Page Text
________________
IG055555555555555明
(५) भगवई श.१८ उ-५-६-७
(२५७]
乐乐所所听听听听听听听听听听听
Resof
%%%%%%%%%%%%%%%%%%
%%%%%%%%%%%%%%
ठितो तं पडिसंवेदेति जाव वेमाणिए। नवरं पुढविकाइओ पुढविकाइएसु उववजंतओ पुढविकाइयाउयं पडिसंवेदेति, अन्ने य से पुढविकाइयाउए पुरतो कडे चिट्ठति। एवं जाव मणुस्सो सट्ठाणे उववातेयव्वो, परट्ठाणे तहेव । [ सु. १२-१५. चउव्विहदेवेसु इच्छियविउव्वणाकरण-अकरणसामत्थं पडुच्च कारणनिरूवणं ] १२. दो भंते ! असुरकुमारा एगंसि असुरकुमारावासंसिं असुरकुमारदेवेत्ताए उववन्ना। तत्थ णं एगे असुरकुमारे देवे 'उज्जुयं विउव्विस्सामी' ति उज्जुयं विउव्वह, 'वंकं विउव्विस्सामी' ति वंकं विउव्वइ, जं जहा इच्छति तं तहा विउव्वइ । एगे असुरकुमारे देवे 'उज्जुयं विउव्विस्सामी' ति वंकं विउव्वति, 'वंकं विउव्विस्सामी' ति॥ उज्जुयं विउव्वति, जं जहा इच्छति णोतं तहा विउव्वति । से कहमेयं भंते ! एवं ? गोयमा ! असुरकुमारा देवा दुविहा पन्नत्ता, तं जहा-मायिमिच्छद्दिट्ठिउववन्नगा य अमायिसम्मद्दिट्ठिउववन्नगा य। तत्थ णं जे से मायिमिच्छद्दिट्ठिउववन्नए असुरकुमारे देवे से णं 'उज्जुयं विउव्विस्सामी' ति वंकं विउव्वति जाव णो तं तहा विउव्वइ, तत्थ णं जे से अमायिसम्मद्दिट्ठिउववन्नए असुरकुमारे देवे से 'उज्जुयं विउव्विस्सामी' ति उज्जुयं विउव्वति जाव तं तहा विउव्वति। १३. दो भंते! नागकुमारा०? एवं चेव। १४. एवं जावथणियकुमारा। १५. वाणमंतर-जोतिसिय-वेमाणिया एवं चेव। सेवं भंते! सेवं भंते ! त्ति०॥१८.५॥★★★छट्ठो उद्देसओ 'गुल'*** सु. १-५. फाणियगुल-भमर-सुयपिच्छ-मंजिट्ठिआईसु वावहारिय-नेच्छइयन-यावेक्खाए वण्ण-गंध-रस-फासनिरूवणं ] १. फाणियगुले णं भंते ! कतिवण्णे कतिगंधे कतिरसे कतिफासे पन्नते ? गोयमा ! एत्थं दो नया भवंति, तं जहा-नेच्छयियनए य वावहारियनए य । वावहारियनयस्स गोड्डे फाणियगुले, नेच्छइयनयस्स पंचवण्णे दुगंधे पंचरसे अट्ठफासे पन्नते । २. भमरे णं भंते ! कतिवण्णे० पुच्छा । गोयमा ! एत्थं दो नया भवंति, तं जहा-नेच्छइयनए य वावहारियनए य । वावहारियनयस्स कालए भमरे, नेच्छइयनयस्स पंचवण्णे जाव अट्ठफासे पन्नते। ३. सुयपिंछे णं भंते! कतिवण्णे०? एवं चेव, नवरं वावहारियनयस्स नीलए सुयपिच्छे, नेच्छइयनयस्स पंचवण्णे० सेसं तं चेव । ४. एवं एएणं अभिलावेणं लोहिया मंजिट्ठी पीतिया हलिद्दा, सुक्किलए संखे, सुब्भिगंधे कोटे, दुब्भिगंधे मयगसरीरे, तित्ते निबे, कडुया सुंठी, कसायतुरए कविटे, अंबा अंबिलिया, महुरे खंडे, कक्खडे वइरे, मउए नवणीए, गरूए अये, लहुए उलुयपत्ते, सीए हिमे, उसिणे अगणिकाए, णि तेल्ले। ५. छारिया णं भंते !० पुच्छा। गोयमा ! एत्थ दो नया भवंति, तं जहा-नेच्छइयनए य वावहारियनए य। वावहारियनयस्सलुक्खा छारिया, नेच्छश्यनयस्स पंचवण्णा जाव अट्ठफासा पन्नता ।[ सु.६-१३. परमाणु-दुपएसियाइखंधेसु वण्ण-गंध-रस-फासनिरूवणं ] ६. परमाणुपोग्गले णं भंते ! कइवण्णे जाव कतिफासे पन्नते ? गोयमा ! एगवण्णे एगगंधे एगरसे दुफासे पन्नते। ७. दुपदेसिए णं भंते ! खंधे कतिवण्णे० पुच्छा। गोयमा ! सिय एगवण्णे सिय दुवण्णे, सिय एगगंधे सिय दुगंधे, सिय एगरसे सिय दुरसे, सिय दुफासे, सिय तिफासे, सिय चउफासे पन्नते। ८. एवं तिपदेसिए वि, नवरं सिय एगवण्णे, सिय दुवण्णे, सिय तिवण्णे । एवं रसेसु वि। सेसं जहा दुपदेसियस्स । ९. एवं चउपदेसिए वि, नवरं सिय एगवण्णे जाव सिय चउवण्णे। एवं रसेसु वि। सेसंतं चेव। १०. एवं पंचपदेसिए वि, नवरं सिय एगवण्णे जाव सिय पंचवण्णे । एवं रसेसु वि । गंध-फासा तहेव । ११. जहा पंचपएसिओ एवं जाव असंखेज्जपएसिओ। १२. सुहमपरिणए णं भंते! अणहतपदेसिए खंधे कतिवण्णे०? जहा पंचपदेसिए तहेव निरवसेसं। १३. बादरपरिणए णं भंते ! अणंतपएसिए खंधे कतिवण्णे० पुच्छा । गोयमा ! सिय एगवण्णे जाव सिय पंचवण्णे, सिय एगगंधे सिय दुगंधे, सिय एगरसे जाव सिय पंचरसे, सिय चउफासे जाव सिय अट्ठफासे पन्नत्ते । सेवं भंते ! सेवं भंते ! त्ति०। ।।१८.६।। ★★★सत्तमो उद्देसओ केवलि'★★★[ सु. १. सत्तमुद्देसस्सुवुग्घाओ] १. रायगिहे जाव एवं वयासी- [सु. २. जक्खाविट्ठके वलिविसए अन्नउत्थियभणियनिरासपुव्वं भगवओ परूवणे केवलिस्स सच्च-असच्चामोसभासापरूवणं ]२. अन्नउत्थिया णं भंते ! एवमाइक्खंति जाव परूवेति-एवं खलु केवली जक्खाएसेणं आइस्सति, एवं खलु केवली जक्खाएसेणं आइट्ठे समाणे आहच्च दो भासाओ भासइ, तं जहा-मोसं वा सच्चामोसं वा। से कहमेयं भंते ! एवं ? गोयमा ! जंणं ते अन्नउत्थिया जाव जे ते एवमाहंसु मिच्छं ते एवमाहंसु, अहं पुण गोयमा ! एवमाइक्खामि ४-नो खलु केवली जक्खाएसेणं आइस्सति, नो खलु म
%%
$
%$
0
Meros$$$$5555555555555555555 श्री आगमगुणमजूषा-४७२55555555555555555555555
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |