________________
भावसंग्रहः
२२१
इत्यष्टमं क्षपकापूर्वकरणगुणस्थानम् ।
अनिवृत्तिगुणस्थानं ततः समधिगच्छति । भावं क्षायिकमाश्रित्य सम्यक्त्वं च तथाविधम् ।। ७०८ ॥ गुणस्थानस्य तस्यैव भागेषु नवसु क्रमात् । नश्यन्ति तानि कर्माणि तेनैव ध्यानयोगतः ॥ ७०९ ॥ गतिः श्वाञी च तैरश्वी तच्चानुपूर्विकाद्वयम् । साधारणत्वमुद्योतः सूक्ष्मत्वं विकलत्रयम् ॥ ७१० ॥ एकेन्द्रियत्वमातापस्त्यानगृद्धयादिकत्रयम् । आद्यांशे स्थावरत्वेन सहितान्येतानि षोडश ॥ ७११ ॥ अष्टौ मध्यकषायाश्च द्वितीयेऽथ तृतीयके । पंढत्वं तुर्यके स्त्रीत्वं नोकषाया षट्पंचमे ॥ ७१२ ॥ पुंवेदश्च ततः क्रोधो मानो माया विनश्यति । चतुष्वाशेषु शेषेषु यथाक्रमेण निश्चितम् ॥ ७१३॥ कर्माण्येतानि पत्रिंशत्क्षयं नीत्वा तदन्तिमे । समये स्थूललोभस्य सूक्ष्मत्वं प्रापयेन्मुनिः ॥ ७१४ ॥
इति नवमं क्षपकानिवृत्तिगुणस्थानम् ।
आरोहति ततः सूक्ष्मसांपरांयगुणास्पदम् । सूक्ष्मलोभं निगृह्णाति तत्रासावाद्यशुक्लतः ॥ ७१५ ॥
इति दशमं क्षपकसूक्ष्मकषायगुणस्थानम् ।
भूत्वाथ क्षीणमोहात्मा वीतरागो महाद्युतिः। पूर्ववद्भावसंयुक्तो द्वितीयं ध्यानमाश्रयेत् ।। ७१६ ॥
Jain Education International
For Private & Personal Use Only
www.jainelibrary.org
