Page Text
________________
(५) भगवई सतं २५ उ-६ [३३१]
असंखेज्जगुणा । दारं १४ । [सु. ९४-११६. पणरसमं निकासदारं-पंचविहनियंठेसु चरित्तपज्जव - परूवणाइ सु. ९४-९५. पंचविहनियंठेसु अणंतचरित्तपज्जवपरूवणं] ९४. पुलागस्स णं भंते! केवतिया चरित्तपज्जवा पन्नत्ता ? गोयमा ! अणंता चरित्तपज्जवा पन्नत्ता । ९५. एवं जाव सिणायस्स । [ सु. ९६ ११५. पंचविहनियंठेसु सट्टाण-परट्ठाणचरित्तपज्जवेहिं हीण- तुल्ल - अब्भहियपरूवणं ] ९६. पुलाए णं भंते ! पुलागस्स सट्टाणसन्निगासेणं चरित्तपज्जवेहिं किं हीणे, तुल्ले, अब्भहिए ? गोमा ! सिय हीणे, सिय तुल्ले, सिय अब्भहिए। जदि हीणे अनंतभागहीणे वा असंखेज्जतिभागहीणे वा संखेज्जइभागहीणे वा, संखेज्जगुणहीणे वा असंखेज्जगुणहीणे वा, अनंतगुणहीणे वा । अह अब्भहिए अनंतभागमब्भहिए वा, असंखेज्जतिभागमब्भहिए वा संखेज्जतिभागमब्भहिए वा, संखेज्जगुणमब्भहिए वा, असंखेज्जतिगुणमब्भहिए वा अनंतगुणमब्भहिए वा । ९७. पुलाए णं भंते! बउसस्स परद्वाणसन्निगासेणं चरित्तपज्जवेहिं किं हीणे, तुल्ले, अब्भहिए ? गोयमा ! हीणे, नो तुल्ले, नो अब्भहिए; अनंतगुणहीणे । ९८. एवं पडिसेवणाकुसीलस्स वि । ९९. कसायकुसीलेण समं छट्ठाणपडिए जहेव सट्ठाणे । १००. नियंठस्स जहा उसस्स । १०१. एवं सिणायस्स वि । १०२. बउसे णं भंते! पुलागस्स परट्ठाणसन्निगासेणं चरित्तपज्जवेहिं किं हीणे, तुल्ले, अब्भहिए ? गोयमा ! नो हीणे, नो तुल्ले, अब्भहिए; अणंतगुणमब्भहिए । १०३. बउसे णं भंते! बउसस्स सट्टाणसन्निगासेणं चरित्तपज्जवेहिं० पुच्छा । गोयमा ! सिय हीणे, सिय तुल्ले, सिय अब्भहिए । जदि ही छट्ठाणवडिए । १०४. बउसे णं भंते ! पडिसेवणाकुसीलस्स परट्ठाणसन्निगासेणं चरित्तपज्जवेहिं किं हीणे० १ छट्ठाणवडिए । १०५. एवं कसायकुसीलस्स वि । १०६. बउसे णं भंते! नियंठस्स परट्ठाणसन्निकासेणं चरित्तपज्जवेहिं० पुच्छा । गोयमा ! हीणे, नो तुल्ले, नो अब्भहिए, अणंतगुणहीणे । १०७. एवं सिणायस्स वि । १०८. पडिसेवणाकुसीलस्स एवं चेव बउसवत्तव्वया भाणियव्वा । १०९. कसायकुसीलस्स एस चेव बउसवत्तव्वया, नवरं पुलाएण वि समं छट्ठाणपडिते । ११०. णियंठे णं भंते! पुलागस्स परट्ठाणसन्निगासेणं चरित्तपज्जवेहिं० पुच्छा । गोयमा ! नो हीणे, नो तुल्ले, अब्भहिए; अणंतगुणमब्भहिए । १११. एवं जाव कसायकुसीलस्स । ११२. नियंठे णं भंते! नियंठस्स सट्टाणसन्निगासेणं० पुच्छा । गोयमा ! नो हीणे, तुल्ले, नो अब्भहिए । ११३. एवं सिणायस्स वि । ११४. सिणाए णं भंते ! पुलागस्स परद्वाणसन्नि ? एवं जहा नियंठस्स वत्तव्वया तहा सिणायस्स वि भाणियव्वा जाव- ११५. सिणाए णं भंते ! सिणायस्स सट्ठाणसन्निगासेणं० पुच्छा। गोयमा ! नो हीणे, तुल्ले, नो अब्भहिए |[ सु. ११६ जहन्नुक्कोसाणं पंचविहनियंठचरित्तपज्जवाणं अप्पाबहुयं ] ११६. एएसि णं भंते ! पुलाग-बकुस पडिसेवणाकुसील- कसायकुसील - नियंठ- सिणायाणं जहन्नुक्कोसगाणं चरित्तपज्जवाणं कयरे कयरेहिंतो जाव विसेसाहिया वा ? गोयमा ! पुलागस्स कसायकुसीलस्स य एएसि णं जहन्नगा चरित्तपज्जवा दोण्ह वि तुल्ला सव्वत्थोवा। पुलागस्स उक्कोसगा चरित्तपज्जवा अणंतगुणा। बउसस्स पडिसेवणाकुसीलस्स य एएसिं णं जहन्नगा चरित्तपज्जवा दोण्ह वि तुल्ला अनंतगुणा । बउसस्स उक्कोसगा चरित्तपज्जवा अणंतगुणा । पडिसेवणाकुसीलस्स उक्कोसगा चरित्तपज्जवा अनंतगुणा । कसायकुसीलस्स उक्कोसगा चरितपज्जवा अणंतगुणा । नियंठस्स सिणायस्स य एएसि णं अजहन्नमणुक्कोसगा चरित्तपज्जवा दोण्ह वि तुल्ला अनंतगुणा । दारं १५ । [ सु. ११७-२१. सोलसमं जोगदारं- पंचविहनियंठेसु जोगपरूवणं ]११७. पुलाए णं भंते! किं सजोगी होज्जा, अजोगी होज्जा ? गोयमा ! सजोगी होज्जा, नो अजोगी होज्जा । ११८. जति सजोगी होज्जा किं मणजोगी होज्जा, वइजोगी होज्जा, कायजोगी होज्जा ? गोयमा ! मणजोगी वा होज्जा, वइजोगी वा होज्जा, हो । ११९. एवं जाव नियंठे । १२०. सिणाए णं० पुच्छा । गोयमा ! सजोगी वा होज्जा, अजोगी वा होज्जा । १२१. जदि सजोगी होज्जा किं मणजोगी TO ? सेसं जहा पुलागस्स । दारं १६ [ सु. १२२-२३. सत्तरसमं उवओगदारं-पंचविहनियंठेसु उवओगपरूवणं ] १२२. पुलाए णं भंते! किं सागारोवउत्ते होज्जा, अणागारोवउत्ते होज्जा ? गोयमा ! सागारोवउत्ते वा होज्जा, अणागारोवउत्ते वा होज्जा । १२३. एवं जाव सिणाए । दारं १७ । [ सु. १२४-३२. अट्ठारसमं कसायदारं-पंचविहनियंठेसु कसायपरूवणं ] १२४. पुलाए णं भंते! किं सकसायी होज्जा, अकसायी होज्जा ? गोयमा ! सकसायी होज्जा, नो अकसायी होज्जा । १२५. जइ सकसायी से णं भंते! कतिसु कसाएस होज्जा ? गोयमा ! चउसु, कोह- माण- माया-लोभेसु होज्जा । १२६. एवं बउसे वि । १२७. एवं पडि सेवणाकुसीले MOTOR श्री आगमगुणमजूषा - ५४६
प्र
原与河
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |