________________
६६ ]
[वृहद् आध्यात्मिक पाठ संग्रह पश्यन्तं त्वद्वचनममृतं भक्ति-पात्र्या पिबन्तं, कारण्यात्पुरुषमसमानन्द-धाम प्रविष्ट म् । त्वां दुर्वार-स्मर-मद-हरं त्वत्प्रसादैक-भूमि, क्रूराकाराः कथमिव रुजा-कण्टका निलुंठन्ति ॥८॥
पाषाणात्मा तदितरसमः केवलं रत्नमूर्तिः, मानस्तम्भो भवति च परस्तादृशो रत्न-वर्गः। दृष्टि-प्राप्तो हरति स कथं मान-रोगं नराणां, प्रत्यासत्तिर्यदि न भवतस्तस्य तच्छक्ति-हेतुः ॥९॥
हृद्यः प्राप्तो मरुदपि भवन्मूर्ति-शैलोपवाही सद्यः पुंसां निरवधि-रुजा-धूलिबन्धं धुनोति। ध्यानाहूतो हृदय-कमलं यस्य तु त्वं प्रविष्टः तस्याशक्यः क इह भुवने देव लोकोपकारः ॥१०॥
जानासि त्वं मम भव-भवे यच्च यादृच्च दुःखं, जातं यस्य स्मरणमपि मे शस्त्रवन्निष्पिनष्टि। त्वं सर्वेशः सकृप इति च त्वामुपेतोऽस्मि भक्त्या यत्कर्तव्यं तदिह विषये देव एव प्रमाणाम् ॥११॥
प्रापद्देवं तव नुति-पदैर्जीवके नोपदिष्ट :, पापाचारी मरण-समये सारमेयोऽपि सौख्यम्। क: सन्देहो यदुपलभते वासव-श्री-प्रभुत्वं जल्पञ्जाप्यैर्मणिरमलैस्त्वन्नमस्कार-चक्रम् ॥१२॥
Jain Education International
For Private & Personal Use Only
www.jainelibrary.org
