Page Text
________________
वइसालीए कुमार-वइटमाणो
-डॉ० उदयचन्द्र जैन
जंबूदीवे भरहखेत्ते बहुविहदेसा, रज्जा, गणरज्जा णयर-उवणयराणि अहेसी। बहुगणे गणरज्जेसु वइसालीगणरज्जो वि। सो अदिसमिद्धो वइहवसंपण्णो विसालो वित्थिण्णो वि। ईसापूव्वे पंच-सद-णिण्णाणवे भरहिज्ज-विविह गणरज्जेसुं वइसालीए णामा विक्खादा पासिद्धा।
विदेहदेसस्स पमुहरज्जो -- वइसाली विदेहदेसस्स पमुहरज्जो पमुहकेंदो, पमुहठाणो रायधाणीइ णामेण समलंकिदा । सा वित्थिण्णा गंडगी-णदिं पेरंत चंपारण्णंतगं । तस्स पएसो विदेहो वा तिण्णि भुत्तो/तिरहुतो। सत्ति संगम-तंते वण्णणं
__ गंडगी-तीरभारंभं चंपारण्णंदगं सिवे।
विदेहभू समक्खादा तीरभुत्ताहिवो मणू।। बवदेहगणसंघो .- णाणाविहसंघो गणो गणरज्जो य महावीरस्स पुव्वे विक्खादा। पच्छा सव्वगणरज्जाणं एगसुत्ते समाहिदूण रायतंतादु पुधु 'विदेह गणसंघो' इदि णाम किदो। विदेहगणसंघो वि गणरज्जो विसालो। अण्णे वज्जी, लिच्छवीसंघो वेसालीसंघो वि । वज्जीदेसस्स रज्जो वसाली गणतंत' णामेण पासिद्धो । अस्सिं च विदेहो, णत्तिगो लिच्छवी वज्जि-उग्गो भोगो इक्खागू-कौरवा य।
वइसाली गणतंतो -- वइसाली विसालो गणतंतो। अस्सिं णाणा णिगमा जणवदा गामा रज्जा संघा गणा समाहिदा। सुत्तसंगहे वेसालीविसए उत्तो वेसाली रमणीया। तस्सिं चेतियं रमणीयं । वेसालीगणतंते लिच्छवीणं वासो आसी। ते राजपुरिसा वीरा धीरा धम्मपवीणा वि। ते लिच्छवी णीला होति, णीलवण्णा णीलवत्था णीलालंकारा। एकच्चे लिच्छवी पीता होति पीतवण्णा पीतवत्था पीतालंकारा। इच्चाई। (सुत्तसंगह 134-135) वइसालीए अंबपाली-वणं वि। अंबपालीए लिच्छवीपत्तो गोदमो आगच्छदि। अंबपाली गणिगा वि वइसालीए परिवसदि। दिग्घ निकाए वि वइसाली गणतंतस्स उल्लेहो। वइसालीए वज्जिदेसस्स वज्जिपुत्तगो वत्तिपुत्तगो वाहिदो। वज्जिपुत्तगाणं विरोह-संतकरणटुं वइसालीए वीअसंगीदी
जादा।
046 प्राकृतविद्या जनवरी-जून 2001 (संयुक्तांक) “महावीर-चन्दना-विशेषांक
Jain Education International
For Private & Personal Use Only
www.jainelibrary.org
| SR No. | 003215 |
| Book Title | Prakrit Vidya 01 |
| Original Sutra Author | N/A |
| Author | Rajaram Jain, Sudip Jain |
| Publisher | Kundkund Bharti Trust |
| Publication Year | 2001 |
| Total Pages | 148 |
| Language | Hindi |
| Classification | Book_Devnagari |
| File Size | 7 MB |