________________
२२२
श्रीवामदेवविरचितो
अपृथक्त्वमवीचारं सवितर्कगुणान्वितम् । संध्यायत्येकयोगेन शुक्लध्यानं द्वितीयकम् ।। ७१७ ॥ तद्यथा-- यद्रव्यगुणपर्यायपरावर्तविवर्जितम् । चिन्तनं तदवीचारं स्मृतं सद्धयानकोविदः ॥ ७१८ ।। निजशुद्धात्मनिष्ठत्वाद भावश्रुतावलम्बनात् । चिन्तनं क्रियते यत्र सवितर्कस्तदुच्यते ॥ ७१९ ॥ निजात्मद्रव्यमेकं वा पर्यायमथवा गुणम् । निश्चलं चिन्त्यते यत्र तदेकत्वं विदुर्बुधाः ॥ ७२० ॥ इत्येकत्वमवीचारं सवितर्कमुदाहृतम् । तस्मिन् समरसीभावं धत्ते स्वात्मानुभूतितः ॥ ७२१ ॥ इत्येतद्धयानयोगेन प्रोष्यत्कर्मेन्धनोत्करम् । निद्राप्रचलयोनोशं करोत्युपान्तिमक्षणे ॥ ७२२ ॥ अन्त्ये दृष्टिचतुष्कं च दशकं ज्ञानविघ्नयोः । एवं षोडशकर्माणि क्षयं गच्छत्यशेषतः ।। ७२३ ॥ एतत्कर्मरिपून हत्वा क्षीणमोहो मुनीश्वरः। उत्पाद्य केवलज्ञानं सयोगी समभूत्तदा ॥ ७२४ ॥
इति द्वादशं क्षीणकषायगुणस्थानम् ।
ततस्त्रयोदशे स्थाने देवदेवः सनातनः । राजते ध्यानयोगस्य फलादेवाप्तवैभवः ॥ ७२५ ॥ १ श्लोकोऽयं ७१८ श्लोकात्पूर्वं ख-पुस्तके । २ प्लुण्यकर्मे० ख.।
Jain Education International
For Private & Personal Use Only
___www.jainelibrary.org
www
