________________
प्रकाशिका टीका सू. १४ आभियोग्यश्रेणिद्वनिरूपणम् समियाओ आयामेणं उभओ पासिं दोहि य वणसंडेहि संपरिक्खि ताओ वण्णओ दोण्हवि, पव्वयसमियाओ आयामेणं । आभिओगसेढीणं भंते ! केरिसए आयारभावपडोयारे पण्णत्ते ? गोयमा बहु समरमणिज्जे भूमिभोगे पण्णत्ते जोव तणे हे उवसोभिए वण्णाई जाव तणाणं सहोत्ति । तासि णं आभिओगसेदीणं तत्थ तत्थ देसे तहि तहिं बहवे वाणमंतरा देवा य देवीओ य आसयंति संर्यात जाव फलवित्तिविसेसं पच्चणुब्भवमाणा विहरति । तासु णं आभि ओगसेढीसु सक्कस्स देविंदस्स देवरण्णो सोमजमवरुणवेसभणकाइयाणं आभिओगाणं देवाणं बहवे भवणा पण्णत्ता, ते णं भवणा बा हे बट्टा अंतो चउरंसा वण्णओ जाव अच्छरगणसंघविकिण्णा जाव पडिरूवा । तत्थ णं सक्कस्स देविंदस्स देवरण्णो सोमजमवरुणवेसगणकाइया बहवे आभिओगा देवा महिड्डिया महज्जुईया जाव महासोक्खा पलिओवमहिइया परिवसंति । तासि णं आभिओगसेढीणं बहुसमरमणिज्जाओ भूमिभागाओ वेयड्ढम्स पव्ययस्स उभओ पासें पंच पंच जोयणाई उड्दं उप्पइत्ता. एत्थणं वेयड्ढस्स पव्वयस्स सिहरतले पण्णत्ते पाईणपडिणायए उदीणदाहिणविच्छिण्णे दस जोयणाइं विक्खंभेणं पब्बयसमगे आयामेणं से णं इक्कोए पउमवरवेइयोए इक्केणं वणसंडेणं सबओ समंता संपरिक्खित्ते, पमाणं वण्णओ दोण्हंपि । वेयड्ढस्स ण भंते ! पव्वयस्स सिहरतलस्स केरिसए आयारभावपडोयारे पण्णत्ते गोयमा ! बहुसपरमणिज्जे भूमिभागे पण्णत्ते से जहागामए आलिंग पुक्खरेइ वा जाव णोणाविहपंचवण्णेहिं मणीहिं उवसोभिए जाव वावीओ पुक्खरिणीओ जाव वाणमंतरा देवा य देवीओ य आसं यंति जाव भुजमीणा विहरति ।
जंबुद्दीवे ण भंते ! दीवे भारहेवासे वेयड्दपव्वए कइ कूडा पण्णत्ता ? गोयमा ! णव कूडा पण्णत्ता, तं जहा-सिद्धोययणकडे १ दाहि
Jain Education International
For Private & Personal Use Only
www.jainelibrary.org
