Page Text
________________
(५) भगवई २४ श. उ १२-१३ [ ३०१]
फफफफफफफफ समुग्धाया । वेयणा दुविहा वि । इत्थिवेदगा वि, पुरिसवेदगा वि, नो नपुंसगवेयगा । ठिती जहन्नेणं दस वाससहस्साइं, उक्कोसेणं सातिरेगं सागारोवमं । अज्झवसाणा असंखेज्ना, पसत्था वि अप्पसत्था वि । अणुबंधो जहा ठिती। भवादेसेणं दो भवग्गहणाई । कालादेसेणं जहन्नेणं दस वाससहस्साइं अंतोमुहुत्तमब्भहियाई, उक्कोसेणं सातिरेगं सागारोवमं बावीसाए वाससहस्सेहिं अब्भहियं, एवतियं० । एवं णव वि गमा नेयव्वा, नवरं मज्झिल्लएसु पच्छिल्लएसु य तिसु गमएस असुरकुमाराणं ठितिविसेसो जाणियव्वो । सेसा ओहिया चेव लद्धी कायसंवेहं च जाणेज्जा । सव्वत्थ दो भवग्गहणा जाव णवमगमए कालादेसेणं जहन्त्रेणं सातिरेगं सागारोवमं बावीसाए वाससहस्सेहिमब्भहियं, उक्कोसेण वि सातिरेगं सागारोवमं बावीसाए वाससहस्सेहिं अब्भहियं, एवतियं० । १ ९ गमगा । [सु. ४७. पुढविकाइयउववज्जंतेसु नागकुमाराइथणियकुमारपज्जंतेसु उववाय परिमाणाइवीसइदारपरूवणं ]४७. नागकुमारें णं भंते! जे भविए पुढविकाइएस० ? एस चेव वत्तव्वया जाव भवादेसो त्ति । णवरं ठिती जहन्नेणं दस वाससहस्साई, उक्कोसेणं देसूणाई दो पलितोवमाई । एवं अणुपंधो वि, कालादेसेणं जहन्नेणं दस वाससहस्साइं अंतोमुहुत्तमब्भहियाइ, उक्कोसेणं देसूणाइं दो पलिओवमाइं बावीसाए वाससहस्सेहिं अब्भहियाइं । एवं णव वि गमगा असुरकुमारगमगसरिसा, नवरं ठितिं कालाएसं च जाणेज्जा । एवं जाव थणियकुमाराणं । [ सु. ४८-४९. पुढविकाइयउववज्जंतेसु वाणमंतरेसु उववाय- परिमाणाइवीसइदारपरूवणं ] ४८. जति वाणमंतरेहिंतो उववज्जति किं पिसायवाणमंतर० जाव गंधव्ववाणमंतर० ? गोयमा ! पिसायवाणमंतर० जाव गंधव्ववाणमंतर० । ४९. वाणमंतरदेवे णं भंते! जे भविए पुढविकाइए० ? एएसिं पि असुरकुमारगमगसरिसा नव गमगा भाणियव्वा । नवरं ठितिं कालादेसं च जाणेज्जा। ठिती जहन्नेणं दस वासससहस्साईं, उक्कोसेणं पलिओवमं । सेसं तहेव । [ सु. ५०-५१. पुढविकाइयउववज्जंतेसु जोइसिएस उवववाय परिमाणाइवीसइदारपरूवणं ] ५० जति जोतिसियदेवेहिंतो उवव० किं चंदविमाणजोतिसियदेवेहिंतो उववज्जंति जाव ताराविमाणजोतिसियदेवेहिंतो उववज्जंति ? गोयमा ! चंदविमाण० जाव ताराविमाण० । ५१. जोतिसियदेवे णं भंते! जे भविए पुढविकाइए० । लब्द्धी जहा असुरकुमाराणं । णवरं एगा तेउलेस्सा पन्नत्ता । तिन्नि नाणा, तिन्निअन्नाणा नियमं । ठिती जहन्नेणं अट्टभागपलिओवमं, उक्कोसेणं पलिओवमं वाससयसहस्समब्भहिंयं । एवं अणुबंधो वि कालाएसेणं जहन्नेणं अट्ठभागपलिओवमं अंतोमुहुत्तमब्भहियं, उक्कोसेणं पलिओवमं वाससयसहस्सेणं बावीसाए वाससहस्सेहिं अब्भहियं, एवतियं० । एवं सेसा वि अट्ठ गमगा भाणियव्वा, नवरं ठितिं कालाएसं च जाणेज्जा । [सु. ५२-५३. वेमाणियदेवे पडुच्च पुढविकाइयउववायनिरूवणं ]५२. जइ वेमाणियदेवेहिंतो उववज्जंति किं कप्पोवगवेमाणिय० कप्पातीयवेमाणिय० ? गोयमा ! कप्पोवगवेमाणिय०, नो कप्पातीयवेमाणिय० । ५३. जदि कप्पोवगवेमाणिय० किं सोहम्मकप्पोवगवेमाणिय० जाव अच्चुयकप्पोवगवेमा० ? गोयमा ! सोहम्मकप्पोवगवेमाणिय०, ईसाणकप्पोवगवेमाणिय०, नो सणकुमारकप्पोवगवेमाणिय० जाव नो अच्चुयकप्पोवगवेमाणिय० । [ सु. ५४-५५. पुढविकाइयउववज्जंतेसु सोहम्मीसाणदेवेसु उवववाय-परिमाणाइवीसइदारपरूवणं ]५४. सोहम्मदेवे णं भंते ! जे भविए पुढविकाइएस उवव० से णं भंते! केवति० ? एवं जहा जोतियस्स गमगो । णवरं ठिती अणुबंधो य जहन्त्रेणं पलिओवमं, उक्कोसेणं दो सागारोवमाई । कालादेसेणं जहण्णेणं पलिओवमं अंतोमुहुत्तमब्भहियं, उक्कोसेणं दो सागारोवमाइं बावीसाए वाससहस्सेहिं अब्भहियाई, एवतियं कालं० । एवं सेसा वि अट्ठ गमगा भाणियव्वा, णवरं ठितिं कालाएसं च जाणेज्जा । १ ९ गमगा । ५५. ईसाणदेवे णं भंते! जे भविए० ? एवं ईसाणदेवेण वि नव गमगा भाणियव्वा, नवरं ठिती अणुबंधो जहन्नेणं सातिरेगं पलिओवमं, उक्कोसेणं सातिरेगाई दो सागारोवमाई। सेसं तं चैव । सेवं भंते! सेवं भंते! जाव विहरति । ॥२४ सते १२ उद्देसो समत्तो ॥ ★★★ तेरसमो आउकाइयउद्देसओ ★★★ [ सु. १. तेरसमुद्देसगस्स मंगलं ] १. नमो सुयदेवयाए । [सु. २-३. आउकाइयउववज्जंतेसु चउवीसइदंडएसु बारसमुद्देसगाणुसारेणं वत्तव्वयानिद्देसो ] २. आउकाइया णं भंते! कओहिंतो उववज्र्ज्जति १० एवं जहेव पुढविकाइयउद्देसए जाव पुढविकाइये णं भंते! जे भविए आउकाइएस उववज्जित्तए से णं भंते! केवति०? गोयमा ! जहनेणं अंतोमुहुत्त०, उक्कोसेणं सत्तवाससहस्सट्ठितीएसु उववज्जेज्जा । ३. BACK श्री आगमगुणमंजूषा- ५१६ ॐॐॐॐॐॐॐ
66666666666
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |