Page Text
________________
(
(५) भगवई स. २४ उ १२ [२९८ ]
ऊऊऊऊऊऊऊ
भवग्गहणाई, उक्कोसेणं असंखेज्जाई भवग्गहणाई। तइयगमए कालाएसेणं जहन्नेणं बावीसं वाससहस्साई अंतोमुहुत्तमब्भहियाई, उक्कोसेणं सोलसुत्तरं वाससयसहस्सं, एवतियं । छट्ठे गमए कालाएसेणं जहन्त्रेणं बावीसं वाससहस्साइं अंतोमुहुत्तममब्भहियाई, उक्कोसेणं अट्ठासीति वाससहस्साइं चउहिं अंतोमुहुत्तहिं अब्भहियाई, एवतियं०। सत्तमगमए काला सेणं जहन्नेणं सत्त वाससहस्साइं अंतोमुहुत्तमब्भहियाई, उक्कोसेणं सोलसुत्तरं वाससयसहस्सं, एवतियं० । अट्टमे गमए काला सेणं जहन्नेणं सत्त वाससहस्साइं अंतोमुहुत्तमब्भहियाइं, उक्कोसेणं अट्ठावीसं वाससहस्साइं चउहिं अंतोमुहुत्तेहिं अब्भहियाइं, एवतियं० । नवमे गमए भवाएसेणं जहन्नेणं दो भवग्गहणाई, उक्कोसेणं अट्ठ भवग्गहणाई; कालाएसेणं जहन्नेणं एकूणतीसं वाससहस्साइं, उक्कोसेणं सोलसुत्तरं वाससयसहस्सं, एवतियं० । एवं नवसु वि गमएसु आउकाइयठिई जाणियव्वा । १९ गमगा । [सु. १५. पुढविकाइयउववज्जंतेसु तेउकाइएस उववाय परिमाणाइवीसइदारपरूवणं ] १५. जति उक्काइएहिंतो उवव०? तेउक्काइयाण वि एस चेव वत्तव्वया, नवरं नवसु वि गमएसु तिन्नि लेस्साओ । ठिती जाणियव्वा । तइयगमए कालादेसेणं जहन्नेणं बावीसं वाससहस्साई अंतोमुहुत्तमब्भहियाई, उक्कोसेणं अट्ठासीतिं वाससहस्साइं बारसहिं रातिदिएहिं अब्भहियाई, एवतियं० । एवं संवेहो उवजुंजिऊण भाणियव्वो । १-९ गमगा । [ सु. १६. पुढविकाइयउववज्जंतेसु वाउकाइएस उववाय परिमाणाइवीसइदारपरूवणं ११६. जति वाउकाइएहिंतो ०? वाउकाइयाण वि एवं चेव नव गमगा जहेव तेउकाइयाणं, . नवरं पडागासंठिया पन्नत्ता, तेउकाइया णं सूयीकलावसंठिया । संवेहो वाससहस्सेहिं कायव्वो, तइयगमए कालादेसेणं जहनेणं बावीसं वाससहस्साई अंतोमुहुत्तमब्भहियाई, उक्कोसेणं एगं वाससयसहस्स, एवतियं० । एवं संवेहो उवजुंजिऊण भाणियव्वो । १-९ गमगा । [ सु. १७. पुढविकाइयउववज्जेतेसु वणस्सइकाइएसु उववाय- परिमाणाइवीसइदारपरूवणं ] १७. जति वणस्सतिकाइएहिंतो०? वणस्सइकाइयाणं आउकाइयगमगसरिसा नव गमगा भाणियव्वा, नवरं नाणासंठिया सरीरोगाहणा पन्नत्तापढमएसु पच्छिल्लएसु यतिसु गमएसु जहन्त्रेणं अंगुलस्स असंखेज्जतिभागं, उक्कोसेणं सातिरेगं जोयणसहस्सं, मज्झिल्लएसु तिसु तहेव जहा पुढविकाइयाणं। संवेहो ठिती य जाणितव्वा । ततिए गमए कालाएसेणं जहन्नेणं बावीस वाससहस्साइं अंतोमुहुत्तमब्भहियाइं, उक्कोसेणं अट्ठावीसुत्तरं वाससयसहस्सं, एवतियं० । एवं संवेहो उवजुंजिऊण भाणियव्वो । [सु. १८-२४. पुढविकाइयउववज्जंतेसु बेइदिएसु उववाय परिमाणाइवीसइदारपरूवणं ]१८. जदि बेइदिएहिंतो उववज्नंति किं पज्जत्ताबेइदिएहिंतो उववज्जंति, अपज्जत्ताबेईदिएहिंतो० ? गोयमा ! पज्जात्ताबेइदिएहिंतो उवव०, अपज्जत्ताबेइदिएहिंतो वि उववज्जंति । १९. बेईदिए णं भंते ! जे भविए पुढविकाइएस उववज्जित्तए से णं भंते ! केवतिकाल० ? गोयमा ! जहन्नेणं अंतोमुहुत्तट्ठितीएसु, उक्कोसेणं बावीसवाससहस्सद्वितीएसु । २०. ते णं भंते! जीवा एगसमएणं० ? गोयमा ! जहन्नेणं एक्को वा दो वा तिन्नि वा, उक्कोसेणं संखेज्जा वा, असंखेज्जा वा उववज्जति । सेवट्ठसंघयणी । ओगाहणा जहन्त्रेणं अंगुलस्स असंखेज्जतिभागं, उक्कोसेणं बारस जोयणाई । हुंडसंठिता । तिन्नि लेस्साओ । सम्मद्दिट्ठी वि, मिच्छादिट्ठी विनो सम्मामिच्छादिट्ठी । दो णाणा, दो अन्नाणा नियमं । नो मणजोगी, वइजोगी वि, कायजोगी वि। उवयोगो दुविहो वि । चत्तारि सण्णाओ । चत्तारि कसाया। दो इंदिया पन्नत्ता, तं जहा-जिब्भिदिए य फार्सिदिए य। तिन्नि समुग्धाया। सेसं जहा पुढविकाइयाणं, नवरं ठिती जहन्त्रेणं अंतोमुहुत्तं, उक्कोसेणं बारस संवच्छराई । एवं अणुबंधो वि । सेसं तं चेव । भवाएसेणं जहन्नेणं दो भवग्गहणाई, उक्कोसेणं संखेज्जाई भवग्गहणाई । कालाएसेणं जहन्नेणं दो अंतोमुहुत्ता, उक्कोसेणं संखेज्जं कालं, एवतियं०। पढमो गमओ । २१. सो चेव जहन्नकालट्ठितीएस उववन्नो, एस चेव वत्तव्वया सव्वा । बीओ गमओ । २२. सो चेव उक्कोसकालट्ठितीएसु उववन्नो, एस चेव बेदियस्स लद्धी, नवरं भवाएसेणं जहन्नेणं दो भवग्गहणाई, उक्कोसेणं अट्ठ भवग्गहणाई। कालाएसेणं जहन्नेणं बावीसं वाससहस्साइं अंतोमुहुत्तमब्भहियाइं, उक्कोसेणं अट्ठासीतिं वाससहस्साइं अडयालीसाए संवच्छरेहिं अब्भहियाई, एवतियं० । तइओ गमओ । २३. सो चेव अप्पणा जहन्नकालट्ठितीओ जाओ, तस्स वि एस चेव वत्तव्वता तिसु वि गमएसु, नवरं इमाई सत्त नाणत्ताई सरीरोगाहणा जहा पुढविकाइयांणं; नो सम्मद्दिट्ठी, मिच्छादिट्ठी, नो सम्मामिच्छादिट्ठी, दो अन्नाणा नियम; नो मणजोगी, नो वइजोगी, कायजोगी; ठिती जहन्त्रेणं अंतोमुहुत्तं, उक्कोसेण वि अंतोमुहुत्तं; अज्झवसाणा अप्पसत्या; अणुबंधो जहा ठिती। संवेहो तहेव आदिल्लेसु
श्री आगमगुणमंजूषा - ५१३
YOR
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |