Page Text
________________
(१) आयारो बी. सु. ५ अ. वत्थेसणा उद्देसक १-२ [३९]
आलोएज्जा आउसो ! ति वा, भइणी ! ति वा, मा एतं तुमं वत्थं सिणाणेण वा जाव पघंसाहि वा, अभिकंखसि मे दातुं एमेव दलयाहि । से सेवं वदंतस्स परो सिणाणेण वा जाव घंसित्ता वा ? दलएज्जा । तहप्पगारं वत्थं अफासुयं जाव णो पडिगाहेज्जा । ५६५. से णं परो णेत्ता वदेज्जा आउसो! ति वा, भइणी ! ति वा, आहर एवं वत्थं सीओ विडे वा उसिणोदगवियडेण वा उच्छोलेता वा पधोवेता वा समणस्स णं दासामो। एयप्पगारं निग्घोसं, तहेव, नवरं मा एयं तुमं वत्थं सीओदगवियडेंण वा उसिणोदगवियडेण वा उच्छोलेहि वा पधोवेहि वा । अभिकंखसि मे दातु सेसं तहेव जाव णो पडिगाहेज्जा । ५६६. से णं परो णेत्ता वदेज्जा आउसो ! ति, वा भइणी ! ति वा, आहरेतं वत्थं कंदाणि वा जाव हरियाणि वा विसोधेत्ता समणस्स णं दासामो। एतप्पगारं णिग्घोसं सोच्चा निसम्मा जाव भइणी ! ति वा, मा एताणि तुमं कंदाणि वा जाव विसोहेहि, णो खलु में कप्पति एयप्पगारे वत्थे पडिगाहित्तए । ५६७. से सेवं वदंतस्स परो कंदाणि वा जाव विसोहेत्ता दलएज्जा । तहप्पगारं वत्थं अफासुयं जाव णो पडिगाहेज्जा । ५६८. सिया से परो णेत्ता वत्थं निसिरेज्जा, से पुव्वामेव आलोएज्जा आउसो! ति वा, भइणी! ति वा, तुमं चेव णं संतियं वत्थं अंतोअंतेण पडिलेहिस्सामि । केवली बूया आयाणमेयं । वत्थंते ओबद्धं सिया कुंडले वा गुणे वा हिरण्णे वा सुवण्णे वा मणी वा जाव रतणावली वा पाणे वा बीए वा हरिते वा । अह भिक्खूणं पुव्वोवदिट्ठा ४ जं पुव्वामेव वत्थं अंतोअंतेण पहिलेहेज्जा । ५६९. से भिक्खू वा २ से ज्जं पुण वत्थं जाणेज्जा सअंडं जाव संताणं तहप्पगारं वत्थं अफासुयं जाव णो पडिगाना । ५७०. से भिक्खू वा २ से ज्जं पुण वत्थं जाणेज्जा अप्पंड जाव संताणगं अणलं अथिरं अधुवं अधारणिज्जं रोइज्जंतं ण रुच्चति, तहप्पगारं वत्थं फासु जाव णो पडिगाहेज्जा । ५७१. से भिक्खू वा २ से ज्जं पुण वत्थं जाणेज्ना अप्पंडं जाव संताणयं अलं थिरं धुवं धारणिज्जं रोइज्जतं रुच्चति, तहप्पगारं वत्थं फासु जाव पडिगाज्जा । ५७२. से भिक्खू वा २ ' णो णवए मे वत्थे' त्ति कट्टु णो बहुदेसिएण सिणाणेण वा जाव पघंसे वा । ५७३. से भिक्खू वा २ 'णो णवए में वत्थे' त्ति कट्टु णो बहुदेसिएण सीओदगवियडेण वा उसिणोदगवियडेण वा जाव पधोएज्ज वा । ५७४. से भिक्खू वा २ ' दुब्भिगंधे मे वत्थे ' त्ति कट्टु जो बहुदेसिएण सिणा वा तव सीतोदगवियडेण वा उसिणोदगवियडेण वा आलावओ । ५७५. से भिक्खू वा २ अभिकंखेज्ना वत्थं आतावेत्तए वा पयावेत्तए वा, तिहप्पगारं वत्थं णो अणंतरहिताए पुढवीए णो ससणिद्धाए जाव संताणए आतावेज्ज वा पयावेज्ज वा । ५७६. से भिक्खू वा २ अभिकखेज्जा वत्थं आतावेत्तए वा पयवित्तए वा, तहप्पगारं वत्थं थूणंसि वा गिलुगंसि वा उसुयालंसि वा कामजलंसि वा अण्णयरे वा तहप्पगारे अंतलिक्खजाते दुब्बद्धे दुण्णिक्खित्ते अणिकंपे चलाचले णो आतावेज्ज वा पयावेज्ज वा । ५७७. से भिक्खू वा २ अभिकंखेज्जा वत्थं आतावेत्तए वा पयावेत्तए वा, तहप्पगारं वत्थं कुलियंसि वा भित्तिसि वा सिलंसि वा लेलुंसि वा अण्णतरे वा तहप्पगारे अंतलिक्खजाते जाव णो आतावेज्ज वा पयावेज्ज वा । ५७८. से भिक्खू वा २ अभिकंखेज्ज वत्थं आतावेत्तए वा पयावेत्तए वा, तहप्पगारं वत्थं खंधंसि वा मंचंसि वा मालंसि वा पासायंसि वा हम्मियतलंसि वा अण्णतरे वा तहप्पगारे अंतलिक्खजाते जाव णो आतावेज्ज वा पयावेज्ज वा । ५७९. से तमादाए एगतमवक्कमेज्जा, २ त्ता अहे झामथंडिल्लंसि वा जाव अण्णतरंसि वा तहप्पगारंसि थंडिल्लंसि पडिलेहिय २ पमज्जिय २ ततो संजयामेव वत्थं आतावेज वा पयावेज्ज वा । ५८०. एतं खलु तस्स भिक्खुस्स वा २ सामग्गियं जं सव्वट्ठेहिं सहितेहिं सदा जज्जासि त्ति बेमि।★★★ ॥ वत्थेसणाए पढमो उद्देसओ समत्तो ॥ ★★★ बीओ उद्देसओ ५८१. से भिक्खू वा २ अहेसणिज्जाइं वत्थाई जाएज्जा, अहापरिग्गहियाइं वत्थाइं धारेज्जा, णो धोएज्जा, णो रएज्जा, णो धोतरत्ताइं वत्थाई धारेज्जा, अपलिउंचमाणे गामंतरेसु, ओमचेलिए । एतं खलु वत्थधारिस्स सामग्गियं । ५८२. से भिक्खू वा २ गाहावतिकुलं पिंडवायपडियाएं पविसिउकामे सव्वं चीवरमायाए गाहावतिकुलं पिंडवातपडियाए निक्खमेज्ज वा पविसेज्ज वा, एवं बहिया वियारभूमिं वा विहारभूमिं वा गामाणुगामं वा दुइज्जेज्जा । अह पुणेवं जाणेज्जा तिव्वदेसियं वा वासं वासमाणं पेहाए, जहा पिंडेसणाए, णवरं सव्वं चीवरमायाए । ५८३. से एगतिओ मुहुत्तगं २ पाडिहारियं वत्थं जाएजा जाएगाहेण वा दु वा तियाहेण वा चउयाहेण वा पंचाहेण वा विप्पवसिय २ उवागच्छेज्जा, तहप्पगारं वत्थं णो अप्पणा गेण्हेज्जा, नो अन्नमन्नस्स देज्जा, नो पामिच्वं कुज्जा, णो वत्थेण वत्थं (त्थ ?) परिणामं करेज्जा, णो परं उवसंकमित्ता एवं वदेज्जा आउसंतो समणा ! अभिकंखसि वत्थं धारित्तए वा परिहरित्तए वा ? थिरं वा णं संतं णो पलिछिंदिय
XOXO
Education Interna nal 2010 03
A LEUCL5 श्री आगमगणमंजषा ३९
550
9
| SR No. | 003251 |
| Book Title | Agam 01 Ang 01 Acharanga Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 70 |
| Language | Prakrit |
| Classification | Book_Devnagari, Agam, Canon, F000, F001, & agam_acharang |
| File Size | 10 MB |