंसुहेणं विहरमाणा जेणेव तुंगिया नगरी, जेणेव पुप्फवतीए चेतिए तेणेव उवागच्छंति, २ अहापडिरूवं उग्गहं ओगिण्हित्ताणं संजमेणं तवसा अप्पाणं भावेाणा विहरंति । [ १३-१५. तुंगियानगरीसमणोवासयकयं पासावच्चित्रजिथेराणं अभिगम-वंदण-पज्जुवासणाइयं, थेरकया धम्मदेसणा य] १३. तए णं तुंगियाए नगरीए सिंघाडग-तिग- चउक्क - चच्चर- महापह पहेसु जाव एगदिसाभिमुहा णिज्जायंति । १४. तए णं ते समणोवासया इमीसे कहाए लद्धट्ठा समाणा हट्टतुवा जाव सद्दावेति, २ एवं वदासी एवं खलु देवाणुप्पिया ! पासावच्चेज्जा थेरा भगवंतो जातिसंपन्ना जाव अहापडिरूवं उग्गहं उग्गिण्हित्ताणं संजमेणं तवसा अप्पाणं भावेमाणे विहरंति । तं महाफलं खलु देवाणुप्पिया ! तहारूवाणं थेराणं भगवंताणं णाम-गोत्तस्स वि सवणयाए किमंग पुण अभिगमण-वंदण-नमंसणपडिपुच्छण-पज्जुवासणयाए ? जाव गहणयाए ? तं गच्छामो णं देवाणुप्पिया ! थेरे भगवंते वंदामो नमसामो जाव पज्जुवासामो, एयं णं इहभवे वा परभवे वा जाव अणुगामियत्ताए भविस्सतीति कट्टु अन्नमन्नस्स अंतिए एयमहं पडिसुणेति, २ जेणेव सयाइं सयाइं गिहाई तेणेव उवागच्छंति, २ ण्हाया कयबलिकम्मा कतकोउयमंगलपायच्छित्ता, सुद्धप्पावेसाई मंगल्लाई वत्थाई पवराई परिहिया, अप्पमहग्घाभरणालंकियसरीरा सएहिं २ गेहेहिंतो पडिनिक्खमंति, २ ता एगतओमेलायंति, २ पायविहारचारेणं तुंगियाए नगरीए मज्झमज्झेणं णिग्गच्छंति, २ जेणेव पुप्फवतीए चेतिए तेणेव उवागच्छंति, २ थेरे भगवंते पंचविहेणं अभिगमेणं अभिगच्छंति, तं जहा सचित्ताणं दव्वाणं विओसरणताए १ अचित्ताणं दव्वाणं अविओसरणताए २ एगसाडिएणं उत्तरासंगकरणेणं ३ चक्खुप्फासे अंजलिप्पग्गहेणं ४ मणसो एगत्तीकरणेणं ५; जेणेव थेरा भगवंतो तेणेव उवागच्छंति, २ तिक्खुत्तो आयाहिणं पयाहिणं करेति, २ जाव तिविहाए पज्जुवासणाए पज्जुवासेति, तं जहा काइ० वाइ० माण० । तत्थ काइयाए - संकु चियपाणि- पाए सुस्सूसमाणे णमंसमाणे अभिमुहे विणएण पंजलिउडे पज्जुवासंति । वाइयाए जं
भगवं वागरेति 'एवमेयं भंते !, तहमेय भं० !, अवितहमेयं भं० !, असंदिद्धमेयं भं० 1, इच्छियमेयं भं० !, पडिच्छियमेयं भं० !, इच्छियपडिच्छियमेयं भं० !, वायाए अपडिकूलेमाणा विणएणं पज्जुवासंति । माणसियाए संवेगं जणयंता तिव्वधम्माणुरागरत्ता विगह-विसोत्तियपरिवज्जियमई अन्नत्थ कत्थइ मणं अकुव्वमाणा विणएणं पज्जुवासंति । १५. तए णं ते थेरा भगवंतो तेसिं समणोवासयाणं तीसे य महतिमहालियाए परिसाए चाउज्जामं धम्मं परिकर्हेति, जहा केसिसामिस्स जाव समणोवासयत्ता आणाए आराहगे भवति जाव धम्मो कहिओ । [सु. १६ - १९. पासावच्चिज्जथेराणं देसाणए तव संजमफलपरूवणापुव्वयं देवलोओववाहेउपरूवणा, थेराणं जणवयविहारा य] १६. तए णं ते समणोवासया थेराणं भगवंताणं अंतिए धम्मं सोच्चा निसम्म हट्ठतुट्ठ जाव हयहिदया तिक्खुत्तो आयाहिणपयाहिणं करेंति, २ जाव तिविहाए पज्जुवासणाए पज्जुवासंति, २ एवं वदासी संजमे णं भंते! किंफले ? तवे णं भंते ! किंफले ? तए णं ते थेरा भगवंतो ते समणोवासए एवं 'वदासी संजमे णं अज्जो ! अणण्हखले तवे वोदाणफले । १७. (१) तए णं ते समणोवासया थेरे भगवंते एवं वदासी जइ णं भंते! संजमे अणण्यफले, त वोदाणफले किंपत्तियं णं भंते! देवा देवलोएसु उववज्जंति ? (२) तत्थ णं कालियपुत्ते नाम थेरे ते समणोवासए एवं वदासी पुव्वतवेणं अज्नो ! देवा देवलोएसु उववज्जंति । (३) तत्थ णं मेहिले नामं थेरे ते समणोवासए एवं वदासी पुव्वसंजमेणं अज्जो ! देवा देवलोएसु उववज्जति । (४) तत्थ णं आणंदरक्खिए णामं थेरे
समोवास एवं वदासी कंगियाए अज्जो ! देवा देवलोएस उववज्जंति, (५) तत्थ णं कासवे णागं थेरे ते समणोवासए एवं वदासी संगियाए अज्जो देवा देवलोए उववज्जति पुव्वतवेणं पुव्वसंजमेणं कम्मियाए संगियाए अज्जो ! देवा देवलोएसु उववज्जति। सच्चे णं एस मट्ठे, नो चेव णं आतभाववत्तव्वयाए । १८. त णं ते समणोवासया थेरेहिं भगवंतेहिं इमाई एयारूवाई वागरणाई वागरिया समाणा हट्टतुट्ठा थेरे भगवंते वंदंति नमंसंति, २ पसिणाई पुच्छंति, २ अट्ठाई उवादियंति, २ उट्ठाए उट्ठेति, २ थेरे भगवंते तिक्खुत्तो वंदंति णमंसंति, २ थेराणं भगवंताणं अंतियाओ पुप्फवतियाओ चेइयाओ पडिनिक्खमंति, २ जामेव दिसिं पाउन्भूया तामेव दिसिं पडिगया । १९. तए णं ते थेरा अन्नया कयाइ तुंगियाओ पुप्फवतिचेइयाओ पडिनिग्गच्छंति, २ बहिया जणवयविहारं विहरति । [ सु. २०-२५ रायगिहे 5 श्री आगमगुणमंजूषा २४४
फ्र
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |