________________
भावसंग्रहः
आयुर्वन्धविहीनस्य क्षीणकर्माशदेहिनः । असंयतगुणस्थाने नरकायुः क्षयं व्रजेत् ॥ ६८८॥ तिर्यगायुः क्षयं याति गुणस्थाने तु पंचमे । सप्तमे त्रिदशायुश्च दृष्टिमोहस्य सप्तकम् ॥ ६८९ ॥ एतानि दश कर्माणि क्षयं नीत्वाथ शुद्धधीः । धर्मध्याने कृताभ्यासः समारोहति तत्पदम् ॥ ६९० ॥ मुख्यत्वेनेह साधूनां भावो हि क्षायिको मतः । सम्यक्त्वं क्षायिकं शुद्धं दृष्टिमोहारिसंक्षयात् ॥ ६९१॥ तत्रापूर्वगुणस्थाने शुक्लसद्धयानमादिमम् ।। ध्यातुं प्रक्रमते साधुराद्यसंहननान्वितः ॥ ६९२ ॥ ध्यानस्य विघ्नकारीणि त्यक्त्वा स्थानान्यशेषतः । विशुद्धानि मनोज्ञानि ध्यानसिद्धयर्थमाश्रयेत् ॥ ६९३ ॥ द्विकलंनिष्प्रकम्पं विधायाथ दृढपर्यकमासनम् ।। नासाग्रे दत्तसन्नेत्रः किंचिनिमीलितेक्षणः ।। ६९४ ॥ विकल्पवागुराजालादूरोत्सारितमानसः। . संसारच्छेदनोत्साहः स योगी ध्यातुमर्हति ॥ ६९५ ।। अपानद्वारमार्गेण निःसरन्तं यथेच्छया । निरुद्धयोर्ध्वप्रचाराप्तिं प्रापयत्यनिलं मुनिः ।। ६९६ ॥ द्वादशाङ्गलपर्यन्तं समाकृष्य समीरणम् । पूरयत्यतियत्नेन पूरकध्यानयोगतः ॥ ६९७ ॥
१ बन्धाभावादयत्नसाध्य एतदायुःक्षयोऽत्र । २ यह. ख. ।
Jain Education International
For Private & Personal Use Only
www.jainelibrary.org
