Agam 03 Ang 03 Sthanang Sutra Shwetambar Agam Guna Manjusha

SR No.: 003253
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 89
Language: Prakrit
Classification: Book_Devnagari, Agam, Canon, & agam_sthanang
File Size: 8 MB

Page 85

TAGR9555555555555555
步步步步步步步步步步第555
4555555
乐乐乐乐乐乐乐乐乐乐乐乐
म
रदसहिं सागरोवमकोडिसतसहस्सेहिं वीतिकंतेहिं समुप्पन्ने । ७३०. दसविहे अणंतते पण्णत्ते, तंजहा णामाणंतते, ठवणाणंतते, दव्वाणंतते, गणणांतते, पएसाणंतते, 5 एगतोणंतते, दुहतोणंतते, देसवित्थाराणंतते, सव्ववित्थाराणंतते, सासताणते । ७३१. उप्पायपुव्वस्स णं दस वत्यू पण्णत्ता। अत्थिणत्थिप्पवातपुव्वस्स णं दस है
चूलवत्थू पण्णत्ता । ७३२. दसविधा पडिसेवणा पण्णत्ता, तंजहा - "दप्प प्पमादऽणाभोगे, आउरे आवतीसु त । संकिते सहसक्कारे, भय प्पयोसा य वीमंसा" ॥१५४|| दस आलोयणादोसा पण्णत्ता, तंजहा - "आकंपइत्ता अणुमाणइत्ता, जंदि8 बायरं व सुहुमं वा । छन्नं सद्दाउलगं, बहुजण अव्वत्त तस्सेवी ॥१५५।। दसहिं ठाणेहिं संपन्ने अणगारे अरिहति अत्तदोसमालोएत्तते, तंजहा -"जातिसंपन्ने, कुलसंपन्ने, एवं जधा अट्ठट्ठाणे जाव खंते, दंते, अमाती, अपच्छाणुतावी । दसहिं ठाणेहिं संपन्ने अणगारे अरिहति आलोयणं पडिच्छित्तत्ते, तंजहा आयारवं, आहारवं जाव अवातदंसी, पितधम्मे, दढधम्मे"।७३३. दसविधे पायच्छित्ते पन्नत्ते, तंजहा आलोयणारिहे जाव अणवढप्पारिहे, पारंचितारिहे। ७३४. दसविधे मिच्छत्ते पण्णत्ते, तंजहा अधम्मे धम्मसण्णा, धम्मे अधम्मसण्णा, उम्मग्गे मग्गसण्णा, मग्गे उम्मग्गसण्णा, अजीवेसु जीवसणा, जीवेसु अजीवसण्णा, असाधूसु साधुसण्णा, साधूसु असाधुसण्णा, अमुत्तेसु मुत्तसण्णा, मुत्तेसु अमुत्तसण्णा । ७३५. चंदप्पभेणं अरहा दस पुव्वसतसहस्साइं सव्वाउयं पालइत्ता सिद्धे जाव प्पहीणे । धम्मे णमरहा दस वाससयसहस्साइं सव्वाउयं पालइत्ता सिद्धे जाव प्पहीणे | णमी णमरहा दस वाससहस्साइं सव्वाउयं पालइत्ता सिद्धे जाव प्पहीणे । पुरिससीहे णं वासुदेवे दस वाससयसहस्साइं सव्वाउयं पालइत्ता छट्ठाते तमाए पुढवीए नेरतितत्ताते उववन्ने । णेमीणं अरहा दस धणूई उहुंउच्चत्तेणं दस य वाससताइं सव्वाउयं पालइत्ता सिद्धे जाव प्पहीणे । कण्हे णं वासुदेवे दस धणूई उहुंउच्चत्तेणं दस
यवाससयाइं सव्वाउयं पालइत्ता तच्चाते वालुयप्पभाते पुढवीते नेरतितत्ताते उववन्ने । ७३६. दसविधा भवणवासी देवा पण्णत्ता, तंजहा असुरकुमारा जाव थणितकुमारा है । एतेसिणं दसविधाणं भवणवासीणं देवाणं दस चेतितरुक्खा पन्नत्ता, तंजहा - "अस्सत्थ सत्तिवन्ने, सामलि उंबर सिरीस दहिवन्ने । वंजुल पलास वप्पो(वग्यो ?)
तते त कणिताररुक्खे त" ||१५६।। ७३७. दसविधे सोक्खे पन्नत्ते, तंजहा - "आरोग्ग दीहमाउं, अड्डेज काम भोग संतोसो। अस्थि सुहभोग निक्खम्ममेव तत्तो अणाबाधे" ||१५७।१ ७३८. दसविधे उवघाते पन्नत्ते, तंजहा - उग्गमोवधाते, उप्पायणोवधाते जधा पंचट्ठाणे जाव परिहरणोवघाते, णाणोवधाते, दंसणोवघाते, चरितोवघाते, अचियत्तोवधाते, सारक्खणोवघाते । दसविधा विसोधी पण्णत्ता, तंजहा उग्गमविसोही, उप्पायणविसोही जाव सारक्खणविसोही। ७३९. दसविधे संकिलेसे पन्नत्ते, तंजहा उवहिसंकिलेसे उवस्सय संकिलेसे, कसायसंकिलेसे, भत्तपाणसंकिलेसे, मणसंकिलेसे, वतिसंकिलेसे, कायसंकिलेसे, णाणसंकिलेसे, दसणसंकिलेसे, चरित्तसंकिलेसे। दसविधे असंकिलेसे पन्नत्ते, तंजहा उवहिअसंकिलेसे जाव चरित्तअसंकिलेसे। ७४०. दसविधे बले पन्नत्ते, तंजहा - “सोतिदितबले जाव फासिदितबले, णाणबले, दंसणबले, चरितबले, तवबले, वीरितबले'।७४१. दसविधे सच्चे पण्णत्ते, तंजहा - "जणवय सम्मुति ठवणा, नामे रूवे पडुच्चसच्चे
य। ववहार भाव जोगे, दसमे ओवम्मसच्चे य ॥१५८|| दसविधे मोसे पन्नत्ते, तंजहा - "कोधे माणे माया, लोभे पेज्जे तहेव दोसे य । हास भते अक्खातित, उवघाते * निस्सिते दसमे" ||१५९।। दसविधे सच्चामोसे पन्नत्ते, तंजहा - "उप्पन्नमीसते, विगतमीसते, उप्पन्नविगतमीसते, जीवमीसए, अजीवमीसए, जीवाजीवमीसए,
अणंतमीसए, परित्तमीसए, अद्धामीसते, अद्धद्धामीसते" । ७४२. दिट्ठिवातस्स णं दस नामधेज्जा पन्नत्ता, तंजहा दिट्ठिवाते ति वा हेउवाते ति वा, भूतवाते ति वा, तच्चावाते ति वा, सम्मावाते ति वा, धम्मावाते ति वा, भासाविजते ति वा पुव्वगते ति वा, अणुजोगगते ति वा, सव्वपाण-भूत-जीव-सत्तसुहावहे ति वा । ७४३. दसविधे सत्थे पण्णत्ते, तजहा - सत्थमग्गी विसं लोणं, सिणेहो खारमंबिलं । दुप्पउत्तो मणो वाया, कायो भावो त अविरती ॥१६०।। ७४४. दसविधे दोसे पन्नत्ते, तंजहा - "तज्जातदोसे मतिभंगदोसे, पसत्थारदोसे परिहरणदोसे । सलक्खण-कारण-हेउदोसे, संकामणं निग्गह वत्थुदोसे" ॥१६१|| दसविधे विसेसे पन्नत्ते,
乐乐乐乐国明乐乐乐明明明明明乐乐明明
虽听听听听听听听听听听听听听听听听听听听听听听明明明明明明明明明明明明明明明明明明明明明明明明明明心C區
NOTELE5515545455555555555555555 श्री आगमगुणमंजूषा- १७३5555555555555555555555554OTOS