Page Text
________________
roo555555555555555
(५) भगवई सतं २५ उ-६ (३३२
15555555555%%%%%90.00
ECF听听听听听听听听听听听听听听听听听听听听听听听听听听听听听听听听听听明明明明明明明明明明明明
वि।१२८. कसायकुसीले णं० पुच्छा। गोयमा ! सकसायी होज्जा, नो अकसायी होज्जा। १२९. जति सकसायी होज्जा सेणं भंते ! कतिसु कसाएसुहोज्जा ? गोयमा ! चउसु वा, तिसु वा, दोसु वा, एगम्मि वा होज्जा। चउसु होमाणे चउसु संजलणकोह-माण-माया-लोभेसु होज्जा, तिसु होमाणे तिसु संजलणमाण-माया-लोभेसु होज्जा, दोसु होमाणे संजलणमाया-लोभेसु होज्जा, एगम्मि होमाणे एगम्मि संजलणे लोभे होज्जा । १३०. नियंठे णं० पुच्छा । गोयमा ! नो सकसायी होज्जा, अकसायी होज्जा । १३१. जदि अकसायी होज्जा किं उवसंतकसायी होज्जा, खीणकसायी होज्जा ? गोयमा ! उवसंतकसायी वा होज्जा, खीणकसायी वा होज्जा। १३२. सिणाए एवं चेव, नवरं नो उवसंतकसायी होज्जा, खीणकसायी होज्जा। दारं १८ । [सु. १३३-४२. एगूणवीसइम लेसादारं-पंचविहनियंठेसुलेसापरूवणं] १३३. पुलाए णं भंते ! किं सलेस्से होज्जा, अलेस्से होज्जा ? गोयमा ! सलेस्से होज्जा, नो अलेस्से होज्जा। १३४. जदि सलेस्से होज्जा सेणं भंते ! कतिसुलेसासु होज्जा ? गोयमा ! तिसु विसुद्धलेसासु होज्जा, तं जहा-तेउलेसाए, पम्हलेसाए, सुक्कलेसाए। १३५. एवं बउसस्स वि। १३६. एवं पडिसेवणाकुसीले वि। १३७. कसायकुसीले० पुच्छा। गोयमा ! सलेस्से होज्जा, नो अलेस्से होज्जा। १३८. जति सलेस्से होज्जा से णं भंते ! कतिसुलेसासु होज्जा ? गोयमा ! छसुलेसासुहोज्जा, तं जहा-कण्हलेसाए जाव सुक्कलेसाए। १३९. नियंठे णं भंते !० पुच्छा। गोयमा! सलेस्से होज्जा, नो अलेस्से होज्जा। १४०. जदि सलेस्से होज्जा से णं भंते ! कतिसु लेसासु होज्जा ? गोयमा ! एक्काए सुक्कलेसाए होज्जा । १४१. सिणाए० पुच्छा । गोयमा ! सलेस्से वा होज्जा, अलेस्से वा होज्जा। १४२. जति सलेस्से होज्जा सेणं भंते ! कतिसु लेसासु होज्जा ? गोयमा ! एगाए परमसुक्काए लेसाए होज्जा। दारं १९ । [सु. १४३.५०. वीसइमं परिणामदारं-पंचविहनियंठेसु वड्ढमाणाइपरिणामपरूवणं]१४३. पुलाए णं भंते ! किं वड्डमाणपरिमाणे होज्जा, हायमाणपरिमाणे होज्जा, अवट्ठियपरिमाणे होज्जा ? गोयमा ! वड्डमाणपरिमाणे वा होज्जा, हायमाणपारिणामे वा होज्जा, अवट्ठियपरिमाणे वा होज्जा । १४४. एवं जाव कसायकुसीले। १४५. नियंठे० पुच्छा। गोयमा ! वड्डमाणपरिमाणे होज्जा, नो हायमाणपरिणामे होज्जा, अवट्ठियपरिणामे वा होज्जा। १४६. एवं सिणाए वि। १४७. (१) पुलाए णं भंते ! केवतियं कालं वड्डमाणपरिणामे होज्जा ? गोयमा ! जहन्नेणं एक्कं समयं, उक्कोसेणं अंतोमुहुत्तं । (२) केवतियं कालं हायमाणपरिणामे होज्जा ? गोयमा ! जहन्नेणं एवं समयं, उक्कोसेणं अंतोमुहुतं । (३) केवइयं कालं हायमाणपरिणामे होज्जा ? गोयमा ! जहन्नेणं एवं समयं उक्कोसेणं सत्त समया। १४८. एवं जाव कसायकुसीले । १४९. (१) नियंठे णं भंते ! केवतियं कालं वड्डमाणपरिणामे होज्जा ? गोयमा ! जहन्नेणं अंतोमुहुत्तं, उक्कोसेणं वि अंतोमुहुत्तं । (२) केवतियं कालं अवट्ठियपरिणामे होज्जा ? गोयमा ! जहन्नेणं एक्कं समयं, उक्कोसेणं अंतोमुहुत्तं । १५०. (१) सिणाए णं भंते ! केवतियं कालं वड्डमाणपरिणामे होज्जा ? गोयमा ! जहन्नेणं अंतोमुहुत्तं, उक्कोसेणं वि अंतोमुहुत्तं । २ केवतियं कालं अवट्ठियपरिणामे होज्जा ? गोयमा ! जहन्नेणं अंतोमुहुत्तं, उक्कोसेणं देसूणा पुव्वकोड़ी। दारं २० ।। सु. १५१-५६. इगवीसइमं बंधदारं-पंचविहनियंठेसु कम्मपगडिबंधपरूवणं ]१५१. पुलाए णं भंते ! कति कम्मपगडीओ बंधंति ? गोयमा ! आउयवज्जाओ सत्त कम्मप्पगडीओ बंधति । १५२. बउसे० पुच्छा। गोयमा सत्तविहबंधए वा, अट्ठविहबंधए वा। सत्त बंधमाणे आउयवज्जाओ सत्त कम्मप्पगडीओ बंधति, अट्ठ बंधमाणे पडिपुण्णाओअट्ठ कम्मप्पगडीओ बंधति। १५३. एवं पडिसेवणाकुसीले वि। १५४. कसायकुसीले० पुच्छा । गोयमा ! सत्तविहबंधए वा, अट्ठविहबंधए वा, छव्विहबंधए वा । सत्त बंधमाणे आउयवज्जाओ सत्त कम्मप्पगडीओ बंधति, अट्ठ बंधमाणे पडिपुण्णाओ अट्ठ कम्मप्पगडीओ बंधति, छ बंधमाणे आउय-मोहणिज्जवज्जाओ छ कम्मप्पगडीओ बंधति । १५५. नियंठे० पुच्छा । गोयमा ! एगं वेदणिज्ज कम्मं बंधति । १५६. सिणाए० पुच्छा । गोयमा ! एगविहबंधए वा, अबंधए वा । एगं बंधमाणे एगं वेदणिज्ज कम्मं बंधति । दारं २१ [सु.१५७-६०.बावीसइमं वेददारं-पंचविहनियंठेसुकम्मपगडिवेदपरूवणं ]१५७. पुलाएणं भंते ! कति कम्मप्पगडीओ वेदेति ? गोयमा ! नियमं अट्ठ कम्मप्पगडीओ
वेदेति । १५८. एवं जाव कसायकुसीले। १५९. नियंठे० पुच्छा। गोयमा! मोहणिज्जवज्जाओ सत्त कम्मप्पगडीओ वेदेति। १६०. सिणाएणं भंते!० पुच्छा । गोयमा ! 2 वेदणिज्जाऽऽउय-नाम-गोयाओ चत्तारि कम्मप्पगडीओ वेदेति । दारं २२ । सु.१६१-६६. तेवीसइमं कम्मोदीरणदारं-पंचविहनियंठेसु कम्मपगडिउदीanwarxx4555555555 श्री आगमगणमंजधा-५४७५49454545 45454545OK
$$$$$$$$听听听听听听听听听听听听听听听听听听听听听听听听听听听%听听听听听听听听听FCC
45
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |