________________
२६८ ]
[ वृहद् आध्यात्मिक पाठ संग्रह
वयमिह तु वचस्ते भूपतेर्भावयन्तस्तदुभयमपि शश्वल्लीलया निर्विशामः ॥ २१ ॥ ( शार्दूलविक्रीड़ित छन्द)
देवेन्द्रास्तव मज्जनानि विदधुर्देवाङ्गना मङ्गलान्यापेठुः शरदिन्दुनिर्मलयशो गन्धर्वदेवा जगुः । शेषाश्चापि यथानियोगमखिलाः सेवां सुराश्चक्रिरे, तत् किं देव वयं विदध्म इति नश्चित्तं तु दोलायते ॥ २२ ॥
देव त्वज्जन्माभिषेकसमये रोमाञ्चसत्कञ्चुकैदेवेन्द्रैर्यदनर्ति नर्त्तनविधौ लब्धप्रभावैः स्फुटम् । किञ्चान्यत्सुरसुन्दरीकुचतट- प्रान्तानवद्धोत्तमप्रेङ्खद्वल्लकिनादझङ् कृतमहो तत्केन संवर्ण्यते ॥ २३ ॥
देव ! त्वत्प्रतिबिम्बमम्बुजदल - स्मेरेक्षणं पश्यतां यत्रास्माकमहो महोत्सवरसो दृष्टेरियान् वर्तते । साक्षात्तत्र भवन्तमीक्षितवतां कल्याणकाले तदा देवनामनिमेषलोचनतया वृत्तः सः किं वर्ण्यते ॥ २४ ॥
दृष्टं धाम रसायनस्य महतां दृष्टं निधीनां पदं दृष्टं सिद्धरसस्य सद्म सदनं दृष्टं च चिन्तामणेः । किं दृष्टे रथवानुषङ्गिकफलैरे भिर्मयाद्य ध्रुवं दृष्टं मुक्तिविवाहमङ्गलगृहं दृष्टे जिनश्रीगृहे ॥ २५ ॥
दृष्टस्त्वं जिनराजचन्द्र-विकस भूपेन्द्र - नेत्रोत्पले स्नातं त्वन्नुतिचन्द्रिकाम्भसि भवद्विद्वच्चकोरोत्सवे । नीतश्चाद्य निदाघजः क्लमभरः शान्तिं मया गम्यते देव ! त्वद्गतचेतसैव भवतो भूयात् पुनर्दर्शनम् ॥ २६ ॥
Jain Education International
For Private & Personal Use Only
www.jainelibrary.org
