Page Text
________________
NORO
(५) भगवई स. २४ उ १२
६ ६ ६ ६ ६ ६ ६ ६
[ ३०० ] उक्कोसेणं जोयणसहस्सं । सेसं तहेव जाव कालादेसेणं जहन्त्रेणं दो अंतोमुहुत्ता, उक्कोसेणं चत्तारि पुव्वकोडीओ अट्ठासीतीए वाससहस्सेहिं अब्भहियाओ, एवतियं० । एवं संवेहो णवसु वि गमएसु जहा असण्णीणं तहेव निरवसेसं । लदी से आदिल्लएसु तिसु वि गमएस एस चेव, मज्झिल्लएसु वि तिसु गमएस एस चेव । नवरं इमाई नव नाणत्ताई - ओगाहणा जहन्नेणं अंगुलस्स असंखेज्जति०, उक्कोसेण वि अंगुलस्स असंखेज्जति० । तिन्नि लेस्साओ, मिच्छादिट्ठी, दो अन्नाणा, कायजोगी, तिन्नि समुग्धाया; ठिती जहन्नेणं अंतोमुहुत्तं, उक्कोसेण वि अंतोमुहुत्तं; अप्पसत्था अज्झवसाणा, अणुबंधो जहा ठिती। सेसं तं चेव । पच्छिल्लएसु तिसु गमएस ज पढमगमए, नवरं ठिती अणुबंधो जहन्नेणं पुव्वकोडी । सेसं तं चेव । १-९ गमगा । [ सु. ३४. मणुस्से पडुच्च पुढविकाइयउववायनिरूवणं ] ३४. जदि मणुस्सेहिंतो उववज्र्ज्जति किं सन्निमणुस्सेहिंतो उवव०, असन्निमणुस्सेहिंतो ० ? गोयमा ! सन्निमणुस्सेहिंतो०, असण्णिमणुस्सेहिंतो वि उववज्जंति । [सु. ३५. पुढविकाइयउववज्र्ज्जतम्मि असन्निमणुस्सम्मि उववाय- परिमाणाइवीसइदारपरूवणं ] ३५. असन्निमणुस्से णं भंते ! जे भविए पुढविकाइएसु० से णं भंते! केवतिकाल० ? एवं जहा असन्निपंचेदियतिरिक्खस्स जहन्नकालद्वितीयस्स तिन्नि गमगा तहा एतस्स वि ओहिया तिन्नि गमगा भाणियव्वा तहेव निरवसेसं । सेसा छ न भण्णंति । १३ गमगा [सु. ३६-३९. पुढविकाइयउववज्जंतम्मि सन्निमणुस्सम्मि उववाय परिमाणाइवीसइदारपरूवणं ] ३६. जइ सन्निमणुस्सेहिंतो उववज्जति किं संखेज्जवासाउय०, असंखेज्जवासाउय० ? गोयमा ! संखेज्जवासाउय०, णो असंखेज्जवासाउय० । ३७. जदि संखेज्जवासाउय० किं पज्जत्ता०, अपज्जत्ता०? गोयमा ! पज्जत्तासंखे०, अपज्जत्तासंखेज्जवासा० । ३८. सन्निमणुस्से णं भंते! जे भविए पुढविकाइएस उवव० से णं भंते! केवतिकाल ०? गोयमा ! जहन्नेणं अंतोमुहुत्त०, उक्कोसेणं बावीसवाससहस्सट्ठितीएसु । ३९. ते णं भंते! जीवा० ? एवं जहेव रयणप्पभाए उववज्जमाणस्स तहेव तिसु वि गमएस ली। नवरं ओगाहणा जहन्त्रेणं अंगुलस्स असंखेज्जइभागं, उक्कोसेणं पंच धणुसताई; ठिती जहन्नेणं अंतोमुहुत्तं, उक्कोसेणं पुव्वकोडी । एवं अणुबंधो। संवेहो नवसु गमएसु जहेव सन्निपंचेदियस्स । मज्झिल्लएसु तिसु गमएसु लद्धी - जहेव सन्निपंचेदियस्स मज्झिल्लएसु तिसु। सेसं तं चेव निरवसेसं । पच्छिल्ला तिन्नि गमगा जहा एयस्स चेव ओहिया गमगा, नवरं ओगाहणा जहन्नेणं पंच धणुसयाई, उक्कोसेण वि पंच धणुसयाई; ठिती अणुबंधो जहन्नेणं पुव्वकोडी, उक्कोसेण वि पुव्वकोडी । सेसं तहेव, नवरं पच्छिल्लएसु गमएसु संखेज्जा उववज्र्ज्जति, नो असंखेज्जा उवव० । १ ९ गमगा । [सु. ४०. देवे पडुच्च पुढविकाइयउववायनिरूवणं ] ४० जति देवेहिंतो उववज्जंति किं भवणवासिदेवेहिंतो उववज्जंति, वाणमंतर०, जोतिसियदेवेहिंतो उवव०, वेमाणियदेवेहिंतो उववज्जंति ? गोयमा ! भवणवासिदेवेहिंतो वि उववज्जंति जाव वेमाणियदेवेहिंतो वि उववज्जति। [ सु. ४१. भवणवासिदेवे पडुच्च पुढविकाइयउववायनिरूवणं ] ४१. जइ भवणवासिदेवेहिंतो उववज्जंति किं असुरकुमारभवणवासिदेवेहिंतो उववज्जति जाव थणियकुमारभवणवासिदेवेहिंतो ० ? गोयमा ! असुरकुमारभवणवासिदेवेहिंतो वि उववज्जति थणियकुमारभवणवासिदेवेहिंतो वि उववज्र्ज्जति । [सु. ४२- ४६. पुढविकाइयउववज्र्ज्जतम्मि असुरकुमारम्मि उववाय - परिमाणाइवीसइदारपरूवणं ]४२. असुरकुमारे णं भंते ! जे भविए पुढविकाइएसु उववज्जित्तए से णं भंते! केवति०? गोयमा ! जहन्नेणं अंतोमुहुत्त०, उक्कोसेणं बावीसवाससहस्सद्विती० । ४३. ते णं भंते ! जीवा० पुच्छा । गोयमा ! जहन्नेणं एक्को वा दो वा तिन्नि वा, उक्कोसेणं संखेज्ना वा असंखेज्जा वा उवव० । ४४. तेसि णं भंते ! जीवाणं सरीरगा किंसंघयणी पन्नत्ता ? गोयमा ! छ संघयणाणं असंघयणी जाव परिणमंति । ४५. तेसि णं भंते ! जीवाणं केमहालिया सरीरोगाहणा० ? गोयमा ! दुविहा पन्नत्ता, तं जहा भवधारणिज्जा य, उत्तरवेउब्विया य। तत्थे णं जा सा भवधारणिज्जा सा जहन्नेणं अंगुलस्स असंखेज्जतिभागं, उक्कोसेणं सत्त रयणीओ । तत्थ णं जा सा उत्तरवेउव्विया सा जहन्नेणं अंगुलस्स असंखेज्जतिभागं, उक्कोसेणं जोयणसयसहस्सं । ४६. तेसि णं भंते! जीवाणं सरीरगा किंसंठिता पन्नत्ता ? गोयमा ! दुविहा पन्नत्ता, तं जहा - भवधारणिज्जा य, उत्तरवेउब्विया य । तत्थ णं जे ते भवधारणिज्जा ते समचतुरंससंठिया पन्नत्ता । तत्थ णं जे ते उत्तरवेउब्विया ते नाणासंठिया पन्नत्ता। लेस्साओ चत्तारि । दिट्ठी तिविहा वि । तिणि णाणा नियमं तिण्णि अण्णाणा भयणाए। जोगो तिविहो वि । उवयोगो दुविहो वि । चत्तारि सण्णाओ । चत्तारि कसाया। पंच इंदिया । पंच
YOKOR
श्री आगमगुणमंजूषा - ५१५
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |