Page Text
________________
(१) आयारो बी. सु. ५ अ. वत्थेसणा उद्देसक १,२ / ६ अ. पाएसणा उद्देसक १ [४०]
ॐॐॐॐॐॐ
२ परिवेज्जा, तहप्पगारं वत्थं ससंधियं तस्स चेव निसिरेज्जा, नो णं सातिज्जेज्ना । से एगतिओ एयप्पगारं निग्घोसं सोच्चा निसम्मा 'जे भयंतारो तहप्पगाराणि वत्थाणि ससंधियाणि मुहुत्तगं २ जाव एगाहेण वा दुयाहेण वा तियाहेण वा चउयाहेण वा पंचाहेण वा विप्पवसिय २ उवागच्छंति, तहप्पगाराणि वत्याणिनो अप्पा गिण्हंति, नो अन्नमन्नस्स दलयंति, तं चेव जाव नो साइज्जति, बहुवयणेण भाणियव्वं, से हंता अहमवि मुहुत्तं पाडिहारियं वत्थं जाइत्ता जाव एगाहेण वा दुयाहेण वा तियाहेण वा चउयाहेण वा पंचाहेण वा विप्पवसिय २ उवागच्छिस्सामि, अवियाई एतं ममेव सिया, माइट्ठाणं संफासे, णो एवं करेज्जा । ५८४. से भिक्खू वा २ णो वणमंताइं वत्थाई विवण्णाई करेज्जा, विवण्णाई वण्णमंताई ण करेज्जा, अण्णं वा वत्थं लभिस्सामि त्ति कट्टु नो अण्णमण्णस्स देज्जा, नो पामिच्चं कुज्ना, नो वत्थे वत्थपरिणामं करेज्जा, नो परं उवसंकमित्तु एवं वदेज्जा आउसंतो समणा ! अभिकंखसि वत्थं धारित्तए वा परिहरित्तए वा ? थिरं वा णं संतं णो पलिछिदिय २ परिवेज्जा, जहा मेयं वत्थं पावगं परो मण्णइ, परं च णं अदत्तहारी पडिपहे पेहाए तस्स वत्थस्स णिदाणाय णो तेसिं भीओ उम्मगेणं गच्छेज्ना जाव अप्पुस्सुए जाव ततो संजयामेव गामाणुगामं दूइज्जेज्जा । ५८५. से भिक्खू वा २ गामाणुगामं दूइज्जमाणे अंतरा से विहं सिया, से ज्जं पुण विहं जाणेज्जा इमंसि खलु विहंसि बह आमोसगा वत्थपडियाए संपडिया SS गच्छेज्जा, णो तेसिं भीओ उम्मग्गेण गच्छेज्जा जाव गामाणुगामं दूइज्जेज्जा । ५८६. से भिक्खू वा २ गामाणुगामं दूइज्जमाणे अंतरा से आमोसगा संपडिया SS गच्छेज्ना, ते णं आमोसगा एवं वदेज्ना आउसंतो समणा ! आहरेतं वत्थं, देहि, णिक्खिवाहि, जहा रियाए, णाणत्तं वत्थपडियाए एतं खलु तस्स भिक्खुस्स वा २ सामग्गियं जं सव्वट्ठेहिं सहिएहिं सदा जज्जासि त्ति बेमि । ॥ वत्थेसणा समत्ता ॥ ॥ पंचममध्ययनं समाप्तं ६ छटुं अज्झयणं 'पाएसणा' पढमो उद्देसओ ५८८. से भिक्खू वा २ अभिकंखेज्ना पायं एसित्तए, से ज्जं पुण पायं जाणेज्जा, तंजहा लाउयपायं वा दारुपायं वा मट्टियापायं वा, तहप्पगारं पायं जे णिग्गंथे तरुणे जाव थिरसंघयणे से एगं पायं धारेज्जा, णो बितियं । ५८९. से भिक्खू वा २ परं अद्धजोयणमेराए पापडिया णो अभिसंधारेज्जा गमणाए ।। ५९०. से भिक्खू वा २ से ज्जं पुण पायं जाणेज्जा अस्सिंपडियाए एवं साहम्मियं समुद्दिस्स पाणाई जहा पिंडेसणाए चत्तारि आलावगा। पंचमो बहवे समण-माहण पगणिय २ तहेव । ५९१. से भिक्खू वा २ अस्संजए भिक्खुपडियाए बहवे समण माहण वत्थे सणाऽऽलावओ । ५९२. से भिक्खू वा २ से ज्जाइं पुण पाया जाणेज्जा विरूवरूवाइं महद्धण मोल्लाई, तंजहा अयपायाणि वा तउपायाणि वा तंबपायाणि वा सीसगपायाणि वा हिरण्णपायाणि वा सुवण्णपायाणि वा रीरियपायाणि वा हारपुडपायाणि वा मणि- काय - कंसपायाणि वा संख-सिंगपादाणि वा दंतपादाणि वा चेलपादाणि वा सेलपादाणि वा चम्पायाणि वा, अण्णयराणि वा तहप्पगाराहं विरूवरूवाइं महद्धणमोल्लाई पायाइं अफासुयाइं जाव नो पडिगाहेज्जा । ५९३. से भिक्खू वा २ से
पुण पाया जाना विरूवरूवाइं महद्भणबंधणाई, तंजहा अयबंधणाणि वा जाव चम्मबंधणाणि वा, अण्णयराइं वा तहप्पगाराई महद्धणबंधणाई अफासुयाई जाव णो पडिगाहेज्ना । ५९४. इच्चेताई आयतणाई उवातिकम्म अह भिक्खू जाणेज्जा चउहिं पडिमाहिं पायं एसित्तए । १ तत्थ खलु इमा पढमा पडिमा से भिक्खू वा २ उद्दिसिय २ पायं जाएज्जा, तंजहा लाउयपायं वा दारुपायं वा मट्टियापायं वा, तहप्पगारं पायं सयं वा णं जाएज्जा जाव पडिगाहेज्जा । पढमा पडिमा । २ अहावरा दोच्चा पडिमा से भिक्खू वा २ पेहाए पायं जाएज्जा, तंजहा गाहावई वा जाव कम्मकरी वा, से पुव्वामेव आलोएज्जा, आउसो ! ति वा, भगिणी ! ति वा, दाहिसि मे पत्तो अणतपाय, तंजा लाउयपायं वा ३, तहप्पगारं पायं सयं वा णं जाएज्जा जाव पडिगाहेज्जा । दोच्चा पडिमा । ३ अहावरा तच्चा पडिमा से भिक्खू वा २ से ज्जं पुण पाय जाणेज्जा संगतियं वा वेजयंतियं वा, तहप्पगारं पायं सयं वा णं जाव पडिगाहेज्जा । तच्चा पडिमा । ४ अहावरा चउत्था पडिमा से भिक्खू वा २ उज्झियधम्मियं पादं जाना जं चणे बहवे समण-माहण जाव वणीमगा णावकंखंति, तहप्पगारं पायं सयं वा णं जाएज्जा जाव पडिगाहेज्जा । चउत्था पडिमा । ५९५. इच्चेताणं चउन्हं परिमाणं अण्णतरं पडिमं जहा पिंडेसणाए । ५९६. से णं एताए एसणाए एसमाणं पासित्ता परो वदेज्जा आउसंतो समणा ! एज्जासि तुमं मासेण वा जहा वत्सणाए । ५९७. से णं परो णेत्ता वदेज्जा आउसो भइणी ! आहरेयं पायं, तेल्लेण वा घएण वा णवणीएण वा वसाए वा अब्भंगेत्ता वा तहेव, सिणाणादि तहेव, श्री आगमगुणमंजूषा ४० 原
| SR No. | 003251 |
| Book Title | Agam 01 Ang 01 Acharanga Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 70 |
| Language | Prakrit |
| Classification | Book_Devnagari, Agam, Canon, F000, F001, & agam_acharang |
| File Size | 10 MB |