Page Text
________________
(५) भगवई ८ सतं उ ९ [११७] आगासत्थिकायअन्नमन्न अणादीयवीससाबंधे । ४. धम्मत्थिकाय अन्नमन्नअणादीयवीससाबंधे णं भंते! किं देसबंधे सव्वबंधे ? गोयमा ! देसबंधे, नो सव्वबंधे। ५. एवं अधम्मत्थिकाय अन्नमन्नअणादीयवीससाबंधे वि, एवं आगासत्थिकाय अन्नमन्न अणादीयवीससाबंधे वि । ६. धम्मत्थिकायअन्नमन्नअणाईयवीससाबंधेणं भंते ! कालओ केवच्चिरं होई ? गोयमा ! सव्वद्धं । ७. एवं अधम्मत्थिकाए, एवं आगासत्थिकाये । ८. सादीयवीससाबंधे णं भंते! कतिविहे पण्णत्ते ? गोयमा ! तिविहे पण्णत्ते, तं जहा बंधणपच्चइए भायणपच्चइए परिणामपच्चइए । ९. से किं तं बंधणपच्चइए ? बंधणपच्चइए, जं णं परमाणुपोग्गला दुपएसिय-तिपएसिय- जावदसपएसिय-संखेज्जपएसिय- असंखेज्जपएसिय अनंतपएसियाणं खंधाणं वेमायनिद्धयाए वेमायलुक्खयाए वेमायनिद्ध-लुक्खयाए बंधणपच्चइएणं बंधे समुप्पज्जइ जहन्नेणं एक्वं समयं, उक्कोसेणं असंखेज्जं कालं । से तं बंधणपच्चइए । १०. से किं तं भायणपच्चइए ? भायणपच्चइए, जं णं जुण्णसुरा - जुण्णगुल - जुण्णतंदुलाणं भायणपच्चइएणं बंधे समुप्पज्जइ जहन्त्रेणं अंतोमुहुत्तं, उक्कोसेणं संखेज्जं कालं । से त्तं भायणपच्चइए । ११. से किं तं परिणामपच्चइए ? परिणामपच्चइए, जं णं अब्भाणं अब्भरुक्खाणं जहा ततियसए (स० ३ उ० ७ सु. ४५ ) जाव अमोहाणं परिणामपच्चइएणं बंधे समुप्पज्जइ जहन्नेणं एक्वं समयं उक्कोसेणं छम्मासा । से तं परिणामपच्चइए। से त्तं सादीयवीससाबंधे। से त्तं वीससाबंधे। [सु. १२-१२९. पयोगबंधस्स वित्थरओ परूवणा] [ सु. १२. पयोगबंधस्स भेय - पभेयपरूवणा] १२. से किं तं पयोगबंधे ? पयोगबंधे तिविहे पण्णत्ते, तं जहा अणाईए वा अपज्जवसिए १, सादीए वा अपज्जवसिए २, सादीए वा सपज्जवसिए ३ । तत्थ णं जे से अाईए अपज्जवसिए से णं अट्ठण्हं जीवमज्झपएसाणं । तत्थ वि णं तिण्हं तिण्हं अणाईए अपज्जवसिए, सेसाणं साईए। तत्थ णं जे से सादीए अपज्जवसिए से सिद्धाणं । तत्थ णं जे से साईए सपज्जवसिए से णं चउव्विहे पण्णत्ते, तं जहा आलावणबंधे अल्लियावणबंधे सरीरबंधे सरीरप्पयोगबंधे । [सु. १३. आलावणबंधपरूवणा] १३. से किं तं आलावणबंधे ? आलावणबंधे, जं णं तणभाराण वा कटुभाराण वा पत्तभाराण वा पलालभाराण वा वेल्लभाराण वा वेत्तलया -वाग - वरत-रज्जु - वल्लि कुस - दब्भमादिएहिं आलावणबंधे समुप्पज्जइ; जहन्नेणं अंतोमुहुत्तं उक्कोसेणं संखेज्जं कालं । से त्तं आलावणबंधे। [सु. १४. आलियावणबंधस्स लेसणाबंधाइभेदचउक्कं ] १४. से किं तं अल्लियावणबंधे ? अल्लियावणबंधे चउव्विहे पन्नत्ते, तं जहा लेसणाबंधे उच्चयबंधे समुच्चयबंधे साहणणाबंधे। [सु. १५. लेसणाबंधपरूवणा] १५. से किं तं लेसणाबंधे ? लेसणाबंधे, जं णं कुड्डाणं कुट्टिमाणं खंभाणं पासायाणं कट्टाणं चम्माणं घडा पडणं कडणं छुहा- चिक्खल्ल-सिलेसलक्ख- महुसित्थमाइएहिं लेसणएहिं बंधे समुप्पज्जइ, जहन्नेणं अंतोमुहुत्तं, उक्कोसेणं संखेज्जं कालं । से त्तं लेसणाबंधे । [सु. १६. उच्चयबंधपरूवणा] १६. से किं तं उच्चयबंधे ? उच्चयबंधे, जं णं तणरासीण वा कट्टुरासीण वा पत्तरासीण वा तुसरासीण वा भुसरासीण वा गोयमरासीण वा अवगररासीण वा उच्चएणं बंधे समुप्पज्जइ. जहन्नेणं अंतोमुहुत्तं, उक्कोसेणं संखेज्जं कालं । से तं उच्चयबंधे । [सु १७. समुच्चयबंधपरूवणा] १७. से किं तं समुच्चयबंधे ? समुच्चयबंधे, जं णं अगड-तडाग नदि दह-वावी - पुक्खरणी दीहियाणं गुंजालियाणं सराणं सरपंतिआणं सरसरपंतियाणं बिलपंतियाणं देवकुलसभा-पवा-धूम-खाइयाणं फरिहाणं पागार ऽट्टालग - चरिय-दार गोपुर-तोरणाणं पासाय- घर - सरण-लेण आवणाणं सिंघाडग-तिय- चउक्क- चच्चर- चउम्मुहमहापहमादीणं छुहा - चिक्खल्ल-सिलेससमुच्चएणं बंधे समुप्पज्जइ, जहन्नेणं अंतोमुहुत्तं, उक्कोसेणं संखेज्जं कालं से तं समुच्चयबंधे । [सु. १८-२० साहणणाबंधस्स भेजुयपरूवणा] १८. से किं तं साहणणाबंधे ? साहणणाबंधे दुविहे पण्णत्ते, तं जहा देससाहणणाबंधे य सव्वसाहणणाबंधे य । १९. से किं तं देससाहणणाबंधे ? देससाहणणाबंधे, जं णं सगडरह जाण जुग्ग- गिल्लि थिल्लि सीय- संदमाणिया-लोही लोहकडाह- कडच्छुअ-आसण-सयण- खंभ- भंड-मत्त उवगरणमाईणं देससाहणणाबंधे समुप्पज्जइ, जहन्नेणं अंतोमुहुत्तं, उक्कोसेणं संखेज्जं कालं । से त्तं देससाहणणाबंधे । २०. से किं तं सव्वसाहणणाबंधे ? सव्वसाहणणाबंधे, सेणं खीरोदगमाईणं । से त्तं सव्वसाहणणाबंधे । से त्तं साहणणाबंधे । से त्तं अल्लियावणबंधे। [सु. २१-२३. सरीरबंधस्स भेयजुयपरूवणा] २१. से किं तं सरीरबंधे ? सरीरबंधे दुविहे पण्णत्ते, तं जहा पुव्वप्पओगपच्चइए य पडुप्पन्नप्पओगपच्चइए य । २२. से किं तं पुष्वप्पओगपच्चइए ? पुव्वप्पओगपच्चइए, जं णं नेरइयाणं BOOK श्री आगमगुणमजूषा ३३२
SOON
फफफफफफफफफफफ
666666666666666
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |