Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 126

5 55OOK
FAG9555555555555555555555555555555
IG055555555555555
(५) भगबईमत .२ [१०७]
___5555555555555555) आभिणिबोहियनाणी आदेसेणं सव्वदव्वाइं जाणति पासति। खेत्ततो आभिणिबोहियणाणी आदेसेणं सव्वं खेत्तं जाणति पासति। एवं कालतो वि। एवं भावओ वि।१४५. सुतनाणस्स णं भंते ! केवतिए विसए पण्णत्ते ? गोयमा ! से समासओ चतुविहे पण्णत्ते, तं जहा दव्वतो खेत्ततो कालतो भावतो। दव्वतो णं सुतनाणी उवयुत्ते सव्वदव्वाई जाणति घासति ! एवं खेततो वि, कालतो वि ! भावतो सुयनाणी उबजुत्ते सव्वभावे जाणति पासति । १४६. ओहिनाणस्स णं भंते ! केवतिए विसाए पण्णत्ते ? गोयमा ! से समासओ चतुव्विहे पण्णत्ते, तं जहा दव्वती खेत्ततो कालतो भावतो। दव्वतो णं ओहिनाणी रूविदव्वाइं जाणति पासति जहा नंदीए जाव के भावतो। १४७. मणपज्जवनाणस्स णं भंते ! केवतिए विसए पण्णत्ते ? गोयमा ! से समासओ चउब्विहे पण्णत्ते, तं जहा-दव्वतो खेत्ततो कालतो भावतो। दव्वतो णं उज्जुमती अणंते अणंतपदेसिए जहा नंदीए जाव भावओ। १४८. केवलनाणस्स णं भंते ! केवतिए विसए पण्णत्ते ? गोयमा ! से समासओ चतुम्विहे पण्णत्ते, तं' जहा दव्वतो खेत्ततो कालतो भावतो । दव्वतो णं केवलनाणी सव्वदव्वाई जाणति पासति ।एवं जाव भावओ। १४९. मइअन्नाणस्स णं भंते ! केवतिए विसए पन्नत्ते ? गोयमा ! से समासतो चतुविहे पण्णत्ते, तं जहा दव्वतो खेत्ततो कालतो भावतो। दव्वतो णं मइअन्नाणी मइअन्नाणपरिगताई दव्वाइं जाणति पासति । एवं जाव भावतो मइअन्नाणी मइअन्नाणपरिगते भावे जाणति पासति । १५०. सुतअन्नाणस्स णं भंते ! केवतिए विसए पण्णत्ते ? गोयमा ! से समासतो चतुविहे पण्णत्ते, तं जहा दव्वतो खेत्ततो कालतो भावतो। दव्वतो णं सुयअन्नाणी सुतअन्नाणपरिगताइं दव्वाइं आघवेति पण्णवेति परूवेइ । एवं खेत्ततो कालतो । भावतोणं सुयअन्नाणी सुतअन्नाणपरिगते भावे आघवेति तं चेव । १५१. विभंगणाणस्स णं भंते ! केवतिए विसए पण्णत्ते ? गोयमा ! से समासतो चतुविहे पण्णत्ते, तं जहा दव्वतो खेत्ततो कालतो भावतो। दव्वतो णं विभंगनाणी विभंगणाणपरिगताइं दव्वाइं जाणति पासति । एवं जाव भावतो णं विभंगनाणी विभंगनाणपरिगए भावे : जाणति पासति । १६। [सु. १५२-१५३. सत्तरसमं कालदारं पडुच्चं नाणि -अन्नाणिपरूवणा] १५२. णाणी णं भंते ! 'णाणि' त्ति कालतो केवच्चिरं होति ? गोयमा ! नाणी दुविहे पण्णत्ते, तं जहा सादीए वा अपज्जवसिते, सादीए वा सपज्जवसिए। तत्थ णं जे से सादीए सपज्जवसिए से जहन्नेणं अंतोमुहुत्तं, उक्कोसेणं छावट्टि सागरोवमाइं सातिरेगाइं । १५३. आभिणिबोहियणाणी णं भंते ! आभिणिबोहियणाणि त्ति० ? । एवं नाणी, आभिणिबोहियनाणी जाव केवलनाणी, अन्नाणी, मइअन्नाणी, सुतअन्नाणी, विभंगनाणी; एएसिं दसण्ह वि संचिट्ठणा जहा कायठितीए ।१७। [सु. १५४. अट्ठारसमअंतरदारवत्तव्वयाजाणणत्थं जीवाभिगमसुत्तावलोयणनिद्देसो] १५४. अंतरं सव्वं जहा जीवाभिगमे। १८ । [सु. १५५. एगूवीसइमअप्पबहुत्तदारवत्तव्वयाजाणणत्थं पन्नवणासुत्तावलोयणनिद्देसो] १५५. अप्पाबहुगाणि तिण्णि जहा बहुवत्तव्वताए । १९। [सु. १५६-१५९. वीसइमं पज्जवदारं -नाण -अन्नाणपज्जवपरूवणा ] १५६. केवतिया णं भंते ! आभिणिबोहियणाणपज्जवा पण्णत्ता ? गोयमा ! अणंता आभिणिबोहियणाणपज्जवा पण्णत्ता। १५७. (१) केवतिया णं भंते ! सुतनाणपज्जवा पण्णत्ता? एवं चेव । (२) एवं जाव केवलनाणस्स। १५८. एवं मतिअन्नाणस्स सुतअन्नाणस्स । १५९. केवतिया णं भंते ! विभंगनाणपज्जवा पण्णत्ता गोयमा ! अणंता विभंगनाणपज्जवा पण्णत्ता । २० [सु. १६०-१६२. नाणपज्जवाणं अन्नाणपज्जवाणं नाणऽन्नाणपज्जवाणं च अप्पाबहुयं] १६०. एतेसि णं भंते ! आभिणिबोहियनाणपज्जवाणं सुयनाणपज्जवाणं ओहिनाणपज्जवाणं मणपज्जवनाणपज्जवाणं केवलनाणपज्जवाण य कतरे कतरेहिंतो जाव विसेसाहिया वा ? गोयमा ! सव्वत्थोवा मणपज्जवनाणपज्जवा, ओहिनाणपज्जवा अणंतगुणा, सुतनाणपज्जवा अणंतगुणा, आभिणिबोहियनाणपज्नवा अणंतगुणा, केवलनाणपज्जवा अणंतगुणा । १६१. एएसि णं भंते ! मइअन्नाणपज्जवाणं सुतअन्नाणपज्जवाणं विभंगनाणपज्जवाण य कतरे कतरेहितो जाव विसेसाहिया वा ? गोयमा ! सव्वत्थोवा विभंगनाणपज्जवा, सुतअन्नाणपज्जवा अणंतगुणा, मतिअन्नाणपज्जवा अणंतगुणा । १६२. एएसि णं भंते ! आभिणिबोहियणाणपज्जवाणं जाव केवलनाणपज्जवाणं मइअन्नाणपज्जवाणं
सुयअन्नाणपज्जवाणं विभंगनाणपनवाण य कतरे कतरेहिंतो जाव विसेसाहिया वा ? गोयमा । सव्वत्थोवा मणपज्जवनाणपज्जवा, विभंगनाणपज्जवा अणंतगुणा, 2 ओहिणाणपज्जवा अणंतगुणा, सुतअन्नाणपज्जवा अणंतगुणा, सुतनाणपज्जवा विसेसाहिया, मइअन्नाणपज्जवा अणंतगुणा, आभिणिबोहियनाणपज्जवा विसेसाहिया, Every 555555555555555555555555श्री आगमगणमंजूषा- 15555555555555555555555555555