Page Text
________________
卐$$$ 5卐乐乐乐广
(५) भगवई स. १६ उ ६ [२४१]
१९.
भंते! महासुविणा पन्नत्ता ? गोयमा ! तीसं महासुविणा पन्नत्ता । १४. कति णं भंते! सव्वसुविणा पन्नत्ता ? गोयमा ! बावत्तरिं सव्वसुविणा पन्नत्ता । [सु. १५तित्थयरं-चक्कवट्टि-वासुदेव-बलदेव-मंडलियगब्भवक्कमणे तेसिं माऊणं सुविणसंखानिरूवणं ] १५. तित्थयरमायरो णं भंते! तित्थगरंसि गब्भं वक्कममाणंसि कति महासुविणे पासित्ताणं पडिबुज्झति ? गोयमा ! तित्थगरमायरो णं तित्थगरंसि गब्भं वक्कममाणंसि एएसिं तीसाए महासुविणाणं इमे चोदस महासुवि पासित्ताणं पडिबुज्झंति, तं जहा गय-वसभ-सीह जाव सिहिं च । १६. चक्कवट्टिमायरो णं भंते! चक्कवट्टिसि गब्भं वक्कममाणंसि कति महासुविणे जाव बुज्झति ? गोयमा ! चक्कवट्टिमायरो चक्कवट्टिसि गब्भं वक्कममाणंसि एएसिं तीसाए महासु० एवं जहा तित्थगरमायरो जाव सिहिं च । १७. वासुदेवमायरो णं० पुच्छा । गोयमा ! वासुदेवमायरो जाव वक्कममाणंसि एएसिं चोद्दसण्हं महासुविष्णाणं अन्नयरे सत्त महासुविणे पासित्ताणं पडिबुज्झति । १८. बलदेवमायरो० पुच्छा। गोयमा ! बलदेवमायरो जाव एएसिं चोद्दसहं महासुविणाणं अन्नयरे चत्तारि महासुविणे पासित्ताणं पडिबुज्झति । १९. मंडलियमायरो णं भंते ! मं० पुच्छा । गोयमा ! मंडलियमायरो जाव एएसिं चोद्दसण्हं महासुविणाणं अन्नयरं एवं महासुविणं जाव पडिबुज्झति । [सु. २०-२१. भगवया महावीरेणं छउमत्थकाल अंतिमराईए दिट्ठाइ दस सुविणाई, तेसिं फलं च ] २०. समणे भगवं महावीरे छउमत्थकालियाए अंतिमराइयंसि इमे दस महासुविणे पासित्ताणं पडिबुद्धे, तं जहा एगं च णं महं घोररूवदित्तधरं तालपिसायं सुविणे पराजियं पासित्ताणं पडिबुद्धे १ । एगं च णं महं सुक्किलपक्खगं पूसकोइलं सुविणे पासित्ताणं पडिबुद्धे २ । एगं च णं महं चित्तविचित्तपक्खगं पूसकोइलगं सुविणे पासित्ताणं पडिबुद्धे ३ । एगं च णं महं दामदुगं सव्वरयणामयं सुविणे पासित्ताणं पडिबुद्धे ४ । एगं च णं महं सेयं गोवग्गं सुविणे पासित्ताणं पडिबुद्धे ५ । एगं च णं महं पउमसरं सव्वतो समंता कुसुमियं सुविणे पासित्ताणं पडिबुद्धे ६ । एगं च णं महं सागरं उम्मी-वीयीसहस्सकलियं हिंति सुविपासित्ताणं पडिबुद्धे ७ । एगं च णं महं दिणकरं तेयसा जलंतं सुविणे पासित्ताणं पडिबुद्धे ८ । एगं च णं महं हरिवेरुलियवण्णाभेणं नियगेणं अंतेणं माणुसुत्तरं पव्वयं सव्वतो समंता आवेढियं परिवेढियं सुविणे पासित्ताणं पडिबुद्धे ९ । एगं च णं महं मंदरे पव्वए मंदरचूलियाए उवरिं सीहासणवरगयं अप्पाणं सुविणे पासित्ताणं पडिबुद्धे १० । २१. जं णं समणे भगवं महावीरे एगं महं घोररूवदित्तधरं तालपिसायं सुविणे पराजियं पा० जाव पडिबुद्धे तं णं समणेणं भगवता महावीरेणं मोहणिज्जे कम्मे मूलओ उग्घातिए १ । जं णं समणे भगवं महावीरे एवं महं सुक्किल जाव पडिबुद्धे तं णं समणे भगवं महावीरे सुक्कज्झाणोवगए विहरति २ । जं णं समणे भगवं महावीरे एगं महं चित्तविचित्त जाव पडिबुद्धे तं णं समणे भगवं महावीरे विचित्तं ससमय-परसमइयं दुवालसंगं गणिपिडिगं आघवेति पन्नवेति परूवेति दंसेति निदंसेति उवदंसेति, तं जहा आयारं सूयगडं जाव दिट्ठिवायं ३ । जं णं समणे भगवं महावीरे एगं महं दामदुगं सव्वरयणामयं सुविणे पासित्ताणं डिबुद्धे तं णं समणे भगवं महावीरे दुविहं धम्मं पन्नवेति, तं जहा अगारधम्मं वा अणगारधम्मं वा ४ । जं णं समणे भगवं महावीरे एगं महं सेयं गोवग्गं जाव बुद्धे तं णं समणस्स भगवतो महावीरस्स चाउव्वण्णाइण्णे समणसंघे, तं जहा समणा समणीओ सावगा सावियाओ ५ । जं णं समणे भगवं महावीरे एवं महं पउमसरं जाव पडिबुद्धे तं णं समणे जाव वीरे चउव्विहे देवे पण्णवेति, तं जहा भवणवासी वाणमंतरे जोतिसिए वेमाणिए ६ । जं णं समणे भगवं महावीरे एगं महं सागरं जाव पडिबुद्धे तं णं समणेणं भगवता महावीरेणं अणादीए अणवदग्गे जाव संसारकंतारे तिण्णे ७ । जं णं समणे भगवं महावीरे एगं महं दिणकरं जाव पडिबुद्धे तं णं समणस्स भगवतो महावीरस्स अणंते अणुत्तरे जाव केवलवरनाण-दंसणे समुप्पन्ने ८ । जं णं समणे जाव वीरे एगं महं हरिवेरुलिय जाव पडिबुद्धे तं णं समणस्स भगवतो महावीरस्स ओराला कित्तिवण्णसद्दसिलोया सदेवमणुयासुरे लोगे परितुवंति 'इति खलु समणे भगवं महावीरे, इति खलु समणे भगवं महावीरे' ९ । जं
समणे भगवं महावीरे मंदरे पव्वते मंदरचूलियाए जाव पडिबुद्धे तं णं समणे भगवं महावीरे सदेवमणुयासुराए परिसाए मज्झगए केवली धम्मं आघवेति जाव उवदंसेति १०।[ सु. २२-३५. हयपंति आइ-दामिणी-रज्जु किण्हसुत्तगाइ- अयरासिआइ हिरण्णरासिआइ-तणरासिआइ- सरथंभाइ- खीरकुंभाइ- सुरावियडकुंभाइपउमसर-सागर-भवण-विमाणसुविणफलं ] २२. इत्थी वा पुरिसे वा सुविणंते एवं महं हयपंतिं वा गयंपंति वा जाव उसभपंति वा पासमाणे पासति, द्र्हमाणे दूहति, YOYORK श्री आगमगुणमंजूषा ४५६
749只
X
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |