Page Text
________________
GRO
(५) भगवई २ सत्तं उद्देसक ५ [२८]
तत्थ अन्ने देवे, अन्नेसिं देवाणं देवीओ अभिजुंजिय २ परियारेइ १, अप्पणच्चियाओ देवीओ अभिजुजिय २ परियारेइ २, नो अप्पणामेव अप्पाणं विउब्विय २ परियारे ३; एगे वि य णं जीवे एगेणं समएणं एगं वेदं वेदेइ, तं जहा इत्थिवेदं वा पुरिसवेदं वा, जं समयं इत्थिवेदं वेदेइ णो तं समयं पुरिसवेयं वेएइ, जं समयं पुरिसवेयं वेएइ णो तं समयं इत्थिवेयं वेदेइ । (१) इत्थिवेयस्स उदपणं नो पुरिसवेदं वेएइ पुरिसवेयस्स उदएणं नो इत्थिवेयं वेएइ । एवं खलु एगे जीवे एगेणं समर्पणं एगं वेदं वेदेइ, तं जहा इत्थिवेयं वा पुरिसवेयं वा । इत्थी इत्थिवेएणं उदिण्णेणं पुरिसं पत्थेइ, पुरिसो पुरिसवेएणं उदिण्णेणं इत्थिं पत्थेइ । दो वि ते अन्नमन्नं पत्थेति, तं जहा इत्थी वा पुरिसं, पुरिसे वा इत्थिं । [सु. २ ६. उदगगब्भ - तिरिक्खजोणियगब्भ- मणुस्सीगब्भ- कायभवत्थ- जोणिब्भूयबीयाणं कालद्वितीपरूवणं] २. उदगग णं भंते! 'उद्गगब्भ' त्ति कालतो केवच्चिरं होइ ? गोयमा ! जहन्नेणं एक्कं समयं, उक्कोसेणं छम्मासा। ३. तिरिक्खजोणियगब्भे णं भंते! 'तिरिक्खजोणियगब्भे' त्ति कालओ केवच्चिरं होति ? गोयमा ! जहन्नेणं अंतोमुहुत्तं, उक्कोसेणं अट्ठ संवच्छराई । ४. मणुस्सीगब्भे णं भंते! 'मणुस्सीगब्भे' त्ति कालओ केवच्चिरं होइ ? गोयमा ! जहन्नेणं अंतोमुहुत्तं, उक्कोसेणं बारस संवच्छराई । ५. कायभवत्थे णं भंते! 'कायभवत्थे' त्ति कालओ केवच्चिरं होइ ? गोयमा ! जहन्नेणं अंतोमुहुत्तं, उक्कोसेणं चउव्वीसं संवच्छराई । ६. मणुस्स-पंचेंदियतिरिक्खजोणियबीए णं भंते! जोणिब्भूए केवतियं कालं संचिट्ठइ ? गोयमा ! जहनेणं अंतोमुहुत्तं, उक्कोसेणं बारस मुहुत्ता। [सु. ७-८. एगभवग्गहणं पडुच्च एगजीवस्स जणय- पुत्तसंखापरूवणं ] ७. एगजीवे णं भंते! एगभवग्गहणेणं केवतियाणं पुत्तत्ताए हव्वमागच्छंति ? गोयमा ! जहन्नेणं इक्कस्स वा दोण्हं वा तिण्हं वा, उक्कोसेणं सयपुहुत्तस्स जीवाणं पुत्तत्ताए हव्वमागच्छंति । ८. (१) एगजीवस्स णं भंते! एगभवग्गहणेणं केवइया जीवा पुत्तत्ता मागच्छंति ? गोयमा ! जहन्नेणं इक्को वा दो वा तिण्णिवा, उक्कोसेणं सयसहस्सपुहत्तं जीवा णं पुत्तत्ताए हव्वमागच्छंति । २ से केणद्वेणं भंते ! एवं वुच्चइ- जाव हव्वमागच्छंति ? गोयमा ! इत्थीए य पुरिसस्स य कम्मकडाए जोणीए मेहुणवत्तिए नामं संजोए समुप्पज्जइ । ते दुहओ सिणेहं संचिणंति, २ तत्थ णं जहन्नेणं एक्को वा दो वा तिण्णि वा, उक्कोसेणं सयसहस्सपुहत्तं जीवा णं पुत्तत्ताए हव्वमागच्छंति । से तेणट्टेणं जाव हव्वमागच्छंति । [ सु. ९. मेहुण सेवणाअसंजमस्सोदाहरण ] ९. मेहुणं भंते ! सेवमाणस्स केरिसिए असंजमे कज्जइ ? गोयमा ! से जहानामए केइ पुरिसे रूयनालियं वा बूरनालियं वा तत्तेणं कणएणं समभिधंसेज्जा । एरिस गोयमा ! मेहुणं सेवमाणस्स असंजमे कज्जइ । सेवं भंते ! सेवं भंते! जाव विहरति । [ सु. १०. भगवओ जणवयविहारो] १०. तए णं समणे भगवं महावीरे रायगिहाओ नगराओ गुणसिलाओ चेइयाओ पडिनिक्खमइ, २ बहिया जणवयविहारं विहरति । [सु. ११. तुंगियानगरीसमणोवासयाणं वण्णओ ] ११. तेणं काणं २ तुंगिया नामं नगरी होत्था । वण्णओ । तीसे णं तुंगियाए नगरीए बहिया उत्तरपुरित्थिमे दिसीभाए पुप्फवतीए नामं चेतिए होत्था । वण्णओ । तत्थ णं तुंगियाए नगरीए बहवे समणोवासया परिवसंति अड्डा दित्ता वित्थिण्णविपुलभवण - सयणाऽऽसण- जाण - वाहणाइण्णा बहुधण- बहुजायरूव-रयया आयोगपयोगसंपत्ता विच्छड्डियविपुलभत्त-पाणा बहुदासी - दास - गो-महिस- गवेल - यप्पभूता बहुजणस्स अपरिभूता अभिगतजीवाजीवा उवलद्धपुण्ण-पावा आसवसंवर-निज्जरकिरयाहिकरण-बंधमोक्खकुसला असहेज्जदेवासुर-नाग-सुवण्ण-जक्खरक्खस किन्नर - किंपुरिस गरुल - गंधव्व-महोरगादिएहिं देवगणेहिं निग्गंथातो पावणात अणतिक्कमणिज्जा, णिग्गंथे पावयणे निस्संकिया निक्कंखिता निव्वितिगिंच्छा लद्धट्ठा गहितट्ठा पुच्छिंतट्ठा अभिगतट्ठा विणिच्छियट्ठा, अट्ठिमिंजपेम्माणुरागरत्ता 'अयमाउसो ! निग्गंथे पावयणे अट्ठे, अयं परमट्ठे, सेसे अणट्ठे,' ऊसियफलिहा अवंगुतदुवारा चियत्तंतेउर-घरप्पवेसा, बहूहिं सीलव्वतगुण वेरमण-पच्चक्खाण-पोसहोववासेहिं चाउद्दसऽट्ठमुद्दिट्ठपुण्णमाणीसु पडिपुण्णं पोसहं सम्मं अणुपालेमाणा, समणे निग्गंथे फासुएसणिज्जेणं असण- पाण- खाइमसाइमेणं वत्थ पडिग्गह-कंबल पायपुंछणेणं पीढ-फलग- सेज्जा- संथारगेणं ओसह - भेसज्जेण य पडिलाभेमाणा, अहापरिग्गहिएहिं तवोकम्मेहिं अप्पाणं भावेमाणा विहरंति । [ सु. १२. पासावच्चिञ्जथेराणं वण्णोओ] १२. तेणं कालेणं २ पासावच्चिज्जा थेरा भगवंतो जातिसंपन्ना कुलसंपन्ना बलसंपन्ना रूवसंपन्ना विणयसंपन्ना णाणसंपन्ना दंसणसंपन्ना चरित्तसंपन्ना लज्जासंपन्ना लाघवसंपन्ना ओयंसी तेयंसी वचतचंसी जसंसी जितकोहा जियमाणा जियमाया जियलोभा जियनिद्दा जितिंदिया
&Pers
श्री आगमगणमंजना- २४३ 14545 145 145 145 145454
फ्र
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |