Agam 03 Ang 03 Sthanang Sutra Shwetambar Agam Guna Manjusha

SR No.: 003253
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 89
Language: Prakrit
Classification: Book_Devnagari, Agam, Canon, & agam_sthanang
File Size: 8 MB

Page 87

乐乐乐乐的乐乐乐乐乐乐玩乐乐乐乐听听听听听听听听听听听听乐
RO555555555555555
(३) ठाणं १०.अ. दसटाणं [1] ९, ओहसण्णा १० । नेरतिताणं दस सण्णातो एवं चेव, एवं निरंतरं जाव वेमाणियाणं"।७५३. नेरझ्या णं दसविधं वेयणं पच्चणुभवमाणा विहरंति, तंजहा सीतं, की उसिणं, खुधं, पिवासं, कंडं, परज्झं, भयं, सोगं, जरं, वाहिं । ७५४. दस ठाणाई छउमत्थे णं सव्वभावेणं न जाणति ण पासति, तंजहा धम्मत्थिगातं जाव वातं, अयंई जिणे भविस्सति वा ण वा भविस्सति, अयं सव्वदुक्खाणमंतं करेस्सति वा ण वा करेस्सति । एताणि चेव उप्पन्ननाणदंसणधरे अरहा जाव अयं सव्वदुक्खाणमंतं करेस्सति वाण वा करेस्सति। ७५५. दस दसाओ पन्नत्ताओ, तंजहा कम्मविवागदसाओ, उवासगदसाओ, अंतगडदसाओ, अणुत्तरोववातियदसाओ, आयारदसाओ, पण्हावागरणदसाओ, बंधदसाओ, दोगिद्धिदसाओ, दीहदसाओ, संखेवितदसाओ। कम्मविवागदसाणं दस अज्झयणा पन्नत्ता, तंजहा मियापुत्ते त गोत्तासे, अंडे सगडे ति यावरे । माहणे णंदिसेणे त, सोरिय त्ति उदुंबरे । सहस्सुद्दाहे आमलते, कुमारे लच्छती [ति] त ॥१६८|| उवासगदसाणं दस अज्झयणा पन्नत्ता, तंजहा - “आणंदे कामदेवे त, गाहावति चुलणीपिता। सुरादेवे चुल्लसतते, गाहावति कुंडकोलिते। सद्दालपुत्ते महासतते, णंदिणीपिता लेतितापिता" ||१६९|| अंतकडदसाणं दस अज्झयणा पन्नत्ता, तंजहा -" णमि मातंगे सोमिले, रामगुत्ते सुंदसणे चेव । जमाली त भगाली त, किंकसेविल्लते ति त || फाले अंबठ्ठपुत्ते त, एमेते दस आहिता" ||१७०|| अणुत्तरोववातितदसाणं दस अज्झयणा पन्नत्ता, तंजहा इसिदासे य धण्णे त, सुणक्खत्ते कत्तिते ति त । संठाणे सालिभद्दे त, आणंदे तेतली ति त ॥ दसन्नभद्दे अतिमुत्ते, एमेते दस आहिया ॥१७१|| आयारदसाणं दस अज्झयणा पन्नत्ता, तंजहा वीसं असमाधिट्ठाणा, एगवीसं सबला, तेत्तीसं आसायणातो, अट्ठविधा गणिसंपता, दस चित्तसमाधिट्ठाणा, एगारस उवासगपडिमातो, बारस भिक्खुपडिमातो, पज्जोसवणाकप्पो, तीसं मोहणिज्जट्ठाणा, आजाइट्ठाणं । पण्हावागरणदसाणं दस अज्झयणा पन्नत्ता, तंजहा उवमा, संखा, इसिभासियाई, आयरियभासिताई, महावीरभासिताई, खोमपसिणाइं, कोमलपसिणाइं, अद्दागपसिणाई, अंगुठ्ठपसिणाई, बाहुपसिणाई। बंधदसाणं दस अज्झयणा पन्नत्ता, तंजहा बंधे य, मोक्खे य, देविड्डि, दसारमंडले ति त, आयारियविप्पडिवती, उवज्झातविप्पडिवत्ती, भावणा, विमुत्ती, सातो, कम्मे । दोगेहिदसाणं दस अज्झयणा पन्नत्ता, तंजहा वाते, विवाते, उववाते, सुखते, कसिणे, बायालीसं सुमिणा, तीसं महासुमिणा, बावतरिं सव्वसुमिणा, हारे रामगुत्ते त, एमेते दस आहिता । दीहदसाणं दस अज्झयणा पन्नत्ता, तंजहा चंदे, सूरे त, सुक्के त, सिरिदेवी, पभावती, दीवसमुद्दोववत्ती, बहुपुत्ती मंदरे ति त, थेरे संभूतविजते, थेरे पम्ह, ऊसासनीसासे | संखेवितदसाणं दस अज्झयणा पन्नत्ता, तंजहा खुड्डिया विमाणपविभत्ती, महल्लिया विमाणपविभत्ती, अंगचूलिया, वग्गचूलिया, वियाहचूलिया, अरुणोववाते, वरुणोववाए, गरुलोववाते, वेलंधरोववाते, वेसमणोववाते । ७५६. दस सागरोवमकोडाकोडीओ कालो ओसप्पिणीए। दस सागरोवमकोडाकोडीओ कालो उस्सप्पिणीए।७५७. दसविधा नेरइया पन्नत्ता, तंजहा अणंतरोववन्ना, परंपरोववन्ना, अणंतरोगाढा, परंपरोगाढा, अणंतराहारगा, परंपराहारगा, अणंतरपज्जत्ता, परंपरपज्जत्ता, चरिमा, अचरिमा । एवं निरंतरं जाव वेमाणिया। चउत्थीते णं पंकप्पभाते पुढवीते दस निरतावाससतसहस्सा पन्नत्ता १ । रयणप्पभाते पुढवीते जहन्नेणं णेरतिताणं दस वाससहस्साई ठिती पन्नत्ता २ । चउत्थीते णं पंकप्पभाते पुढवीते उक्कोसेणं णेरतिताणं दस सागरोवमाई ठिती पण्णत्ता ३ । पंचमाते णं धूमप्पभाते पुढवीते जहन्नेणं नेरइयाणं दस सागरोवमाइं ठिती पण्णत्ता ४ । असुरकुमाराणं जहन्नेणं दस वाससहस्साई ठिती पण्णत्ता, एवं जाव थणियकुमाराणं १४ । बादरवणस्सतिकातिताणं उक्कोसेणं दस वाससहस्साइं ठिती पन्नत्ता १५ । वाणमंतराणं देवाणं जहन्नेणं दस वाससहस्साई ठिती पन्नत्ता १६ । बंभलोगे कप्पे उक्कोसेणं देवाणं दस सागरोवमाइं ठिती पन्नत्ता १७ । लंतते कप्पे देवाणं जहन्नेणं दस
सागरोवमाइं ठिती पन्नत्ता १८।७५८. दसहि ठाणेहिंजीवा आगमेसिभद्दगत्ताए कम्मंपकरेंति, तंजहा अणिदाणताते, दिट्ठिसंपन्नत्ताते, जोगवाहियत्ताते, खंतिखमणताते, का जितिदियताते, अमाइल्लताते, अपासत्थयाए, सुसामण्णताते, पवयणवच्छल्लयाते, पवयणउब्भावणताए । ७५९. दसविहे आसासप्पओगे पन्नत्ते, फु तंजहा इहलोगासंसप्पओगे, परलोगासंसप्पओगे, दुहतो लोगासंसप्पओगे, जीवितासंसप्पओगे, मरणासंसप्पओगे, कामासंसप्पओगे, भोगासंसप्पओगे,
555555555555555555555 श्री आगमगणमंजषा - १७५५55555555555555555OLORI
听听听听听听听听听听听听听听听听听听听听听听听听听听听听听听听听听听听听听听听听听听听听听听听听听网
乐乐乐乐乐乐
555555555IO
Education International