________________
श्रीअनुयोगद्वारसूत्रम् [सू०५८३-५९१]
३३१ आगमतो य नोआगमतो य ।
(सू० ५८३) से किं तं आगमतो दव्वज्झवणा ? आगमतो दव्वज्झवणा- जस्स णं झवणेति पदं सिक्खियं ठितं जितं मितं परिजियं, सेसं जहा दव्वज्झयणे तहा भाणियव्वं, जाव सेतं आगमतो दव्वज्झवणा ।
(सू० ५८४) से किं तं नोआगमओ दव्वज्झवणा ? नोआगमओ दव्वज्झवणा तिविहा पण्णत्ता। तंजहा-जाणयसरीरदव्वज्झवणा भवियसरीरदव्वज्झवणा जाणयसरीरभवियसरीरवइरित्ता दव्वज्झवणा।
(सू० ५८५) से किं तं जाणयसरीरदव्वज्झवणा ? जाणयसरीरदव्वज्झवणाझवणापयत्थाहिकारजाणयस्स जं सरीरयं ववगय-चुय-चइय-चत्तदेहं, सेसं जहा दव्वज्झयणे, जाव य सेतं जाणयसरीरदव्वज्झवणा ।
(सू० ५८६) से किं तं भवियसरीरदव्वज्झवणा ? भवियसरीरदव्वज्झवणा- जे जीवे जोणीजम्मणणिक्खंते आयत्तएणं० जिणदिट्टेणं भावेणं ज्झवण त्ति पयं सेयकाले सिक्खिस्सति, ण ताव सिक्खइ, को दिद्रुतो ? जहा अयं घयकुंभे भविस्सति, अयं महुकुंभे भविस्सति । सेतं भवियसरीरदव्वज्झवणा ।
(सू० ५८७) से किं तं जाणयसरीर-भवियसरीरवइरित्ता दव्वज्झवणा ? जाणयसरीरभवियसरीरवइरित्ता दव्वज्झवणा- जहा जाणयसरीर-भवियसरीरवइरित्ते दव्वाए तहा भाणियव्वा, जाव सेतं जाणयसरीर-भवियसरीरवइरित्ता दव्वज्झवणा। सेतं नोआगमओ दव्वज्झवणा । सेतं दव्वज्झवणा ।
(सू० ५८८) से किं तं भावज्झवणा ? भावज्झवणा दुविहा पण्णत्ता। तंजहाआगमतो य णोआगमतो य ।
(सू० ५८९) से किं तं आगमओ भावज्झवणा ? आगमओ भावज्झवणाझवणापयत्थाहिकारजाणए उवउत्ते । सेतं आगमतो भावज्झवणा ।
(सू० ५९०) से किं तं णोआगमतो भावज्झवणा ? णोआगमतो भावज्झवणा दुविहा पण्णत्ता । तंजहा-पसत्था य अप्पसत्था य ।
(सू० ५९१) से किं तं पसत्था ? पसत्था चउव्विहा पण्णत्ता । तंजहा-१२°कोहज्झवणा माणज्झवणा मायज्झवणा लोभज्झवणा । सेतं पसत्था ।
१२७. कोहज्झवणा माणज्झवणा... इत्यादि । यद्यप्यत्र केशरबाई ज्ञानमंदिर, पाटणनगरतः प्रकाशिते मुद्रितप्रते प्रशस्ताप्रशस्तक्षपणयोर्व्यत्यासो दृश्यते । श्रुतभक्तश्रीजम्बूविजयसम्पादिते
Jain Education International
For Private & Personal Use Only
www.jainelibrary.org
