Page Text
________________
9999969595695
(५) ८ स ३.२ [२०६
(२) तस्स अलद्रियाणं पंच नाणाई भयणाए । १११. (१) पंडियवीरियलद्भियाणं पंच नाणाई भयणाए । (२) तस्स अलद्धियाणं मणपज्जवनाणवज्जाई णाणाई, अण्णाणाणि तिणिय भयणाए । ११२. (१) बालपंडियवीरियलद्धिया णं भंते ! जीवा० ? तिण्णि नाणाइं भयणाए। (२) तस्स अलद्धियाणं पंच नाणाई, तिण्णि य अण्णाणाई भयणाए । [सु. ११३ ११७. इंदियलद्धिमंतजीवेसु नाणि - अन्नाणिपरूवणा] ११३. (१) इंदियलद्धिया णं भंते! जीवा किं नाणी, अण्णाणी ? गोयमा ! चत्तारि णाणाइं, तिण्णि य अन्नाणाई भयणाए । (२) तस्स अलद्धिया णं० पुच्छा । गोयमा ! नाणी, नो अण्णाणी नियमा। एगनाणी केवलनाणी । ११४. (१) सोइंदियलद्धियाणं जहा इंदियलद्धिया (सु. ११३) । (२) तस्स अलद्धिया णं पुच्छा । गोयमा ! नाणी वि अण्णाणी वि । जे नाणी ते अत्थेगतिया दुन्नाणी, अत्थेगतिया एगन्नाणी । जे दुन्नाणी ते आभिणिबोहियनाणी सुयनाणी जे एगनाणी ते केवलनाणी । जे अण्णाणी ते नियमा दुअन्नाणी, तं जहा मइअण्णाणी य, सुतअण्णाणी य । ११५. चक्खिदियं - घाणिदियाणं लदियाणं अलद्धियाण य जहेव सोइंदियस्स (सु. ११४) । ११६. (१) जिब्भिदियलद्रियाणं चत्तारि णाणाई, तिणिय अण्णाणाणि भयणाए। (२) तस्स अलदिया णं० पुच्छा। गोयमा ! नाणी वि, अण्णाणी वि । जे नाणी ते नियमा एगनाणी केवलनाणी । जे अण्णाणी ते नियमा दुअन्नाणी, तं जहा मइअण्णाणी य, सुतअन्नाणी य । ११७. फासिदियलद्धियाणं अलद्धियाणं जहा इंदियलद्धिया य अलद्धिया य (सु. ११३) । ९। [सु. ११८-१३०. दसमं उवओगदारं पडुच्च नाणि अन्नाणिपरूवणा] ११८. सागारोवयुत्ता णं भंते! जीवा किं नाणी, अण्णाणी ? पंच नाणाई, तिण्णि अण्णाणाई भयणाए। ११९. आभिणिबोहियनाणसाकारोवयुत्ता वि । १२०. एवं सुतनाणसागारोवउत्ता वि । १२१. ओहिनाणसागारोवउत्ता जहा ओहिनाणलदिया (सु. ९४ १ ) । १२२. मणपज्जवनाणसागारोवजुत्ता जहा मणपज्जवनाणलद्धिया (सु९५ १ ) । १२३. केवलनाणसागारोवजुत्ता जहा केवलनाणलदिया (सु. ९६ १ ) १२४. मइअण्णाणसागारोवयुत्ताणं तिण्णि अण्णाणाई भयणाए । १२५. एवं सुतअण्णाणसागारोवयुत्ता वि । १२६. विभंगनाणसागारोवजुत्ताणं तिण्णि अण्णाणाई नियमा | १२७. अणागारोवयुत्ता णं भंते ! जीवा किं नाणी, अण्णाणी ? पंच नाणाई, तिण्णि अण्णाणाई भयणाए । १२८. एवं चक्खुदंसणअचक्खुदंसणअणागारोवजुत्ता वि, नवरं चत्तारि णाणाई, तिण्णि अण्णाणारं भयणाए । १२९. ओहिदंसणअणागारोवजुत्ता नं० पुच्छा । गोयमा ! नाणी वि अण्णाणी वि । जे नाणी ते अत्थेगतिया तिन्नाणी, अत्थेगतिया चउनाणी । जे तिन्नाणी ते आभिणिबोहिय० सुतनाणी ओहिनाणी । जे चउणाणी ते आभिणिबोहियनाणी जाव मणपज्जवनाणी । जे अन्नाणी ते नियमा तिअण्णाणी, तं जहा मइअण्णाणी सुतअण्णाणी विभंगनाणी । १३०. केवलदंसणअणागारोवजुत्ता जहा केवलनाणलद्धिया (सु. ९६ १।१०। [सु. १३१-१३३. एगारसं जोगदारं पडुच्च नाणि अन्नाणिपरुवणा] १३१. सजोगी णं भंते! जीवा किं नाणी० ? जहा सकाइया (सु. ४९) १३२. एवं मणजोगी, वइजोगी कायजोगी वि । १३३. अजोगी जहा सिद्धा (सु. ३८) | ११ | [ सु. १३४-१३७. बारसमं लेस्सादारं पडुच्च नाणि-अन्नाणिपरूवणा] १३४. सलेस्सा णं भंते ! ० १ जहा सकाइया (सु. ४९) । १३५. (१) कण्हलेस्सा णं भंते ! ० १ जहा सइंदिया । (सु.४४) । (२) एवं जाव पम्हलेसा । १३६. सुक्कलेस्सा जहा सलेस्सा (सु. १३४) । १३७. अलेस्सा जहा सिद्धा (सु. ३८) | १२| [सु. १३८-१३९. तेरसमं कसायदारं पडुच्चाणि -अन्नाणिपरूवणा] १३८. (१) सकसाई णं भंते! ० ? जहा सइंदिया (सु. ४४) । (२) एवं जाव लोहकसाई । १३९. अकसाई णं भंते! किं णाणी० ? पंच नाणाई १३. १४०-१४१. चोद्दसमं वेददारं पडुच्च नाणि अन्नाणिपरूवणा] १४० (१) सवेदगा णं भंते! ० ? जहा सइंदिया (सु ४४) । (२) एवं इत्थिवेदना वि । एवं पुरिसवेयगा । एवं नपुंसकवे० । १४१. अवेदगा जहा अकसाई (सु. १३९) । १४ । [सु. १४२-१४३. पनरसमं आहारदारं पडुच्च नाणिअन्नाणिपवणा] १४२. आहारगा णं भंते! जीवा० ? जहा सकसाई (सु. १३८), नवरं केवलनाणं पि । १४३. अणाहारगा णं भंते! जीवा किं नाणी, अण्णाणी ? मणपज्जवसावज्जाई नाणाई, अन्नाणाणि य तिण्णि भयणाए । १५। [सु. १४४-१५१. सोलसमं विसयदारं नाण-अन्नाणविसयपरूवणा] १४४. आभिणिव हियनाणस्स णं भंते! केवतिए विसए पण्णत्ते ? गोयमा ! से समासतो चउव्विहे पण्णत्ते, तं जहा दव्वतो खेत्ततो कालतो भावतो । दव्वतो णं
5 श्री आगमगुणमंजूषा ३२१
फ्र
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |