Page Text
________________
(५) भगवई ८ सतं उ ८.९
(११६)
फफफफफफफफफफफफफफफफ पण्णत्ता ? गोयमा ! एवं चेव जहेव छव्विहबंधगस्स । (२) एगविहबंधगस्स णं भंते! सजोगिभवत्थकेवलिस्स कति परीसहा पण्णत्ता ? गोयमा ! एक्कारस परीसहा पण्णत्ता, नव पुण वेदेइ । सेसं जहा छव्विहबंधगस्स । ३४. अबंधगस्स णं भंते! अजोगिभवत्थकेवलिस्स कति परीसहा पण्णत्ता ? गोयमा ! एक्कारस परीसहा पण्णत्ता, नवपुण वेदेs, जं समयं सीयपरीसहं वेदेति नो तं समयं उसिणपरीसहं वेदेइ, जं समयं उसिणपरीसहं वेदेति नो तं समयं सीयपरीसहं वेदेह । जं समयं चरियापरीसहं वेदेइ नो तं समयं सेज्जापरीसहं वेदेति, जं समयं सेज्जापरीसहं वेदेइ नो तं समयं चरियापरीसहं वेदेइ । [सु. ३५ ४५. उच्चत्त-खेत्तगमण-खेत्तावभासणखेत्तुज्जोवण-खेत्ततवण-खेत्तभासणाई पडुच्च वित्थरओ जंबुद्दीवसूरियवत्तव्वया] ३५. जंबुद्दीवे णं भंते ! दीवे सूरिया उग्गमणमुहुत्तंसि दूरे य मूले यदीसंति, मज्झतियमुत्तंसि मूले य दूरे य दीसंति, अत्थमणमुहुत्तंसि दूरे य मूले य दीसंति ? हंता, गोयमा ! जंबुद्दीवे णं दीवे सूरिया उग्गमणमुहुत्तंसि दूरे य तं चेव जाव अत्थममुहूत्तंसि दूरेय मूले य दीसंति । ३६. जंबुद्दीवे णं भंते! दीवे सूरिया उग्गमणमुहुत्तंसि य मज्झतियमुहुत्तंसि य, अत्थमणमुहुत्तंसि य सव्वत्थ समा उच्चत्तेणं ? हंता, गोयमा ! जंबुद्दीवे णं दीवे सूरिया उग्गमण जाव उच्चत्तेणं । ३७. जइ णं भंते ! जंबुद्दीवे दीवे सूरिया उग्गमणमुहुत्तंसि य मज्झतियमुहुत्तंसि य अत्थमणमुहुत्तंसि जाव उच्चत्तेणं से केणं खाइ अट्ठेणं भंते! एवं वुच्चइ 'जंबुद्दीवे णं दीवे सूरिया उग्गमणमुहुत्तंसि दूरे य मूले य दीसंति जाव अत्थमणमुहुत्तंसि दूरे य मूले य दीसंति ?' गोयमा ! लेसापडिघाएणं उग्गमणमुहुत्तंसि दूर य मूले य दीसंति, लेसाभितावेणं मज्झंतियमुहुत्तंसि मूले य दूरे य दीसंति, लेस्सापडिघारणं अत्थमणमुहुत्तंसि दूरे य मूले य दीसंति, से तेणट्टेणं गोयमा ! एवं बुच्चइ जंबुद्दीवे णं दीवे सूरिया उग्गमणमुहुत्तंसि दूरे य मूले य दीसंति जाव अत्थमण जाव दीसंति । ३८. जंबुद्दीवे णं भंते! दीवे सूरिया किं तीयं खेत्तं गच्छंति, पडुप्पन्नं खेत्तं गच्छंति, अणागयं खेत्तं गच्छति ? गोयमा ! णो तीयं खेत्तं गच्छंति, पडुप्पन्नं खेत्तं गच्छंति, णो अणागयं खेत्तं गच्छति । ३९. वेणं दीवे सूरिया किं तीयं खेत्तं ओभासंति, पडुप्पन्नं खेत्तं ओभासंति, अणागयं खेत्तं ओभासंति ? गोयमा ! नो तीयं खेत्तं ओभासंति, पडुप्पन्नं खेत्तं ओभासंति, नो अणागयं खेत्तं ओभासंति । ४० तं भंते! किं पुढं ओभासंति, अपुढं ओभासंति ? गोयमा ! पुढं ओभासंति, नो अपुढं ओभासंति जाव नियमा छद्दिसिं । ४१. भंते! दीवे सूरिया किं तीयं खेत्तं उज्जोवेति ? एवं चेव जाव नियमा छद्दिसिं । ४२. एवं तवेति, एवं भासंति जाव नियमा छद्दिसिं । ४३. जंबुद्दीवे णं भंते ! दीवे सूरियाणं किं तीए खेत्ते किरिया कज्जइ, पडुप्पन्ने खित्ते किरिया कज्जइ, अणागए खेत्ते किरिया कज्जइ ? गोयमा ! नो तीए खेत्ते किरिया कज्जइ, पडुप्पन्ने खेत्ते किरिया कज्जइ, णो अणागए खेत्ते किरिया कज्जइ । ४४. सा भंते! किं पुट्ठा कज्जति, अपुट्ठा कज्जइ ? गोयमा ! पुट्ठा कज्जइ, नो अपुट्ठा कज्जति जाव नियमा छद्दिसिं । ४५. जंबुद्दीवे भंते! दीवे सूरिया केवतियं खेत्तं उ तवंति, केवतियं खेत्तं अहे तवंति, केवतियं खेत्तं तिरियं तवंति ? गोयमा ! एवं जोयणसयं उड्डुं तवंति, अट्ठारस जोयणसयाइं अहे तवंति, सीयालीसं जोयणसहस्साइं दोण्णि तेवट्टे जोयणसए एक्कवीसं च सद्विभाए जोयणस्स तिरियं तवंति । [ सु. ४६-४७. चंदाइउड्ढोववन्नगपरूवणाइजाणणत्थं जीवाभिगमसुत्तावलोयणनिद्देसो ] ४६. अंतो णं भंते! माणुसुत्तरस्स पव्वयस्स जे चंदिम-सूरिय-गहगण णक्खत्त-तारारूवा ते णं भंते ! देवा किं उड्ढोववन्नगा ? जहा जीवाभिगमे तहेव निरवसेसं जाव उक्कोसेणं छम्मासा । ४७. बहिया णं भंते! माणुसुत्तरस्स० जहा जीवाभिगमे जाव इंदाणे णं भंते! केवतियं कालं उववाएणं विरहिए पन्नत्ते ? गोयमा ! जहनेणं एवं समयं उक्कोसेणं छम्मासा । सेवं भंते! सेवं भंते! ति० ।
फ्र
अट्टमसए अट्टमो उद्देसो समत्तो ॥ ८.८ ॥ ★★★ नवमो उद्देसो 'बंध' ★★★ [सु. १. पयोगबंध - वीससाबंधनामं बंधभेयजुगं] १. कइविहे णं भंते! बंधे पण्णत्ते ? गोमा ! दुविधेत्ते, तं जहा पयोगबंधे य, वीससाबंधे य । [सु. २.११. वीससाबंधस्स भेय - पभेयनिरूवणापुव्वं विन्थरओ परूवणा २. वीससाबंधे णं भंते ! कतिविहे पण्णत्ते ? गोयमा ! दुविहे पण्णत्ते, तं जहा साईयवीससाबंधे य अणाइयवीससाबंधे य । ३. अणाईयवीससाबंध णं भंते ! कतिविहे पण्णत्ते ? गोयमा ! तिविहे पण्णत्ते, तं जहा धम्मत्थिकायअन्नमन्न अणादीयवीससाबंधे अधम्मत्थिकाय अन्नमन्न अणादीयवीस साबंधे,
फफफफफफफफफफफफफ
TAGGLE फफफफफफफफ
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |