Page Text
________________
(५) भगवई ८ सतं उ-२ [ १०५ ] फफफफफफफ अण्णा ? गोया ! नाणी, नो अण्णाणी; अत्थेगतिया दुनाणी । एवं पंच नाणाई भयणाए । (२) तस्स अलद्धीया णं भंते! जीवा किं नाणी, अण्णाणी ? गोयमा ! नो नाणी, अण्णाणी; अत्थेगतिया दुअण्णाणी, तिण्णि अण्णाणाणि भयणाए । ९२. (१) आभिणिबोहियणाणलद्धिया णं भंते! जीवा किं नाणी, अण्णाणी ? गोयमा ! नाणी, नो अण्णाणी; अत्थेगतिया दुण्णाणी, चत्तारि नाणाई भयणाए । (२) तस्स अलद्रिया णं भंते! जीवा किं नाणी अण्णाणी ? गोयमा ! नाणी, वि अण्णाणी वि । जे नाणी ते नियमा एगनाणी- केवलनाणी । जे अण्णाणी ते अत्थेगतिया दुअन्नाणी, तिण्णि अण्णाणाई भयणाए । ९३. (१) एवं सुयनाणलब्द्धीया वि । (२) तस्स अलीया वि जहा आभिणिबोहियनाणस्स अलीया । ९४. (१) ओहिनाणलद्धीया णं० पुच्छा । गोयमा ! नाणी, नो अण्णाणी, अत्थेगतिया तिणाणी, अत्येगतिया चउनाणी । जे तिणाणी ते आभिणिबोहियनाणी सुयनाणी ओहिनाणी । जे चउनाणी ते आभिणिबोहियनाणी सुतणाणी ओहिणाणी मणपज्जवनाणी । (२) तस्स अलीया णं भंते! जीवा किं नाणी० ? गोयमा ! नाणी वि, अण्णाणी वि । एवं ओहिनाणवज्जाइं चत्तारि नाणाई, तिण्णि अण्णाणाई भयणाए । ९५. (१) मणपज्जवनाणलद्धिया णं० पुच्छा। गोयमा ! णाणी, णो अण्णाणी । अत्थेगतिया तिणाणि, अत्थेगतिया चउनाणी । जे तिणाणी ते आभिणिबोहियनाणी सुतनाणी मणपज्जवणाणी । जे चउनाणी ते आभिणिबोहियनाणी सुयनाणी ओहिनाणी मणपज्जवनाणी । (२) तस्स अलन्द्वीया णं० पुच्छा । गोयमा ! णाणी वि, अण्णाणी वि, मणपज्जवणाणवज्जाइं चत्तारि णाणाई, तिणि अण्णाणाई भयणाए । ९६. (१) केवलनाणलदिया णं भंते! जीवा किं नाणी, अन्नाणी ? गोयमा ! नाणी, नो अण्णाणी | नियमा एगणाणी केवलनाणी । (२) तस्स अलद्धिया णं० पुच्छा । गोयमा ! नाणी वि, अण्णाणि वि । केवलनाणवज्जाई चत्तारि णाणाई, तिणि अण्णाणाइं भयणाए । ९७. (१) अण्णाणलद्धिया णं० पुच्छा। गोयमा ! नो नाणी, अण्णाणि; तिण्णि अण्णाणाई भयणाए । (२) तस्स अलद्भिया णं० पुच्छा । गोयमा ! नाणी, नो अण्णाणी । पंच नाणाई भयणाए । ९८. जहा अण्णाणस्स लदिया अलद्धिया य भणिया एवं मइअण्णाणस्स सुयअण्णाणस्स य लदिया अद्धिया भाणिव्वा । ९९. विभंगनाणलद्धियाणं तिण्णि अण्णाणाइं नियमा । तस्स अलद्रियाणं पंच नाणाई भयणाए। दो अण्णाणाइं नियमा । [ सु.१००१०३. दंसणलद्धिमंतजीवेसु नाणि - अन्नाणिपरूवणा] १००. (१) दंसणलद्धिया णं भंते ! जीवा किं नाणी, अण्णाणी ? गोयमा ! नाणी वि, अण्णाणी वि। पंच नाणाई, तिण्णि अण्णाणाई भयणाए । (२) तस्स अलद्धिया णं भंते! जीवा किं नाणी अन्नाणी ? गोयमा ! तस्स अलद्धिया नत्थि । १०१. (१) सम्मद्दंसणलद्रियाणं पंच नाणाई भयणाए। (२) तस्स अलद्धियाणं तिण्णि अण्णाणाई भयणाए । १०२. (१) मिच्छादंसणलद्धिया णं भंते !० पुच्छा । तिण्णि अण्णाणाई भयणाए । (२) तस्स अलद्धियाणं पंच नाणाई, तिण्णि य अण्णाणाई भयणाए । १०३. सम्मामिच्छादंसणलद्धिया अलद्धिया य जहा मिच्छादंसणलद्धी अलद्धी तहेव भाणियव्वं । [सु. १०४-१०६. चरित्तलद्धिमंतजीवेसु नाणि अन्नाणिपरूवणा] १०४ (१) चरित्तलद्रिया णं भंते! जीवा किं नाणी, अण्णाणी ? गोयमा ! पंच नाणाई भयणाए । (२) तस्स अलद्धियाणं मणपज्जवनाणवज्जाई चत्तारि नाणाई, तिन्नि य अन्नाणाइं भयणाए । १०५. (१) सामाइयचरित्तलद्धिया णं भंते ! गोयमा ! जीवा किं नाणी, अन्नाणी ? गोयमा ! नाणी, केवलवज्जाइं चत्तारि नाणाई भयणाए । (२) तस्स अलद्रियाणं पंच नाणाइं तिण्णि य अण्णाणाइं भयणाए । १०६. एवं जहा सामाइयचरित्तलद्रिया अलद्धिया य भाणिया एवं जाव अहक्खायचरित्तलदिया अलद्धिया य भाणियव्वा, नवरं अहक्खायचरित्तलद्रियाणं पंच नाणाई भाए । [सु. १०७. चरित्ताचरित्तलद्धिमतंजीवेसु नाणि अन्नाणिपरूवणा] १०७. (१) चरित्ताचरित्तलद्धिया णं भंते! जीवा किं नाणी, अण्णाणी ? गोयमा ! नाणी, नो अण्णाणी । अत्थेगतिया दुण्णाणी, अत्थेगतिया तिण्णाणी । जे दुन्नाणी ते आभिणिबोहियनाणी य, सुयनाणी य । जे तिन्नाणी ते आभि० सुतना० ओहिनाणी य । (२) तस्स अलद्धीयाण पंच नाणाई, तिण्णि अण्णाणाई भयणाए । [ सु. १०८-११२. दाण लाभ- भोग- उवभोग वीरियलद्धिमंतजीवेसु नाणिअन्नाणिपरूवणा] १०८. (१) दाणलद्रियाणं पंच नाणाई, तिण्णि अण्णाणाई भयणाए । २ तस्स अलद्धीया णं० पुच्छा। गोयमा ! नाणी, नो अण्णाणी नियमा एगनाणी-केवलनाणी । १०९. एवं जाव वीरियस्स लदी अलब्द्धी य भाणियव्वा । ११०. (१) बालवीरियलद्धियाणं तिण्णि नाणारं तिण्णि अण्णाणाई भयणाए । 5 श्री आगमगुणमंजूषा - ३२०
AMOROR
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |