Agam 01 Ang 01 Acharanga Sutra Shwetambar Agam Guna Manjusha

SR No.: 003251
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 70
Language: Prakrit
Classification: Book_Devnagari, Agam, Canon, F000, F001, & agam_acharang
File Size: 10 MB

Page 54

AGRO595
(१) आयारो - बी, सु. ४ अ. भासज्जाया उद्देसक २/५ अ. वत्थेसणा उद्देसक-१ [३८]
5455$$$$EXOR
HOLIC虽明明明明明明明明明明明明明明明明明明明明明明明明明明明明明明明明明明明明明明明明明明明明明明明明
वा भिक्खुणीए वा सामग्गिय जसव्वछेहिं सहितेहिं सदा जएज्जासित्ति बेमि भासज्जाया चतुर्थमध्ययनं समाप्तम् ॥ ५पंचमं अज्झयणं 'वत्थेसणा' पढमो उद्देसओ X ५५३. से भिक्खू वा २ अभिकंज्जा वत्थं एसित्तए। से ज्जं पुण वत्थं जाणेज्जा, तंजहा जंगियं वा भंगियं वा साणयं वा पोत्तगं वा खोमियं वा तूलकडं वा, तहप्पगारं वत्थं जे णिग्गंथे तरुणे जुगवं बलवं अप्पायंके थिरसंघयणे से एगं वत्थं धारेज्जा, णो बितियं । जा णिग्गंथी सा चत्तारि संघाडीओ धारेज्जा एगं दुहत्थवित्थारं, दो तिहत्थवित्थाराओ, एणं चउहत्थवित्थारं। तहप्पगारेहिं वत्थेहिं असंविजमाणेहिं अह पच्छा एगमेगं संसीवेजा। ५५४. से भिक्खू वा २ परं अद्धजोयणमेराए वत्थपडियाए नो अभिसंधारेज्जा गमणाए। ५५५. से भिक्खू वा २ से ज्जं पुण वत्थं जाणेज्जा अस्सिंपडियाए एणं साहम्मियं समुद्दिस्स पाणाई जहा पिंडेसणाए भाणियव्वं, एवं बहवे साहम्मिया, एगं साहम्मिणिं, बहवे साहम्मिणीओ, बहवे समण-माहण तहेव पुरिसंतरकडं जधा पिडेसणाए । ५५६. से भिक्खू वा २ से ज्जं पुण वत्थं जाणेज्जा अस्संजते भिक्खुपडियाए कीतं वा धोयं वा रत्तं वा घटुं वा मटुं वा समटुं वा संपधूवितं वा, तहप्पगारं वत्थं अपुरिसंतरकडं जाव णो पडिगाहेज्जा । अह पुणेवं जाणेज्जा पुरिसंतरकडं जाव पडिगाहेज्जा। ५५७. से भिक्खू वा २ से ज्जाइं पुण वत्थाई जाणेज्जा विरूवरूवाइं महद्धणमोल्लाई, तंजहा आईणगाणि वा सहिणाणि वा सहिणकल्लाणाणि वा आयाणि वा कायाणि वा खोमियाणि वा दुगुल्लाणि वा पट्टाणि वा मलयाणि वा पतुण्णाणि वा अंसुयाणि वा चीणंसुयाणि वा देसरागाणि वा अमिलाणि वा गज्जलाणि वा फालियाणि वा कोयवाणि वा कंबलगाणि वा पावाराणि वा, अण्णतराणि वा तहप्पगाराइं वत्थाई महद्धणमोल्लाई लाभे संते णो पडिगाहेज्जा। ५५८. से भिक्खू वा २ से जं पुण आईणपाउरणाणि वत्थाणि जाणेज्जा, तंजहा उद्दाणि वा पेसाणि वा पेसलेसाणि वा किण्हमिगाईणगाणि वा णीलमिगाईणगाणि वा गोरमिगाईणगाणि वा कणगाणि वा कणगकंताणि वा कणगपट्टाणि वा कणगखइयाणि वा कणगफुसियाणि वा वग्घाणि वा विवग्याणि वा आभरणाणि वा आभरणविचित्ताणि वा अण्णतराणि वा तहप्पगाराइं आईणपाउरणाणि वत्थाणि लाभे संते णो पडिगाहेज्ना। ५५९. इच्चेयाई आययणाई उवातिकम्म अह भिक्खू जाणेज्जा चउहिं पडिमाहिं वत्थं एसित्तए। १ तत्थ खलु इमा पढमा पडिमा से भिक्खू वा २ उद्दिसिय २ वत्थं जाएज्जा, तंजहा जंगियं वा भंगियं वा साणयं वा पोत्तगं वा खोमियं वा तूलकडं वा, तहप्पगारं वत्थं सयं वा णं जाएज्जा परो वा से देज्जा, फासुयं एसणिज्ज लाभे संते जाव पडिगाहेज्जा। २ अहावरा दोच्चा पडिमा से भिक्खू वा २ पेहाए २ वत्थं जाएज्जा, तंजहा गाहावती वा जाव कम्मकरी वा, से पुव्वामेव आलोएज्जा आउसो ति वा भइणी ति वा दाहिसि मे एत्तो अण्णतरं वत्थं ? तहप्पगारं वत्थं सयं वा णं जाएज्जा परो वा से देज्जा, फासूयं एसणिज्जं लाभे संते जाव पडिगाहेज्जा । दोच्चा पडिमा। ३ अहावरा तच्चा पडिमा से भिक्खू वा २ सेज्जं पुण वत्थं जाणेज्जा, तंजहा अंतरिज्जगं वा उतरिज्जगंवा, तहप्पगारं वत्थं सयं वाणं जाएज्जा जाव पडिगाहेज्जा। तच्चा पडिमा । ४ अहावरा चउत्था पडिमा-से भिक्खू वा २ उज्झियधम्मियं वत्थं जाएज्जा जं चऽण्णे बहवे समण-माहण-अतिहि-किवण-वणीमगा णावकंखंति, तहप्पगारं उज्झियधम्मियं वत्थं सयं वा णं जाएज्जा परो वा से देजा, फासुयं जाव पडिगाहेजा। चउत्था पडिमा। ५६०. इच्वेताणं चउण्हं पडिमाणं जहा पिडसणाए। ५६१. सिया णं एताए एसणाए एसमाणं परो वदेज्जा आउसंतो समणा !एज्जाहि तुमं मासेण वा दसरातेण वा पंचरातेण वा सुते वा सुततरे वा, तो ते वयं आउसो! अण्णतरं वत्थं दासामो । एतप्पगारं णिग्घोसं सोच्चा निसम्मा से पुलवामेव आलोएज्जा आउसो ! ति वा, भगिणी ! ति वा, णो खलु मे कप्पति एतप्पगारे संगारे पडिसुणेत्तए, अभिकंखसि मे दाउं इदाणिमेव दलयाहि । ५६२. से णेवं वदंतं परो वदेज्जा आउसंतो समणा ! अणुगच्छाहि, तो ते वयं अण्णतरं वत्थं दासामो। से पुव्वामेव आलोएज्जा आउसो ! ति वा, भइणी ! ति वा, णो खलु मे कप्पति एयप्पगारे संगारवयणे पडिसुणेत्तए, अभिकंखसि मे दाउंइयाणिमेव दलयाहि । ५६३. से सेवं वदंतं परो णेत्ता वदेज्जा आउसो ! ति वा, भगिणी ! ति वा, आहरेतं वत्थं समणस्स दासामो, अवियाइं वयं पच्छा वि अप्पणो सयट्ठाए पाणाई भूताइं जीवाइं सत्ताई समारंभ समुद्दिस्स जाव चेतेस्सामो। एतप्पगारं निग्योसं सोच्चा निसम्मा तहप्पगारं वत्थं अफासुयं जाव णो पडिगाहेज्जा। ५६४. सिया णं परोणेत्ता वदेज्जा आउसो!
ति वा, भइणी ! ति वा, आहर एयं वत्थं सिणाणेण वा जाव आघंसित्ता वा पघंसित्ता वा समणस्स णं दासामो। एतप्पगारं निग्धोसं सोच्चा निसम्मा से पुव्वामेव EvercosFFFFFFFFFFFFFFFFFFFFF55 श्री आगमगुणमजूषा - ३८55555555FFFFFFFFF#FOOK
SNOF听听听听听听听听听听听听听听听听听听乐听听听听听乐乐乐听听听听听听听听听听听听听听听听$$$$23