Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 19

TAG.9555555555555555
(५) भगवई १ सतं उद्देसक - १ [२]
五五五五五五五五$$$$$$ FORCE
555555555555555555 SOTORE 5555555555555555555555555555
परिणया तहा चिया वि । एवं उवचिता, उदीरिता, वदिता, निज्जिण्णा । गाहा-- परिणत चिता उवचिता उदीरिता वेदिया य निजिण्णा । एक्केक्कम्मि पदम्मी चउविहा पोग्गला होति ॥शा (१.६) नेरइयाणं भंते ! कतिविहा पोग्गला भिज्जति ? गोयमा ! कम्मदव्ववग्गणंअहिकिच्च दुविहा पोग्गला भिज्जति । तं जहा अणू चेव, बादरा चेव १ । नेरइयाणं भंते ! कतिविहा पोग्गला चिजति ? गोयमा! आहारदव्ववग्गणं अहिकिच्च दुविहा पोग्गला चिज्जति । तं जहा अणू चेव बादरा चेव २ । एवं उवचिज्जति ३। नेरइया णं भंते ! कतिविहे पोग्गले उदीरेति ? गोयमा ! कम्मदव्ववग्गणं अहिकिच्च दुविहे पोग्गले उदीरेति । तं जहा अणू चेव बादरे चेव ४ । एवं वेदेति ५। निज्जरेति ६ । ओयट्टिसु ७ । ओयट्टेति ८ । ओयट्टिस्संति ९ । संकामिंसु १० । संकामेति ११ । संकामिस्संति १२ । निहत्तिसु १३ । निहत्तेति १४ । निहत्तिस्संति १५ । निकायंसु १६ । निकाएंति १७। निकाइस्संति १८ । सव्वेसु वि कम्मदव्वग्गणमहिकिच्च । गाहा भेदित चिता उवचिता उदीरिता वेदिया य निज्जिण्णा। ओयट्ठण -संकामण -निहत्तण -निकायणे तिविहे कालो ॥४॥ (१.७) नेरइया णं भंते ! जे पोग्गले तेयाकम्मत्ताए गेण्हंति ते किं तीतकालसमए गेण्हंति? पडुप्पन्नकालसमए गेण्हंति ? अणागतकालसमए गेण्हति ? गोयमा ! नो तीतकालसमए गेण्हंति, पडुप्पन्नकालसमए गेण्हंति, नो अणागतकालसमए गेण्हंति १ । (१.८) नेरइया णं भंते ! जे पोग्गले तेयाकम्मत्ताए गहिए उदीरेति ते किं तीतकालसमयगहिते पोग्गले उदीरेंति ? पडुप्पन्नकालसमयघेप्पमाणे पोग्गले उदीरेति ? गहणसमयपुरेक्खडे पोग्गले उदीरेति ? गोयमा ! तीयकालसमयगहिए पोग्गले उदररेति, नो पडुप्पन्नकालसमयघेप्पमाणे पोग्गले उदीरेति, नो गहणसमयपुरेक्खडे पोग्गले उदीरेति २ । एवं वेदेति ३, निजरेति । (१.९) नेरइया णं भंते ! जीवातो किं चलियं कम्मं बंधंति ? अचलियं कम्मं बंधंति ? गोयमा ! नो चलियं कम्मं बंधंति, अचलितं कम्मं बंधंति १ । एवं उदीरेति २ वेदेति ३ ओयट्टेति ४ संकामेति ५ निहत्तेति ६ निकाएंति ७ । सव्वेसु णो चलियं, अचलियं । (१.१०) नेरइयाणं भंते ! जीवातो किं चलियं कम्मं निज्जरेति अचलियं कम्मं निज्जरेति ? गोयमा ! चलियं कम्मं निज्जरेति, नो अचलियं कम्मं निज्जरेति ८ । गाहा बंधोदय-वेदोव्वट्टसंकमे तह निहत्तण -निकाए । अचलियं कम्मं तु भवे चलितं जीवाउ निज्जरए ॥५|| (२.१) असुरकुमाराणं भंते ! केवइयं कालं ठिती पण्णत्ता ? जहन्नेणं दस वाससहस्साई, उक्कोसेणं सातिरेगं सागरोवमं । (२.२) असुरकुमारा णं भंते ! केवइकालस्स आणमंति वा ४ ? गोयमा ! जहन्नेपां सत्तण्हं योवाणं उक्कोसेणं साइरेगस्स पक्खस्स आणमंति वा ४ । (२.३) असुरकुमाराणं भंते ! आहारट्ठी ? हंता, आहारट्ठी ? (२.४) असुरकुमाराणं भंते ! केवइकालस्स आहारट्टे समुप्पज्जइ ? गोयमा ! असुरकुमाराणं दुविहे आहारे पण्णत्ते । तं जहा आभोगनिव्वत्तिए य, अणाभोगनिव्वत्तिए य । तत्थ णं जे से अणाभोगनिव्वत्तिए से अणुसमयं अविरहिए आहारट्ठे समुप्पज्जइ । तत्थ णं जे से आभोगनिव्वत्तिए से जहन्नेणं चउत्थभत्तस्स, उक्कोसेणं साइरेगस्स वाससहस्सस्स आहारट्टे समुप्पज्जड़। (२.५) असुरकुमारा णं भंते ! किं आहारं आहारेति ? गोयमा ! दव्वओ अणंतपएसियाई दव्वाइं, खित्त-काल-भावा पण्णवणागमेणं । सेसं जहा नेरइयाणं जाव ते णं तेसिं पोग्गला कीसत्ताए भुज्जो भुज्जो परिणमंति? गोयमा ! सोइंदियत्ताए ५ सुरूवत्ताए सुवण्णत्ताए इठ्ठत्ताए इच्छियत्ताए अभिज्झियत्ताए, उड्डत्ताए, णो अहत्ताए, सुहत्ताए, णो दुहत्ताए भुज्जो भुज्जो परिणमंति। (२.६) असुरकुमाराणं पुव्वाहारिया पुग्गला परिणया ? असुरकुमाराभिलावणं जहा नेरइयाणं जाव चलियं कम्म निज्जरंति। (३.१) नागकुमाराणं भंते ! केवइयं कालं ठिती पण्णत्ता ? गोयमा ! जहन्नेणं दस वाससहस्साई, उक्कोसेणं देसूणाई दो पलिओवमाइं। (३.२) नागकुमारा णं भंते ! केवइकालस्स आणमंति वा ४ ? गोयमा ! जहन्नेणं सत्तण्डं थोवाणं, उक्कोसेणं मुहुत्तपुहत्तस्स आणमंति वा ४। (३.३) नागकुमारा णं भंते !
आहारट्ठी ? हंता, गोयमा ! आहारट्ठी। (३.४) नागकुमाराणं भंते ! केवइकालस्स आहारट्टे समुप्पज्जइ ? गोयमा ! नागकुमाराणं दुविहे आहारे पण्णत्ते । तं है जहा आभोगनिव्वत्तिए य अणाभोगनिव्वत्तिए य। तत्थ णं जे से अणाभोगनिव्वत्तिए से अणुसमयं अविरहिए आहारट्ठे समुप्पज्जइ. तत्थ णंजे से आभोगनिव्वत्तिए F से जहन्नेणं चउत्थभत्तस्स, उक्कोसेणं दिवसपुहत्तस्स आहारहे समुप्पज्जइ । सेसं जहा असुरकुमाराणं जाव चलियं कम्मं निजरेति, नो अचलियं कम्मं निज्जरेति।
(४-११) एवं सुवण्णकुमाराण वि जाव थणियकुमाराणं ति। (१२.१) पुढविक्काइयाणं भंते ! केवइयं कालं ठिती पण्णत्ता ? गोयमा ! जहन्नेणंअंतोमुहुत्तं, उक्कोसेणं Merci5555555555555555555555 श्री आगमगुणमजूषा २१5555555555555555555555555555OR
SHOK0555555555555555555555555555555555555555OOR