Page Text
________________
$55555
(५) भगवई १ सतं उद्देसक - १-२ []
29555555555555555555555555555555555555555555555555HOOLog
आयारंभा, नो परारंभा, जाव अणारंभा। तत्थ णं जे ते पमत्तसंजया ते सुभं जोगं पडुच्च नो आयारंभा जाव अणारंभा । (३) असुभं जोगं पडुच्च आयारंभा वि जाव नो अणारंभा तत्थ णं जे ते असंजता ते अविरतिं पडुच्च आयारंभा वि जाव नो अणारंभा । से तेणढेणं गोयमा ! एवं वुच्चइ-अत्थेगइया जीवा जाव अणारंभा। [सु.८ चउवीसदंडकेसु आरंभपरूवणा] ८. (१) नेरइया णं भंते ! किं आयारंभा ? परारंभा? तदुभयारंभा? अणारंभा ? गोयमा ! नेरड्या आयारंभा वि जाव नो अणारंभा। से केणढेणं ? गोयमा ! अविरतिं पडुच्च । से तेणटेणं जाव नो अणारंभा। (२-२०) एवं जाव असुरकुमारा वि, जाव पंचिदियतिरिक्खजोणिया। (२१) मणुस्सा जधा जीवा । नवरं सिद्धविरहिता भाणियव्वा । (२२-२४) वाणमंतरा जाव वेमाणिया जधा नेरतिया। [सु.९ सलेसेसु जीवेसु आरंभपरूवणा] ९. (१) सलेसा जधा ओहिया (सु.७) । (२) किण्हलेस- नीललेस -काउलेसा जहा ओहिया जीवा, नवरं पमत्तअप्पमत्ता न भाणियव्वा । तेउलेसा पम्हलेसा सुक्कलेसा जधा
ओहिया जीवा (सु.७), नवरं सिद्धा न भाणितव्वा। [सु. १०. भवं पडूच्च णाणाइपरूवणा] १०. (१) इहभविए भंते ! नाणे? परभविए नाणे ? तभयभविए नाणे? गोयमा ! इहभविए वि नाणे, परभविए वि नाणे, तदुभयभविए वि नाणे। (२) दसणं पि एवमेव । ३ इहभविए भंते ! चरित्ते? परभविए चरित्ते? तदुभयभविए जरिते? गोयमा ! इहभविए चरित्ते, नो परभविए चरित्ते, नो तदुभयभविए चरित्ते। (४) एवं तवे, संजमे। [सु. ११. असंवुड-संवुडसिज्झणावियारो] ११. (१) असंवुडे णं भंते ! अणगारे किं सिज्झति ? बुज्झिति ? मुच्चति? परिनिव्वाति ? सव्वदुक्खाणमंतं करेति ? गोयमा ! नो इणढे समढे। से केणतुणं जाव नो अंतं करेइ ? गोयमा ! असंवुडे अणागारे आउयवज्जाओ सत्त कम्मपगडीओ (४) सिढिलबंधणबद्धाओ घणियबंधणबहाओ पकरेंति हस्सकालट्ठितायाओ दीहकालद्वितीयाओ पकरेति, मंदाणुभागाओ तिव्वाणुभागाओ पकरेति, अप्पपदेसग्गाओ बहुप्पदेसग्गाओ पकरेति, आउगं चणं कम्मं सिय बंधति, सिय नो बंधति, अस्सातावेदणिज्जं चणं कम्म भुज्जो भुज्जो उवचिणाति, अणादीयं चणं अणवदग्गं दीहमद्धं चाउरंतं संसारकंतारं अणुपरियट्ठइ । से तेणतुणं गोयमा ! असंवुडे अणागारे नो सिज्झति ५। (२) संकुंडे णं भंते ! अणागारे सिज्झति ५? हंता, सिज्झति जाव अंतं करेति । सेकेणटेणं ? गोयमा ! संवुडे अणगारे आउयवज्जाओ सत्त कम्मपगडीओ धणियबंधणबद्धाओ सिढिलबंधणबद्धाओ पकरेति, दीहकालद्वितीयाओ हस्सकालद्वितीयाओ पकरेति, तिव्वाणुभागाओ मंदाणुभागाओ पकरेति, बहुपएसग्गाओ अप्पपएसग्गाओ पकरेति, आउयं च णं कम्मं न बंधति, अस्सायावेयणिज्जं च णं कम्मं नो भुज्जो भुज्जो उवचिणाति, अणाईयं च णं अणवदग्गं दीहमद्धं चाउरंतं संसारकंतारं वीतीवयति । से तेणद्वेणं गोयमा ! एवं वुच्चइ -संवुडे अणगारे सिज्झति जाव अंतं करेति। [सु. १२. असंजतजीवदेवगइवियारो, वाणमंतरदेवलोगसरूवं च] १२. (१) जीवेणं भंते! असंजते अविरते अप्पडिहयपच्चक्खायपावकम्मे इतो चुए पेच्चा देवे सिया? गोयमा ! अत्थेगइए देवे सिया। अन्थेगइए नो देवे सिया से केणटेणं जाव इतो चुए पेच्चा अत्थेगइए देवे सिया, अत्थेगइए नो देवे सिया ? गोयमा ! जे इमे जीवा गामाऽऽगर-नगर-निगम -रायहाणि-खेड -कब्बड -मंडब -दोणमुह - पट्टणाऽऽसम -सन्निवेसेसु अकामतण्हाए अकामछुहाए अकामबंभचेरवासेणं अकामअण्हाणगसेय -जल्ल -मल -पंकपरिदाहेणं अप्पतरो वा भुज्जतरो वा कालं अप्पाणं परिकिलेसंति, अप्पाणं परिकिलेसइत्ता कालमासे कालंकिच्चा अन्नतरेसु वाणमंतरेसुदेवलोगेसु देवत्ताए उववत्तारो भवंति। (२) केरिसा णं भंते ! तेसिं वाणमंतराणं देवाणं देवलोगा पण्णत्ता ? गोयमा ! से जहानामए इहं असोगवणे इ वा, सत्तवण्णवणे इ वा, चंपगवणे इवा, चूतवणे इ वा, तिलगवणे इ वा, लउयवणे ति वा, णिग्गोहवणे इ वा, छत्तोववणे इ वा, असणवणे इ वा, सणवणे इ वा, अयसिवणे इ वा, कुसुभंवणे इ वा, सिद्धत्थवणे इ वा, बंधुजीवगवणे इ वा णिच्चं कुसुमितमाइतलवइतथइयगुलुइतगुच्छितजमलितजुवलितविणमित-पणमितसुविभत्तपिडिमंजरिवडेंसगधरे सिरीए अईव अईव उवसोभेमाणे उवसोभेमाणे चिट्ठति,
एवामेव तेसिं वाणमंतराणं देवाणं देवलोगा जहन्नेणं दसवाससहस्सद्वितीएहिं उक्कोसेणं पलिओवमद्वित्तीएहिंबहूहि वाणमंतरेहिं देवेहिंय देवीहिय आइण्णा वितिकिण्णा म उवत्थडा संथाडा फुडा अवगाढागाढसिरीए अतीव अतीव उवसोभेमाणा चिट्ठति । एरिसगाणं गोतमा ! तेसिं वाणमंतराणं देवाणं देवलोगा पण्णत्ता । सेतेणटेणं गोतमा ! एवं
वुच्चति -जीवे णं अस्संजए जाव देवे सिया । सेवं भंते ! सेवं भंते ! त्ति भगवं गोतमे समणं भगवं महावीरं वंदति नमंसति नमंसित्ता संजमेणं तवसा अप्पाणं भावेमाणे ze:5 55555555555555555555 श्री आगमगुणमंजूषा - २१९ 55555555555555 5 55FOR
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |