Page Text
________________
फफफफफफफफफ
५१. १८४९ !!
अवहारेण अवहीरमाणे चउपज्जवसिए से तं कडजुम्मे। जे णं रासी चउक्कएणं अवहारेणं अवहीरमाणे तिपज्जवसिए से तं तेयोए । जे णं रासी चउक्कएणं अवहारेणं वीरमाणे दुपज्जवसिए से त्तं दावरजुम्मे । जे णं रासी चउक्कएणं अवहारेणं अवहीरमाणे एगपज्जवसिए से त्तं कलिओये, से तेणट्टेणं गोतमा ! एवं वुच्चति जाव कलिओए । [ सु. ५-१७. चउवीसइदंडय सिद्ध इत्थीसु कडजुम्माइनिरूवणं ]५. नेरतिया णं भंते! किं कडजुम्मा तेयोया दावरजुम्मा कलिओया? गोयमा ! जनप कडजुम्मा, उक्कोसपए तेयोया, अजहन्नमणुक्कोसपदे सिय कडजुम्मा जाव सिय कलियोया । ६. एवं जाव थणियकुमारा । ७. वणस्सतिकातिया णं० पुच्छा । गोमा ! जनपदे अपदा, उक्कोसपदे अपदा, अजहन्नमणुक्कोसपदे सिय कडजुम्मा जाव सिय कलियोगा । ८. बेइंदिया णं० पुच्छा। गोयमा ! जहन्नपए कडजुम्मा, उक्कासपए दावरजुम्मा, अजहन्नमणुक्कोसपए सिय कडसुम्मा जाव सिय कलियोगा । ९. एवं जाव चतुरिंदिया । १०. सेसा एगिदिया जहा बेदिया । ११. पंचिदियतिरिक्खजोणिया जाव वेमाणिया जहा नेरतिया । १२. सिद्धा जहा वणस्सतिकाइया । १३. इत्थीओ णं भंते! किं कडजुम्माओ० पुच्छा। गोयमा ! जहन्नपदे कडजुम्माओ, उक्कोसपए कडजुम्माओ, अजहन्नमणुक्कोसपए सिय कडजुम्माओ जाव सिय कलियोगाओ । १४. एवं असुरकुमारित्थीओ वि जाव थणियकुमारित्थीओ। १५. एवं तिरिक्खजोणित्थीओ। १६. एवं मणुस्सित्थीओ। १७. एवं जाव वाणमंतर जोतिय-वेमाणियदेवित्थीओ। [सु. १८. अग्गिजीवेसु अप्प - बहुआउं पडुच्च निरूवणं ] १८. जावतिया णं भंते! वरा अंधगवण्हिणो जीवा तावतिया परा अंधगवण्हिणो जीवा ? हंता, गोयमा ! जावतिया वरा अंधगवण्हिणो जीवा तावतिया परा अंधगवण्हिणो जीवा । सेवं भंते ! सेवं भंते ! त्ति०। ।। १८.४ ॥ ★★★ पंचमो उद्देसओ 'असुरे' ★ ★ ★ [सु. १-४. चउव्विहदेवेसु अभिरुवअणभिरूवाइकारणनिरूवणं ] १. (१) दो भंते! असुरकुमारा एगंसि असुरकुमारावासंसि असुरकुमारदेवत्ताए उववन्ना । तत्थ णं एगे असुरकुमारे देवे पासादी दरिसणिज्ने अभिरूवे पडिरूवे, एगे असुरकुमारे देवे से णं नो पासादीए नो दरिसणिज्जे नो अभिरूवे नो पंडिरूवे, से कहमेयं भंते! एवं ? गोयमा ! असुरकुमारा देवा दुविहा पन्नता, तं जहा- वेउव्वियसरीरा य अवेडव्विसरीरा य । तत्थ णं जे से वेउव्वियसरीरे असुरकुमारे देवे से णं पासादीए जाव पडिरूवे । तत्थ णं जे से अवेउव्वियसरीरे असुरकुमारे देवे से णं नो पासादीए जाव नो पडिरूवे । (२) से केणट्टेणं भंते ! एवं वुच्चइ 'तत्थ णं जे से वेउव्वियसरीरे तं चेव जाव नो पडिरूवे' ? ‘गोयमा ! से जहानामए इहं मणुयलोगंसि दुवे पुरिसा भवंति - एगे पुरिसे अलंकियविभूसिए, एगे पुरिसे अणलंकियविभूसिए; एएसि णं गोयमा ! दोण्हं पुरिसाणं कयरे पुरिसे पासादीये जाव पडिरूवे ? कयरे पुरिसे नो पासादीए जाव नो पडिरूवे ? जे वा से पुरिसे अलंकियविभूसिए, जे वा से पुरिसे अणलंकियविभूसिए? "भगवं ! तत्थ णं जे से पुरसे अलंकियविभूसिए से गं पुरिसे पासादीये जाव पडिरूवे, तत्थ णं जे से पुरिसे अणलंकियविभूसिए से गं पुरिसे नो पासादीए जाव नो पडिरूवे'। से तेणट्टेण जाव नो पडिवे । २. दो भंते! नागकुमारा देवा एगंसि नागकुमारावासंसि ० १ एवं चेव । ३. एवं जाव थणियकुमारा । ४. वाणमंतर - जोतिसिय- वेमाणिया एवं चेव । [सु. ५-७. चउवीसइदंडएसु महाकम्मतर अप्पकम्मतराइकारणनिरूवणं ]५. दो भंते! नेरइया एगंसि नेरतियावासंसि नेरतियत्ताए उववन्ना । तत्थ णं एगे नेरइए हाम्रा व जाव महावेदणतराए चेव, एगे नेरइए अप्पकम्मतराए चेव जाव अप्पवेदणतराए चेव, से कहमेयं भंते! एवं ? गोयमा ! नेइया दुविहा पन्नता, तं जहा- मायिमिच्छद्दिट्ठिउववन्नगा य, अमायिसम्मद्दिट्टिउववन्नगा य । तत्थ णं जे से मायिमिच्छद्दिट्ठिउववन्नए नेरतिए से णं महाकम्मतराए चेव जाव महावेदणतराए चेव, तत्थ णं जे से अमायिसम्मद्दिविवन्नए नेरइए से णं अप्पकम्मतराए चेव जाव अप्पवेदणतराए चेव । ६. दो भंते ! असुरकुमारा०? एवं चेव । ७. एवं एगिदियविगलिदियवज्जा जाव वेमाणिया । [ सु. ८-११. चउवीसइदंडएस वट्टमाण आगामिभवआउयपडिसंवेदणं पडुच्च निरूवरं ] ८. नेरइए णं भंते ! अनंतरं उव्वट्टित्ता जे भविए पंचिदियतिरिक्खजोणिएसु उववज्जित्तए से णं भंते! कयरं आउयं पडिसंवेदेति ? गोयमा ! नेरइयाउयं पडिसंवेदेति, पंचेदियतिरिक्खजोणियाउए से पुरओ कडे चि । ९. एवं मणुस्सेसु वि, नवरं मणुस्साउए से पुरतो कडे चिट्ठति । १०. असुरकुमारे णं भंते! अनंतरं उव्वट्टित्ता जे भविए पुढविकाइएस उववज्जित्तए० पुच्छा। गोयमा ! असुरकुमाराउयं पडिसंवेदेति, पुढविकाइयाउए से पुरतो कडे चिट्ठइ । ११. एवं जो जहिं भविओ उववज्जित्तए तस्स तं पुरतो कडं चिट्ठति, जत्थ 4445445555 श्री आगमगणमंजुषा - ४७१
|
FO
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |