Page Text
________________
(५) भगवई रातं २५ उ.६ [३३०]
फफफफफफफफफफफ
समाज्जा, नो सुसमसुसमाकाले होज्जा । (४) जति नो ओसप्पिणिनोउस्सप्पिणिकाले होज्जा किं सुसमसुसमापलिभागे होज्जा, सुसमापलिभागे होना, सुसमदुस्समापलिभागे होज्जा, दुस्समसुसमापलिभागे होज्ना ? गोयमा ! जम्मण-संतिभावं पडुच्च नो सुसमसुसमापलिभागे होज्जा, नो सुसमापलिभागे होना, नो सुसमदुस्समापलिभागे होज्जा, दुस्समसुसमापलिभागे होज्जा । ६९. (१) बउसे णं० पुच्छा । गोयमा ! ओसप्पिणिकाले वा होज्जा, उसप्पिणिकाले वा होज्जा, नोओसप्पिणिनोउस्सप्पिणिकाले वा होज्जा। (२) जति ओसप्पिणिकाले होज्जा, किं सुसमसुसमाकाले होज्जा० पुच्छा। गोयमा ! जम्मण-संतिभावं पडुच्च नो सुसम सुसमाकाले होज्जा, नो सुसमाकाले होज्जा, सुसमदुस्समाकाले वा होज्जा, दुस्समसुसमाकाले वा होज्जा, दुस्समाकाले वा होज्जा, नो दुस्समदुस्समाकाले होज्जा। साहरणं पडुच्च अन्नयरे समाकाले होज्जा । (३) जति उस्सप्पिणिकाले होज्जा किं दुस्समदुस्समाकाले होज्जा० पुच्छा। गोयमा ! जम्मणं पडुच्च नो दुस्समदुस्समाका होना जहेव पुलाए । संतिभावं पडुच्च नो दुस्समदुस्समाकाले होज्जा०; एवं संतिभावेण वि जहा पुलाए जाव नो सुसमसुसमाकाले होज्जा । साहारणं पडुच्च अन्नयरे समाकाले होज्जा । (४) जदि नोओसप्पिणिनोउस्सप्पिणिकाले होज्जा० पुच्छा । गोयमा ! जम्मण-संतिमावं पडुच्च नो सुसमसुसमापलिभागे होज्जा, जव पुलाए जाव दुस्समसुसमापलिभागे होज्जा। साहारणं पडुच्च अन्नयरे पलिभागे होज्जा जहा बउसे । ७०. एवं पडिसेवणाकुसीले वि । ७१. एवं कसायकुसीले वि । ७२. नियंठो सिणातो य जहा पुलाए, नवरं एएसि अब्भहियं साहरणं भाणियव्वं । सेसं तं चेव । दारं १२ । [ सु. ७३-८८. तेरसमं गतिदारंपंचविहानियंठेसु गतिपरूणाइ ] ७३. (१) पुलाए णं भंते! कालगए समाणे कं गतिं गच्छति ? गोयमा ! देवगतिं गच्छति । (२) देवगतिं गच्छमाणे किं भवणवासीसु उववज्जेज्जा, वाणमंतरेसु उववज्जेज्जा, जोतिस-वेमाणिएस उववज्जेज्जा ? गोयमा ! नो भवणवासीसु, नो वाणमंतरेसु, नो जोतिसेसु, वेमाणिएसु उववज्जेज्जा । माणिएस उववज्जमाणे जहन्नेणं सोहम्मे कप्पे, उक्कोसेणं सहस्सारे कप्पे उववज्जेज्जा । ७४. बउसे णं० ? एवं चेव, नवरं उक्कोसेणं अच्चुए कप्पे । ७५. पडिसेवणाकुसीले जहा बउसे । ७६. कसायकुसीले जहा पुलाए, नवरं उक्कोसेणं अणुत्तरविमाणेसु । ७७. णियंठे णं भंते !०? एवं चेव जाव वेमाणिएसु उववज्जमाणे अजहन्नमणुक्कोसेणं अणुत्तरविमासु उववज्जेज्जा । ७८. सिणाए णं भंते! कालगते समाणे कं गतिं गच्छति ? गोयमा ! सिद्धिगतिं गच्छइ । ७९. पुलाए णं भंते! देवेसु उववज्जमाणे किं इंदत्ताए उववज्जेज्जा, सामाणियत्ताए उववज्जेज्जा, तावत्तीसगत्ताए उववज्जेज्जा, लोगपालत्ताए उववज्जेज्जा, अहमिंदत्ताए उववज्जेज्जा ? गोयमा ! अविराहणं पडुच्च इंदत्ताए उववज्जेज्जा, सामाणियत्ताए उववज्जेज्जा, तावत्तीसगत्ताए उववज्जेज्जा, लोगपालगत्ताए उववज्जेज्जा, नो अहमिंदत्ताए उववज्जेज्जा । विराहणं पडुच्च अन्नयरेसु उववज्जेज्जा । ८०. एवं बउसे वि । ८१. एवं पडिसेवणाकुसीले वि। ८२. कसायकुसीले० पुच्छा । गोयमा ! अविराहणं पडुच्च इंदत्ताए वा उववज्जेज्जा जाव अहमंदत्ताए वा उववज्जेज्जा । विराहणं पडुच्च अन्नयरेसु उववज्जेज्जा । ८३. नियंठे० पुच्छा। गोयमा ! अविराहणं पडुच्च नो इंदत्ताए उववज्जेज्जा जाव नो लोगपालत्ताए उववज्जेज्ना, अहमिंदत्ताए उववज्जेज्जा । विराहणं पडुच्च अन्नयरेसु उववज्जेज्जा । ८४. पुलायस्स णं भंते! देवलोगेसु उववज्नमाणस्स केवतियं कालं ठिती पन्नत्ता ? गोमा ! जहन्ने पलियोवमपुहत्तं, उक्कोसेणं अट्ठारस सागरोवमाई । ८५. बउसस्स० पुच्छा। गोयमा ! जहन्नेणं पलियोवमपुहत्तं, उक्कोसेणं बावीसं सागरोवमाई । ८६. एवं पडिसेवणाकुसीलस्स वि । ८७. कसायकुसीलस्स० पुच्छा। गोयमा ! जहन्नेणं पलियोवमपुहत्तं, उक्कोसेणं तेत्तीसं सागरोवमाई। ८८. णियंठस्स० पुच्छा । गोमा ! अजहन्नमणुक्कोसेणं तेत्तीसं सागरोवमाई । दारं १३ । [सु. ८९-९३. चोद्दसमं संजमदारं- पंचविहनियंठेसु अप्पाबहुयसहियं संजमट्ठाणपरूवणं ] ८९. पुलागस्स णं भंते ! केवतिया संजमठाणा पन्नत्ता ? गोयमा ! असंखेज्जा संजमठाणा पन्नत्ता । ९०. एवं जाव कसायकुसीलस्स । ९१. नियंठेस्स णं भंते! केवतिया संजमठाणापन्नत्ता ? गोयमा ! एगे अजहन्नमणुक्कोसए संजमठाणे पन्नते । ९२. एवं सिणायस्स वि । ९३. एएसि णं भंते! पुलाग बउस पडिसेवणा- कसायकुसीलनियंठ - सिणायाणं संजमठाणाणं कयरे कयरेहिंतो जाव विसेसाहिया वा ? गोयमा ! सव्वत्थोवे नियंठस्स सिणायस्स य एगे अजहन्नमणुक्कोसए संजमठाणे । पुलागस्स संजमठाणा असंखेज्जगुणा । बउसस्स संजमठाणा असंखेज्जगुणा। पडिसेवणाकुसीलस्स संजमठाणा असंखेज्जगुणा । कसायकुसीलस्स संजमठाणा
YO श्री आगमगुणमंजूषा ५४५
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |