Agam 03 Ang 03 Sthanang Sutra Shwetambar Agam Guna Manjusha

SR No.: 003253
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 89
Language: Prakrit
Classification: Book_Devnagari, Agam, Canon, & agam_sthanang
File Size: 8 MB

Page 86

※KO
(३) ठाणं
१० अ. दसद्वाणं [ ७६ ]
ANA 5 5 5 555555555
सुद्धावाताणुओगे
तंजहा -“वत्थु-तज्जातदोसे त, दोसे एगट्ठिते ति त । कारणे त पहुपन्ने, दोसे निच्चे हिअट्टमे ॥ अत्तणा उवणीते त, विसेसे तित ते दस " ॥ १६२ ॥ दसविधे पन्नत्ते, तंजहा -“चंकारे, मंकारे, पिंकारे, सेतंकारे, सातंकारे, एगत्ते, पुधत्ते, संजू, संकामिते, भिन्ने” । ७४५. दसविहे दाणे पण्णत्ते, तंजहा - "अणुकंपा संगहे चेव, भालु ति । ज्जाते गारवेणं च, अहम्मे उण सत्तमे । धम्मे त अट्टमे वुत्ते, काही ति त कतं ति त ॥ १६३॥ दसविधा गती पन्नत्ता, तंजहा निरयगती, निरयविग्गहगती, तिरियगती, तिरियविग्गहगई, एवं जाव सिद्धिगती, सिद्धिविग्गहगती । ७४६. दस मुंडा पन्नत्ता, तंजहा सोतिंदितमुंडे जाव फासिदितमुंडे, कोहमुंडे
लोभमुंडे, सिरमुंडे । ७४७. दसविधे संखणे पन्नत्ते, तंजहा परिकम्मं ववहारो, रज्जू रासी कलासवन्ने य । जावंताव ति वग्गो, घणो त तह वग्गवग्गो वि ॥१६४॥ कप्पो त । ७४८. दसविधे पच्चक्खाणे पण्णत्ते, तंजहा -“अणागतमतिक्कंतं, कोडीसहितं नियंटितं चेव । सागारमणागारं परिमाणकडं निरवसेसं । सएयगं चेव अद्धाए, पच्चक्खाणं दसविहं तु ॥ १६५ ॥ ७४९. दसविधा सामायारी पण्णत्ता, तंजहा -“इच्छा मिच्छा तहक्कारो आवस्सिता य निसीहिता । आपुच्छणा य पडिपुच्छा, छंदणाय निमंतणा । उवसंपिता य काले, सामायारी दसविधा उ " ॥ १६६ ॥ ७५०. समणे भगवं महावीरे छउमत्थकालिताते अंतिमरातितंसि इमे दस महासुमिणे पासित्ताणं पडिबुद्धे, तंजहा एगं च णं महाघोररूवदित्तधरं तालपिसायं सुमिणे पराजितं पासित्ताणं पडिबुद्धे १ । एगं च णं महं सुक्किलपक्खगं पूसकोइलगं सुमिणे पासित्ताणं पडिबुद्धे २। एगं च णं महं चित्तविचित्तपक्खगं पूसकोइलं सुविणे पासित्ताणं पडिबुद्धे ३ । एगं च णं महं दामदुगं सव्वरतणामयं सुमिणे पासित्ताणं पडिबुद्धे ४ । एगं च णं महं सेतं गोवग्गं सुमिणे पासित्ताणं पडिबुद्धे ५ । एगं च णं महं पउमसरं सव्वतो समंता कुसुमितं सुमिणे पासित्ताणं पडिबुद्धे ६ । एगं च णं महासागरं उम्मीवीचिसहस्सकलितं भुयाहिं तिण्णं सुमिणे पासित्ताणं पडिबुद्धे ७ । एगं च णं महं दिणकरं तेयसा जलंतं सुमिणे पासित्ताणं पडिबुद्धे ८ । एगं च णं महं हरिवेरुलितवन्नाभेणं नियतेणमंतेणं माणुसुत्तरं पव्वतं सव्वतो समंता आवेढियपरिवेढियं सुमिणे पासित्ताणं पडिबुद्धे ९ । एगं च णं महं मंदरे पव्वते मंदरचूलिताते उवरिं सीहासणवरगतमत्ताणं सुमिणे पासित्ताणं पडिबुद्धे १० । जं णं समणे भगवं महावीरे एगं महं घोररूवदित्तधरं तालपिसातं सुमिणे परातितं पासित्ताणं पडिबुन्दे तं णं समणं भगवता महावीरेणं मोहणिज्जे कम्मे मूलओ उग्घातिते १ । णं समणे भगवं महावीरे एगं महं सुक्किलपक्खगं जाव पडिबुद्धे तं णं समणे भगवं महावीरे सुक्कज्झाणोवगते विहरइ २ । जं णं समणे भगवं महावीरे एगं महं चित्तविचित्तपक्खगं जाव पडिबुद्धे तं णं समणे भगवं महावीरे ससमयपरसमयियं चित्तविचित्तं दुवालसंगं गणिपिडगं आघवेति पण्णवेति परूवेति दंसेति निदंसेति उवदंसेति, तंजहा आयारं जाव दिट्ठिवातं ३ । जं णं समणे भगवं महावीरे एगं महं दामदुगं सव्वरता जाव पडिबुद्धे तं नं समणे भगवं महावीरे दुविहं धम्मं पण्णवेति, तंजहा अगारधम्मं च अणगारधम्मं च ४ । जं णं समणे भगवं महावीरे एगं महं सेतं गोवग्गं सुमिणे जाव पडिबुद्धे तं णं समणस्स भगवओ महावीरस्स चाउवण्णाइण्णे संघे, तंजहा समणा समणीओ सावगा साविगाओ ५ । जं णं समणे भगवं महावीरे एगं महं पउमसरं जाव पडिबुद्धे तं णं समणे भगवं महावीरे चउव्विहे देवे पण्णवेति, तंजहा भवणवासी वाणमंतरे जोतिसिते वेमाणिते ६ । जं णं समणे भगवं महावीरे एगं महं उम्मीवीची जाव पडिबुद्धे तं णं समणेणं भगवता महावीरेणं अणातीते अणवदग्गे दीहमद्धे चाउरंते संसारकंतारे तिने ७ । जं णं समणे भगवं महावीरे एवं महं दिणकरं जाव पडिबुद्धे तन्नं समणस्स भगवतो महावीरस्स अणते अणुत्तरे जाव समुप्पन्ने ८ । जं णं समणे भगवं महावीरे एगेणं च महं हरिवेरुलित जाव पडिबुद्धे तं समणस्स भगवतो महावीरस्स सदेवमणुयासुरे लोग उराला कित्तिवन्नसद्दसिलोगा परिगुवंति 'इति खलु समणे भगवं महावीरे, इति खलु समणे भगवं महावीरे' ९ । जं णं समणे भगवं महावीरे मंदरे पव्वते मंदरचूलिताए उवरिं जाव पडिबुद्धे तं णं समणे भगवं महावीरे सदेवमणुयासुराते परिसाते मज्झगते केवलिपन्नत्तं धम्म आघवेति पण्णवेति जाव उवदंसेति १० ।। ७५१. दसविधे सरागसम्मद्दंसणे पन्नत्ते, तंजहा - " निसग्गुवतेसरुती आणारुती सुत्त बीतरुतिमेव । अभिगम - वित्थाररुती किरिया-संखेव धम्मरुती ॥ १६७॥ ७५२. दस सण्णाओ पन्नत्ताओ, तंजहा -“आहारासण्णा जाव परिग्गहसण्णा ४, कोधसण्णा जाव लोभसण्णा ८, लोगसण्णा श्री आगमगुणमंजूषा १७४