________________
जम्बूद्वीपप्रज्ञप्तिसूत्रे जाव पासाईए २ । तस्स णं पासायवडिंसगस्स बहुमज्झदेसभाए एत्थ णं महं एगा मणिपेढीया पण्णत्ता पंच धणूसयाई आयामविक्खंभेणं अड्डाइज्जाइं धणूसयाइं बाहल्लेणं सबमणिमई । तीसे णं मणिपेढियाए उप्पिं सीहासणं पण्णत्तं सपरिवार भाणियव्वं से केणद्वेणं भंते ! एवं वुच्चइ-दाहिणड्ढभरहकूडे दाहिणड्ढभरहकूडे ? गोयमा ! दाहिणड्ढभरहकूडे णं दाहिणड्ढभरहे णामं देवे महिड्ढोए जाव पलिओवमट्टिईए परिवसइ, से णं तत्थ चउण्हं सोमाणियसाहस्सीणं चउण्हं अग्गमहिसीणं सपरिवाराणं तिण्हं परिसाणं सत्तण्हं अणियोणं सत्तण्हं अणियाहिवईणं सोलसण्हं आयरक्खदेवसाहेस्सीणं दाहिणड्ड. भरहकूडस्स दाहिणेड्ढाए रायहाणीए अण्णेसि बहणं देवाण य देवीण य जाब बिहरइ ।
कहि णं भंते ! दाहिणड्वभरहस्स देवस्स दाहिणड्डा णामं रोय. हाणी पण्णता ? गोयमा ! मंदरस्स पब्बयस्स दक्खिणेणं तिरियमसंखेज्जे दीवसमुद्दे वीइवइत्ता अण्णमि जंबुद्दिवे दीवे दक्खिणेणं वारस जोयणसहस्साई ओगाहित्ता एत्थ णं दाहिणड्डभरहस्स देवस्स दाहिणड्डा गोमं रायहाणी भाणियब्धा जहाँ विजयस्स देवस्स । एवं सबकटा णेयव्वा जाब वेसमणकूडे परोप्परं पुरथिमपच्चत्थिमेणं । इमेसि वण्णावासे गाहा
मज्झे वेयड्ढस्स उ कणगमया तिण्णि होंति कूडाउ । सेसा पव्वयकुडा सव्वे रयणामया होंति
माणिभद्दकूडे १ वेयड्डकूडे २ पुण्णभदकूडे ३ एए तिण्णि कूडा कगगामया सेसा छप्पि स्यगामया, दोण्हं वि सरिसणामया देवो कय मालए चेव गट्ठमोलए चेव. सेसाणं छण्हं सरिसणामयो जण्णामया य कडा तन्नामो खलु हबंति ते देवा । पलिओवमट्टिईया हवंति पत्तेयं पत्तेयं ।। रायहाणीयो जंबुद्दीवे दोवे मंदरस्स पव्वयस्स दाहिणेणं तिरियं
Jain Education International
For Private & Personal Use Only
www.jainelibrary.org
