Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 255

(५) भगवई श. १६ उ. १-२ [२३६)
अविरतिं पडुच्च । सेतेणट्टेणं जाव अधिकरणं पि। २२. पुढविकाइए णं भंते ! ओरालियसरीरं निव्वत्तेमाणे किं अधिकरणी० ? एवं चेव । २३. एवं जाव मणुस्से । २४. एवं वेउव्वियसरीररं पि । नवरं जस्स अत्थि । २५. (१) जीवे णं भंते! आहारगसरीरं निव्वत्तेमाणे किं अधिकरणी० पुच्छा। गोयमा ! अधिकरणी वि, अधिकरणं पि। (२) से केणट्टेणं जाव अधिकरणं पि ? गोयमा ! पमादं पडुच्च । से तेणट्टेणं जाव अधिकरणं पि । २६. एवं मणुस्से बि । २७. तेयासरीरं जहा ओरालियं, नवरं सव्वजीवाणं भाणियव्वं । २८. एवं कम्मगसरीरं पि । [सु. २९-३०. इंदियपंचगं निव्वत्तेमाणे जीवे अहिकरणिअहिकरणनिरूवणं ] २९. जीवे णं भंते! सोतिदियं निव्वत्तेमाणे किं अधिकरणं ? एवं जहेव ओरालियसरीरं तहेव सोइंदियं पि भाणियव्वं । नवरं जस्स अत्थि सोतिदियं । ३०. एवं चक्खिदिय - घाणिदिय-जिब्भिदियफासिंदियाणि वि, नवरं जाणियव्वं जस्स जं अत्थि । [सु. ३१-३३. जोगतिगं निव्वत्तेमाणे जीवे अहिकरणि अहिकरणनिरूवणं ] ३१. जीवे णं भंते! मणजोगं निव्वत्तेमाणे किं अधिकरणी, अधिकरणं ? एवं जहेव सोतिदियं तहेव निरवसेसं । ३२. वइजोगो एवं चेव । नवरं एगिदियवज्जाणं । ३३. एवं कायजोगो वि, नवरं सव्वजीवाणं जाव वेमाणिए। सेवं भंते! सेवं भंते! ति० ॥ ॥ १६.१ ।। ★★★ बीओ उद्देसओ 'जरा' ★★★ [सु. १. बिइउद्देसगस्सुवुग्धाओ ] १. रायगिहे जाव एवं वदासि [सु. २- ७. जीव- चउवीसइदंडगेसु जरा-सोगनिरूवणं] २. (१) जीवाणं भंते! किंजरा, सोगे ? गोयमा ! जीवाणं जरा वि, सोगे वि। (२) से केणट्टेणं भंते ! जाव सोए वि ? गोयमा ! जेणं जीवा सरीरं वेयणं वेदेति तेसि णं जीवाणं जरा, जे णं जीवा माणसं वेदणं वेदेति तेसि णं जीवाणं सोगे। से तेणद्वेणं जाव सोगे वि । ३. एवं नेरइयाण वि । एवं जाव थणियकुमाराणं । ५. (१) पुढविकाइयाणं भंते! किं जरा, सोगे ? गोयमा ! पुढविकाइयाणं जरा, नो सोगे । (२) से केणट्टेणं जाव नो सोगे ? गोयमा ! पुढविकाइया णं सारीरं वेदणं वेदेति, नो माणसं वेदणं वेदेति । से तेणट्टेणं जाव नो सोगे । ६. एवं जाव चउरिदियाणं । ७. सेसाणं जहा जीवाणं जाव वेमाणियाणं । सेवं भंते! सेवं भंते! जाव पज्जुवासति । [ सु. ८-९ वंदण - नमसणाइपुव्वं सक्कस्स भगवंतं पइ पण्हकरणं ] ८. तेणं कालेणं तेणं समयेणं देविदे देवराया वज्जपाणी पुरंदरे जाव भुंजमाणे विहरति । इमं च णं केवलकप्पं जंबुद्दीव दीवं विपुलेणं ओहिणा आभोएमाणे आभोएमाणे पासति यत्थ समणं भगवं महावीरं जंबुद्दीवे दीवे एवं जहा ईसाणे ततियसए (स० ३ उ० १ सु० ३३) तहेव सक्को वि । नवरं आभियोगिए ण सद्दावेति, हरी पायत्ताणियाहिवती, सुधोसा घंटा, पालओ विमाणकारी, पालगं विमाणं, उत्तरिल्ले निज्जाणमग्गे, दाहिणपुरत्थिमिल्ले रतिकरपव्वए, सेसं तं चेव जाव नामगं सावेत्ता पज्जुवासति । धम्मकहा जाव परिसा पडिगया । ९. तए णं से सक्के देविंदे देवराया समणस्स भगवतो महावीरस्स अंतियं धम्मं सोच्चा निसम्मा हट्टतुट्ठ० समणं भगवं महावीरं वंदति नम॑सति, २ त्ता एवं वयासी [ सु. १०. सक्कपण्डुत्तरे भगवया परूवियं ओग्गहपणगं ] १०. कतिविहे णं भंते ! ओग्गहे पन्नत्ते ? सक्का ! पंचविहे ओग्गहे पन्नत्ते, तं जहा देविंदोग्गहे, रायोग्गहे गाहावति ओग्गहे सागरिओग्गहे साधम्मिओग्गहे । [सु. ११. सक्कस्स समणनिग्गंथओग्गहजाणणा ] ११. जे इमे भंते ! अज्जत्ताए समणा निग्गंथा विहरंति एएसि णं अहं ओग्गहं अणुजाणामीति कट्टु समणं भगवं महावीरं वंदति नम॑सति, २ त्ता तमेव दिव्वं जाणविमाणं ब्रूहति, द्रू० २ जामेव दिसं पाउब्भूए तामेव दिसं पडिगए। [सु. १२-१६. गोयमपुट्ठसक्कविसएसु पण्हेसु भगवओ समाहाणं सु. १२. सक्कस्स निग्गंध ओग्गहजाणणा ] १२. 'भंते !' त्ति भगवं गोयमे समणं भगवं महावीरं वंदति नम॑सति, वं० २ त्ता एवं वयासी जं णं भंते ! सक्के देविदे देवराया तुब्भे एवं वदति सच्चे णं एस मट्ठे ? हंता, सच्चे । [सु. १३. सक्कस्सम्मावाइत्तं ] १३. सक्के णं भंते । देविदे देवराया किं सम्मावादी, मिच्छावादी ? गोयमा ! सम्मावादी, नो मिच्छावादी । [सु. १४-१५. सक्कस्स सच्च-मोससच्चामोस असच्चामोस सावज्ज- अणवज्जभासा भासित्तं] १४. सक्के णं भंते! देविदे देवराया किं सच्चं भासं भासति, मोसं भासं भासति, सच्चामोसं भासं भासति, असच्चामोसं भासं भासइ ? गोयमा ! सच्चं पि भासं भासति, जाव असच्चामोस पि भासं भासति । १५. (१) सक्के णं भंते! देविदे देवराया किं सावज्जं भासं भासति, अणवज्जं भासं भासति ? गोयमा ! सावज्जं पि भासं भासति, अणवज्जं पि भासं भासति । (२) से केणद्वेणं भंते ! एवं वुच्चइ सावज्जं पि जाव अणवज्जं पि भासं
69
| Education International 2010 03
~2------
nonenFELELELELELELELELELELELE
114.9
原原.......
www.jainelibrary.oo 1-1-1-1---========= LT LT LT LT LETTLE LESSO