________________
६० ]
[ वृहद् आध्यात्मिक पाठ संग्रह आकर्णितोऽपि महितोऽपि निरीक्षितोऽपि
नूनं न चेतसि मया विधृतोऽसि भक्त्या। जातोऽस्मि तेन जन-बान्धव दुःखपात्रं
यस्मात्क्रियाः प्रतिफलन्ति न भाव-शून्याः ॥३८॥
त्वं नाथ! दुःखि-जन-वत्सल ! हे शरण्य !
कारुण्य-पुण्य-वसते! वशिनां वरेण्य! भक्त्या नते मयि महेश! दयां विहाय
दुःखाङ्करोद्दलन-तत्परतां विधेहि ॥३९॥
निःसख्य-सार-शरणं शरणं शरण्य
मासाद्य सादित-रिपु-प्रथितावदानम्। त्वत्पाद-पङ्कजमपि प्रणिधान-बन्ध्यो
वन्ध्योऽस्मि तद्भुवन-पावन हा हतोऽस्मि॥४०॥
देवेन्द्र-वन्द्य विदिताखिल-वस्तुसार
संसार-तारक विभो भुवनाधिनाथ। त्रायस्व देव करुणा-हृद मां पुनीहि
सीदन्तमद्य भयद-व्यसनाम्बुराशेः ॥४१॥
यद्यस्ति नाथ ! भवदध्रि-सरोरुहाणां
भक्तेः फलं किमपि सन्तत-सञ्चितायाः। तन्मे त्वदेक-शरणस्य शरण्य! भूयाः
स्वामी त्वमेव भुवनेऽत्र भवान्तरेऽपि ॥४२॥
Jain Education International
For Private & Personal Use Only
www.jainelibrary.org
