Page Text
________________
ס כתבות כל ונתתתתתבוסטר
(५) भगवइ १ सत्त उद्देसक - १
[३]
5555555555555555OTOR
बावीसं वाससहस्साई। (१२.२) पुढविक्काइया केवइकालस्स आणमंति वा ४ ? गोयमा ! वेमायाए आणमंति वा ४ । (१२.३) पुढविक्काइया आहारट्ठी ? हंता, आहारट्ठी। (१२.४) पुढविक्काइयाणं केवइकालस्स आहारट्टे समुप्पज्नइ ? गोयमा ! अणुसमयं अविरहिए आहारट्टे समुप्पज्जइ। (१२.५) पुढविक्काइया किं आहारं आहारेति? गोयमा ! दव्वओ जहा नेरइयाणं जाव निव्वाघाएणं छद्दिसिं; वाघायं पडुच्च सिय तिदिसिं, सिय चउद्दिसिं सिय पंचदिसिं । वण्णओ काल-नीललोहित-हालिद्द-सुक्किलाणि । गंधओ सुब्भिगंध २, रसओ तित्त ५, फासओ कक्खड ८ । सेसं तहेव । नाणत्तंकतिभागं आहारेति ? कइभागं फासादेति ? गोयमा! ; असंखिज्जइभागं आहारेति, अणंतभागं फासादेति जाव ते णं तेसिं पोग्गला कीसत्ताए भुज्जो भुज्जो परिणामंति ? गोयमा ! फासिदियवेमायत्ताए भुज्जो भुज्जो परिणमंति । सेसं जहा नेरइयाणं जाव चलियं कम्मं निज्जरेति, नो अचलियं कम्मं निज्जरेति। (१३-१६) एवं जाव वणस्सइकाइयाणं । नवरं ठिती वण्णेयव्वा जा' जस्स, उस्सासो वेमायाए। (१७.१) बेइंदियाणं ठिई भाणियव्वा । ऊसासो वेमायाए। (१७.२) बेइंदियाणं आहारे पुच्छा । अणाभोगनिव्वत्तिओ तहेव । तत्थ णं जे से आभोगनिव्वत्तिए से णं असंखेजसमइए अंतोमुहुत्तिए वेमायाए आहारट्ठे समुप्पइ । सेसं तहेव जाव अणंतभागं आसायंति। (१७.३) बेइंदिया णं भंते ! जे पोग्गले आहारत्ताएगेण्हति ते किं सव्वे आहारेति ? नो सव्वे आहारेति गोयमा! बेइंदियाणं दुविहे आहारे पण्णते। तं जहा लोमाहारे पक्खेवाहारे य । जे पोग्गले लोमाहारत्ताए गिहणंति ते सव्वे अपरिसेसिए आहारेति जे पोग्गले पक्खेवाहारत्ताए गिण्हंति तेसिंणं पोग्गलाणं असंखिज्जभागं आहारेंति, अणेगाइंचणं भागसहस्साई अणासाइज्जमाणाइं अफासाइज्जमाणाई विद्धंसमागच्छंति । (१७.४) एतिसिंणं भंते ! पोग्गलाणं अणासाइज्जमाणाणं अफासाइज्जमाणाण य कयरे कयरेहितो अप्पा वा ४ ? गोयमा ! सव्वत्थोवा पोग्गला अणासाइज्जमाणा, अफासाइज्जमाणा अणंतगुणा। (१७.५) बेइंदिया णं भंते ! जे पोग्गले आहारत्ताए गिण्हंति तेणं तेसिं पोग्गला कीसत्ताए भुज्जो भुज्जो परिणमंती ? गोयमा ! जिब्भिदिय-फासिदिय- वेमायत्ताए भुजो भुज्जो परिणमंति। (१७.६) बेइंदियाणं भंते ! पुव्वाहारिया पोग्गला परिणया तहेव जाव चलियं कम्मं निज्जरंति। (१८-१९.१) तेइंदिय-चउरिदियाणं णाणत्तं ठितीए जाव णेगाइं च णं भागसहस्साई अणाघाइज्नमाणाई अणासाइज्जमाणाई अफासज्जमाणाइं विद्धंसमागच्छंति । (१८-१९.२) एतेसिं णं भंते ! पोग्गलाणं अणाघाइज्जमाणाणं ३, ० पुच्छा । गोयमा ! सव्वत्थोवा पोग्गला अणाघाइज्जमाणा, अणासाइज्जमाणा अणंतगुणा, अफासाइज्जमाणं अणंतगुणा। (१८.३) तेइंदियाणं घाणिदिय -जिब्भिदिय -फासिदियत्ताए भुज्जो भुज्जो परिणमंति। (१९.३) चउरिदियाणं चक्खिदिय - घाणिदिय - जिभिदिय - फासिदियत्ताओ भुज्जो भुज्जो परिणयंति । (२०) पंचिदियतिरिक्खजोणियाणं ठिति भाणिऊण ऊसासो वेमायाए। आहारो अणाभोगनिव्वत्तिओ अणुसमयं अविरहिओ। आभोगनिव्वत्तिओ जहन्नेणं अंतोमुहुत्तस्स, उक्कोसेणं उट्ठभत्तस्स । सेसं जहा चउरिदियाणं जाव चलियं कम्मं निज्जरेति। (२१) एवं मणुस्साण वि । नवरं आभोगनिव्वत्तिए जहन्नेणं अंतोमुहुत्तं, उक्कोसेणं अट्ठमभत्तस्स । सोइंदिय ५ वेमायत्ताए भुज्जो भुज्जो परिणमंति । सेसं तहेव जाव निज्जरेति । (२२) वाणमंतराणं ठिईए नाणत्तं । अवसेसं जहा नागकुमाराणं (सु. ६ (३)। (२३) एवं जोइसियाण वि । नवरं उस्सासो जहन्नेणं मुहुत्तपुहत्तस्स, उक्कोसेण वि मुहुत्तपुहत्तस्स । आहारो जहन्नेणं दिवसपुहत्तस्स, उक्कोसेणं वि दिवसपुहत्तस्स । सेसं तहेव । (२४) वेमाणियाणं ठिती भाणियव्वा ओहिया । ऊसासो मुहुत्तपुहत्तस्स, उक्कोसेणं तेत्तीसाए पक्खाणं । आहारो आभोगनिव्वत्तिओ जहन्नेणं दिवसापुहत्तस्स, उक्कोसेणं तेत्तीसाए वाससहस्साणं । सेसं तहेव जाव निज्जरेति । [सु. ७ जीवेसु आरंभपरूवणा] ७ (१) जीवा णं भंते ! किं आयारंभा ? परारंभा ? तदुभयारंभा ? अणारंभा ? गोयमा ! अत्थेगइया जीवा आतारंभा वि, परारंभा वि, तदुभयारंभा वि, नो अणारंभा । अत्थेगइया जीवा नो आयारंभा, नो परारंभा, नो तदुभयारंभा,
अणारंभा। २ सेकेणद्वेणं भंते ! एवं वुच्चति- अत्थेगइया जीवा आयारंभा वि ? एवं पडिउच्चरितव्वं । गोयमा ! जीवा दुविहा पण्णत्ता । तं जहा संसारसमावन्नगा प्रय असंसारसमावन्नगा य । तत्थ णं जे ते असंसारसमावन्नगा ते णं सिद्धा, सिद्धा णं नो आयारंभा जाव अणारंभा। तत्थ णं जे ते संसारसमावन्ना ते विहा पण्णत्ता । तं म १ जहा संजता य, असंजता य । तत्थ णं जे ते (२) संजता ते दुविहा पण्णता । तं जहा-पमत्तसंजताय, अपमत्तसंजताय । तत्थ णं जे ते अप्पमत्तसंजता ते णं नो vercs5555555555555555555555 श्री आगमगुणमंजूषा - २१८ 5555555555555555555555555
FROO555555555555555555555555555555555555555555555555fODXO
SHOKO5555555555555555555555555555555555555555555555555OPIOR
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |