Page Text
________________
95
(१) आयारो बी. सु. ४ अ. भासज्जाया उद्देसक २ [३७]
जसंसी ति वा, अभिरूवं अभिरूवे ति वा, पडिरूवं पडिरूवे ति वा, पासादियं पासादिए ति वा, दरिसणिज्जं दरिसणीए ति वा । जे यावऽण्णे तहप्पगारा एयप्पगाराहिं भासाहिं बुइया २ णो कुप्पंति माणवा ते यावि तहप्पगारा एतप्पगाराहिं भासाहिं अभिकख भासेज्जा । ५३५. से भिक्खू वा २ जहा वेगतियाइं रूवाइं पासेज्जा, तंजा वप्पाणि वा जाव गिहाणि वा तहा वि ताइं णो एवं वदेज्जा, तं जहा सुकडे ति वा, सुट्ट कडे ति वा, साहुकडे इ वा, कल्लाणं ति वा, करणिज्जे इ वा । एयप्यगारं भासं सावज्जं जाव णो भासेज्जा । ५३६. से भिक्खू वा २ जहा वेगइयाइं रूवाइं पासेज्जा, तं जहा वप्पाणि वा जाव गिहाणि वा तहा वि ताई एवं बदेज्जा, तंजहा आरंभकडे ति वा, सावज्जकडे ति वा, पयत्तकडे ति वा, पासादियं पासादिए ति वा, दरिसणीयं दरिसणीए ति वा, अभिरूवं अभिरूवे ति वा, पडिरूवं पडिरूवे ति वा । एतप्पगारं भासं असावज्जं जाव भासेज्जा । ५३७. से भिक्खू वा २ असणं वा ४ उवक्खडियं पेहाए तहा वि तं णो एवं वदेज्जा, तंजहा सुकडे ति वा, सुठुकडे ति वा, साहुकडे ति वा, कल्ला तिवा, करणिज्जे ति वा । एतप्पगारं भासं सावज्जं जाव णो भासेज्जा । ५३८. से भिक्खू वा २ असणं वा ४ उवक्खडियं पेहाए एवं वदेज्जा, तंजहा आरंभकडे ति वा, सावज्जकडे ति वा, पयत्तकडे ति वा, भद्दयं भद्दए ति वा, ऊसडं ऊसडे ति वा, रसियं रसिए ति वा, मणुण्णं मणुण्णे ति वा, एतप्पगारं भासं असावज्जै जाव भासेज्जा । ५३९. से भिक्खू वा २ मणुस्सं वा गोणं वा महिसं वा मिगं वा पसुं वा पक्खिं वा सरीसिवं वा जलयरं वा सत्तं परिवूढकायं पेहाए णो एवं वदेज्जा थुल्ले ति वा, पमेतिले ति वा, वट्टे ति वा, वज्झे ति वा, पादिमे ति वा । एतप्पगारं भासं सावज्जं जाव णो भासेज्जा । ५४०. से भिक्खू वा २ मणुस्सं वा जाव जलयरं वा सत्तं परिवूढकायं पेहाए एवं वदेज्जा परिवूढकाए ति वा, उवचितकाए ति वा, थिरसंघयणे ति वा, चितमंस-सोणिते ति वा, बहुपडिपुण्णइंदिए ति वा । एयप्पगारं भासं असावज्जं जाव भासेज्जा । ५४१. से भिक्खू वा २ विरूवरूवाओ गाओ पेहाए णो एवं वदेज्जा, तंजहा गाओ दोज्झा ति वा, दम्मा ति वा गोरहगा, वाहिमा ति वा, रहजोग्गाति वा । एतप्पगारं भासं सावज्जं जाव णो भासेज्जा । ५४२. से भिक्खू वा २ विरूवरूवाओ गाओ पेहाए एवं वदेज्जा, तंजहा जुवंगवे ति वा, धेणू ति वा, रसवतीति वा, महव्वए ति वा, संवहणे ति वा । एयप्पगारं भासं असावज्जं जाव अभिकख भासेज्जा । ५४३. से भिक्खू वा २ तहेव गंतुमुज्जाणाइं पव्वयाइं वणाणि वा रुक्खा महल्ला पेहाए णो एवं वदेज्जा, तंजहा पासायजोग्गा ति वा, तोरणजोग्गा ति वा, गिहजोग्गा ति वा, फलिहजोग्गा तिवा, अग्गलजोग्गा ति वा, णावाजोग्गा ति वा, उदगदोणिजोग्गा ति वा, पीढ-चंगबेर-जंगल-कुलिय-जंतलट्ठी- णाभि-गंडी - आसणजोग्गा ति वा, सयण जाण उवस्सयजोग्गा ति वा । एतप्पगारं भासं सावज्जं जाव णो भासेज्जा । ५४४. से भिक्खू वा २ तहेव गंतुमुज्जाणारं पव्वताणि वणाणि य रुक्खा महल्ल पेहाए एवं वदेज्जा, तंजहा जातिमंता ति वा, दीहट्टा वा, महालया ति वा, पयातसाला ति वा, विडिमसाला ति वा, पासादिया ति वा ४ । एतप्पगारं भासं असावज्जं जाव अभिकख भासेज्जा । ५४५. से भिक्खू वा २ बहुसंभूता वणफला पेहाए तहा वि ते णो एवं वदेज्जा, तंजहा पक्काई वा, पायखज्जाई वा, वेलोतियाइं वा, टालाई वा, वेहियाई वा । एतप्पगारं भासं सावज्जं जाव णो भासेज्जा । ५४६. से भिक्खू वा २ बहुसंभूया बणफला पेहाए एवं वदेज्जा, तंजहा असंथडा ति वा, बहुणिव्वट्टिमफला ति वा, बहुसंभूया ति वा, भूतरूवा ति वा । एतप्पगारं भासं असावज्जं जाव भासेज्जा । ५४७. से भिक्खू वा २ बहुसंभूतातो ओसधीतो पेहाए तहा वि ताओ णो एवं वदेज्जा, तंजहा पक्का ति वा, पीलिया ति वा, छवीया तिवा, लाइमा तिवा, भज्जिमाति वा, बहुखज्जा ति वा । एतप्पगारं भासं सावज्जं जाव णो भासेज्जा । ५४८. से भिक्खू वा २ बहुसंभूताओ ओसहीओ पेहाए तहा वि एवं वदेज्जा, तंजहा रूढा ति वा, बहुसंभूया ति वा, थिरा ति वा, ऊसढा ति वा, गब्भिया ति वा, पसूया ति वा, ससारा ति वा । एतप्पगारं भासं असावज्जं जाव भासेज्जा । ५४९. से भिक्खू वा २ जहा वेगतियाइं सद्दाइं सुणेज्जा तहा वि ताइं णो एवं वदेज्जा, तंजहा सुसद्दे ति वा, दुसद्दे ति वा । एतप्पगारं भासं सावज्जं जाव
भासेज्ना । ५५०. से भिक्खू वा २ जहा वेगतियाई सद्दाई सुणेज्जा तहा वि ताई एवं वदेज्जा, तंजहा सुसद्दं सुसद्दे ति वा, दुसद्द दुसद्दे ति वा । एतप्पगारं भासं सावज्जं जाव भासेज्जा । एवं रुवाई किण्हे ति वा ५, गंधाई सुब्भिगंधे ति वा २, रसाई तित्ताणि वा ५, फासाई कक्खडाणि वा ८ । ५५१. से भिक्खू वा २ वंता कोहं च माणं च मायं च लोभं च अणुवीयि णिट्टाभासी निसम्मभासी अतुरियभासी विवेगभासी समियाए संजते भासं भासेज्जा । ५५२. एयं खलु तस्स भिक्खुस्स Dag 315 另有点长5
Roc Pivate & Personalise C
s
| SR No. | 003251 |
| Book Title | Agam 01 Ang 01 Acharanga Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 70 |
| Language | Prakrit |
| Classification | Book_Devnagari, Agam, Canon, F000, F001, & agam_acharang |
| File Size | 10 MB |